Frjálslyndi flokkurinn þorir að ræða mál er varða þjóðina alla.

Barátta fyrir breytingum á kvótakerfi sjávarútvegs er annars vegar barátta fyrir betri þjóðhagslegri nýtingu fiskimiðanna sem og atvinnufrelsi einstaklinga í atvinnugreininni sem aftur varðar það atriði að byggja landið allt en ekki hluta þess.

Sitjandi valdhafar við stjórnartaumana hafa fengið aðvörun frá Mannréttindanefnd Sameinuðu þjóðanna varðandi kvótakerfið og þess er vonandi að vænta að eitthvað fari að koma á daginn um hvernig menn hyggist bregðast við áliti Mannréttindanefndarinnar.

Stjórnvaldsákvarðanir í formi lagabreytinga um frjálst framsal aflaheimilda á sínum tíma eru og verða að mínu áliti mestu stjórnmálalegu mistök allrar siðustu aldar sem núverandi efnahagslíf situr uppi með að hluta til sem vandasamt verkefni.

Vitundarleysi manna um vöxt og viðgang fiskistofna í hafinu kring um landið er áfellisdómur til handa þeim er staðið hafa að málum hvarvetna.

Þjóðin hefur kosið fjóra menn Frjálslynda flokksins á Alþingi Íslendinga, sem allir geta lagt stjórnvöldum lið við betrumbætur á kerfi sem ekki hefur skilað Íslendingum þjóðarhag til sjávar og sveita.

kv.gmaria.

Athugasemdir

[Sigurður Þórðarson, 23.2.2008 kl. 02:24]

Sammála þér Guðrún María.  Frjálslyndi flokkurinn er eini flokkurinn sem berst fyrir afnámi kvótakefisins.  Aðrir flokkar vilja lagfæra eða breyta kvótakerfinu, en það er laungu útséð um að það gengur ekki.

[Guðrún María Óskarsdóttir., 23.2.2008 kl. 02:26]

Já ég er nú ansi hrædd um það Sigurður.

kv.gmaria.

[Ásthildur Cesil Þórðardóttir, 23.2.2008 kl. 10:00]

100% sammála þér Guðrún María.

[Vigfús Davíðsson, 23.2.2008 kl. 11:44]

Þú veist að það er ekki póltískur meirihluti fyrir því á þingi,að kollvarpa þessu ranglátakerfi. Hvað vill Frjálslindiflokkurinn gera í stöðunni?

[Guðjón H Finnbogason, 23.2.2008 kl. 15:00]

Sæl frænka.Þegar búið verður að afnema kvótakerfið og borga þeim sem keypt hafa kvóta ekki þeim sem fengu ósanngjarnan gjafarkvóta hver á þá að borga í flokksjóð Sjálfstæðisflokksins,hugsar ekki hver um sinn rass.Ég held að allir vilji afnema þetta óréttláta kerfi það vantar bara þor.

[Matthilda M. Eyvindsd Tórshamar, 23.2.2008 kl. 16:35]

Vildi bara þakka fyrir síðast, er loksins komin með nettengingu aftur.

[Guðrún María Óskarsdóttir., 24.2.2008 kl. 00:21]

Takk fyrir síðast Matta.

kv.gmaria.