Ók ég út í tunglsljósi.....

Ég tók upp á því að bregða undir mig betri fætinum ásamt syni mínum og við ókum austur í sveit í kvöld til að halda aðfangadag jóla hátíðlegan í sveitinni.

Suðurlandið var bókstaflega baðað í tunglsljósi og það lá við að maður þyrfti að setja upp sérsök gleraugu við akstur en ljóst var að ljósa var ekki þörf því tunglið lýsti veginn fullkomlega.

Hinn raflýsti Seljalandsfoss var eins og " abstrakt " málverk í öllu tunglsljósinu, ellegar klipptur út úr ævintýramynd.

Jökulinn minn er hvítu hulinn og jólalegur blessaður en allt hefur sinn sjarma , sumar og vetur.

kv.gmaria.

 

 

Jólatungl í fyllingu

Athugasemdir

[Guðbjörg Elín Heiðarsdóttir, 24.12.2007 kl. 01:53]

Ég tek undir þetta hjá þér Guðrún María. Það er búið að vera yndislegt veður í dag og núna í kvöld þegar ég var ásamt dóttur minni að keyra heim í Kollafjörðin ( við Esjuna ) þá var Esjan böðuð í tunglsljósi. Dóttir mín hafði á orð á því að nú væri lag að hafa myndavélina. Gleðileg jól.

[Ester Sveinbjarnardóttir, 25.12.2007 kl. 12:21]

Gleðileg jól til ykkar allra í sveitinni minni ;)

[Ásthildur Cesil Þórðardóttir, 25.12.2007 kl. 12:34]

Gleðileg jól Guðrún María mín, og megi gæfan brosa við þér og syni þínum á nýju ári.  Takk fyrir það gamla. 

[Halla Rut , 26.12.2007 kl. 00:21]

Kveðja til þín...