HVER ber hönd fyrir hagsmuni barna til framtíðar ?

Það er mín bjargfasta skoðun að börn hvoru tveggja þurfi og verði að fá beggja sinna foreldra notið við.

Virðingu fyrir fjölskyldu sem grunneiningu samfélagsins þarf að hefja ofar og hærra en okkar samfélag gerir í dag,  þar sem hvers konar samskipti barna við foreldra sína báða skulu og skyldu njóta allra þeirra úrræða sem möguleg eru , börnunum sjálfum til handa.

Upplifun mín sem foreldris með dreng sem kynntist föður til fjögurra ára aldurs, en missti hann þá er sú frá hverjum aðila á fætur öðrum að allan tímann síðan hefur hann leitað ímyndar föðurs , sem ég sem móðir eðli máls samkvæmt uppfylli ekki.

Því miður finnst mér enn á skorta sýn á það atriði að fólk setji sig í spor barna og sjái hlutina út frá þeim sjónarhóli sem uppvöxtur og uppeldi er, og móta fyrir lifstíð einn einstakling.

Tilvera beggja foreldra í lífi hvers einstaklings sem fæddur er í þennan heim er eðli máls samkvæmt viðkomandi einstaklingi afar mikilvæg.

kv.gmaria.

Athugasemdir

[Sigurður Hólmar Karlsson, 15.12.2007 kl. 06:33]

Þörf og góð áminning hef lært af reynslunni og vona að ég geti bætt mínum bornum skaðann sem ég olli og veit að í rólegheitum er það að lagast en það er bara plástur sárinn gróa aldrei og ef þau gera það þá eru eftir stór ör

kv Siggi 

[Ásthildur Cesil Þórðardóttir, 15.12.2007 kl. 13:36]

Þetta er satt og rétt, börn leita eftir föðurímynd.  En stundum getur afi komið þar inn í myndina.  Það er erfitt við að eiga svona mál því miður.