Mjög ánægjulegt að Frjálslyndi flokkurinn fékk þingmann í Reykjavík.

Frjálslyndi flokkurinn fékk þingmann kjörinn í Reykjavík í síðustu kosningum Jón Magnússon og styrkir það stöðu flokksins á landsvísu þar sem þingmenn eru einnig til staðar af höfuðborgarsvæðinu ásamt landsbyggðinni. Reyndar tel ég að við höfum átt inni fyrir einum þingmanni til viðbótar að minnsta kosti, á þessu svæði ef tekist hefði að jafna atkvæðavægi í raun en það náðist ekki þessu sinni. Málefni þau sem flokkurinn ræddi í síðustu kosningabaráttu eru þau málefni sem varða fólkið í landinu, svo sem skattkerfisbreytingar er lúta að því að létta álagi af þeim tekjulægstu í þjóðfélaginu hvað skattbyrði varðar ásamt því atriði að takast á við löngu tímabæra endurskoðun á kvótakerfi sjávarútvegs sem er efnahagslegur dragbítur á þróun byggðar í landinu og kerfi sem ekki virkar við uppbyggingu þorksstofnsins. Málefni innflytjenda er löngu tímabært að ræða enda allir flokkar alveg sleppt því að ræða þau mál fram til þessa, og ekkert fé til íslenskukennslu til dæmis að finna eins og raun ber vitni að kom fram á haustdögum 2006 þegar allt í einu fannst fjármagn hálfu ári fyrir þingkosningar á ríkisstjórnarfundi. Við Frjálslyndir munum áfram efla okkar starf fyrir land og þjóð hvarvetna og vinna að málum fólksins í landinu.

kv.gmaria.

Athugasemdir

[Georg Eiður Arnarson, 30.5.2007 kl. 21:46]

Sammála ykkur kv.

[Ólafur Ragnarsson, 30.5.2007 kl. 21:50]

Sammála.Kv

[Grétar Pétur Geirsson, 30.5.2007 kl. 22:21]

Þetta er rétti andinn María .Flokkurinn er enn ungur  en er samt með skýra stefnu í öllum málum þó hæst hafi borið á sjávar og innflytjendamálum í þessari kosningabaráttu. Við vorum með rúmlega fjögurhundruð atkvæðum meira á bak við okkar þingmann en t.d. Sjálfstæðisflokkurinn. Mitt mat að við í Frjálslynda flokknum eigum að taka það upp sem stefnu að jafna atkvæðivægið

[Guðrún María Óskarsdóttir., 31.5.2007 kl. 22:44]

Já Jón flutti frábæra ræðu í kvöld.

kv.gmaria.