Frjálslyndi flokkurinn þorir að ræða málefni innflytjenda.

Innflytjendum hefur fjölgað sem aldrei fyrr í íslensku samfélagi, en ekki er hægt að segja að stjórnvöld hér á landi hafi verið viðbúin þeirri fjölgun sem opnun landamæra hefur haft í för með sér. Gömlu flokkarnir keppast við þann málflutning að við skulum bara bjóða alla velkomna en er það raunin að svo sé ? Allsendis ekki sökum þess að þau hin sömu stjórnvöld stofnuðu innflytjendaráð til málamynda þar sem ekki var gert ráð fyrir krónu á fjárlögum til starfa þar á bæ. Það breyttist allt í einu þegar Frjálslyndi flokkurinn hóf að ræða málefni innflytjenda í haust sem leið, en þá fann ríkisstjórnin  allt í einu peninga til þess að setja í íslenskukennslu. Afskaplega faglegt eða hitt þó heldur til handa innflytjendum og virðingin gagnvart þeim hinum sömu er hver ? Það er ekki nóg að bjóða alla velkomna ef meiningin er sú að þú þurfir ekki að kosta neinu til varðandi það atriði að fræða og upplýsa viðkomandi um þau atriði sem eitt þjóðfélag viðhefur til handa þegnum í formi réttinda og skyldna. Forsenda þess að nýbúar geti aðlagast samfélaginu er skilningur og möguleiki til tjáningar og samskipta við fólk sem fyrir er í landinu og ef stjórnvöld standa sig ekki í stykkinu við það að kosta til fjármunum til þess, þá verður eðlilega til einangrun fólks er hér hefur sest að til atvinnuþáttöku. Flóknara er það ekki.

kv.gmaria.

Athugasemdir

[Magnús Helgi Björgvinsson, 26.3.2007 kl. 02:16]

Sæl Guðrún! Þó ég sé ekki fylgismaður frjálslyndaflokksins þá fylgist maður með skrifum ykkar hér í bloggheimum og eins skrifum um ykkar flokk. Mér leist ágætlega á hugsanlegt samstarf vinstri flokkanna við ykkur þar til að umræðan um innflyjendur byrjaði. Kannski af því að Jón Magnússon sem virðist vera orðinn einn af aðalmönnum flokksins fór að tjá sig einmitt um þessi mál. Á blogginu hans Hrannars Bjarnars Arnarssonar   hefur hann tekið saman nokkur ummæli Jóns um þessi mál:

Skoðum nokkur ummæli Jóns sem flest má finna á heimasíðu hans eða Frjálslyndaflokksins :

"Nú þegar verður að bregðast við og efla lögregluna til mikilla muna svo að hún geti tryggt öryggi borgaranna og komið erlendu glæpafólki úr landi. "

"Við verðum að fá að ráða því sem þjóð hverjum við bjóðum í heimsókn og hverjum við bjóðum að gista hjá okkur. "

" Með sama hætti þá er það óviðunandi að launakjör þeirra lægstlaunuðu skuli versna hlutfallslega vegna aðstreymis erlends vinnuafls."

“Ég vil ekki fá hingað fólk úr bræðralagi Múhameðs sem hefur sín eigin lög og virðir ekki lágmarksmannréttindi og misbýður konum.”

"Enginn má engin skilja orð mín svo að ég sé á móti Pólverjum eða öðru kristnu fólki úr okkar heimshluta." 

[Ásthildur Cesil Þórðardóttir, 26.3.2007 kl. 08:56]

Magnús Helgi, ég vil benda þér á þetta ; http://asthildurcesil.blog.is/blog/asthildurcesil/entry/151339/ Segðu mér svo að það sé ekki vanþörf á að ræða málefni fólks af erlendu bergi brotið. Og heimsóknir til landsins.  Málið er að í dag er Ísland lokað land fyrir allar þjóðir nema Evrópu.  Finnst þér það vera allt í lagi ?  Það er alltaf til fólk sem sér málin frá öðrum sjónarhóli.  En til að eitthvað gerist, þarf að ræða málin og opna umræðu.  Síðan er hægt að finna lausnir.  Eins og málin eru í dag, þá eru þau okkur til háborinnar skammar.

[Magnús Helgi Björgvinsson, 26.3.2007 kl. 09:50]

Ásthildur ég er á því að það megi ræða þetta mál en maður byrjar ekki á því að koma með svona fordómamiklar fullyrðingar eins og Jón. Það leiðir aldrei til neins góðs.  Megnið af þessum hópi útlendinga hefur jú komið hingað þar sem að við þurfum á vinnuafli að halda. Ég biði ekki í ástandið hér ef að Íslendingar hefðu ætlað að standa í öllum þessum framkvæmdum einir. Þá sætum við hér uppi með yfirsprengt hagkerfi þar sem að ákveðnar stéttir væru með laun sem slöguðu upp í laun Kaupþingsforstjóra með tilheyrandi verðbólgu. Því að miðað við að hér er ekkert atvinnuleysi og samt um 20 þúsnd manns að vinna hér erlendis frá megum við þakka fyrir það. Og hér koma jú fólk til að vinna frá löndum eins og Kína og fleiri stöðum þannig að það er ekki alveg lokað hér. Annars skildi ég eftir færslu á þinu bloggi lika

Kveðjur

Maggi

[Kjartan Eggertsson, 26.3.2007 kl. 21:09]

Þeir sem óska eftir að setjast hér að eiga að sýna sakavottorð, -við erum með alveg nógu marga glæpamenn.

Þeir sem óska eftir að setjast hér að eiga að sýns heilbrigðisvottorð, -það er grundvallarkrafa.

Við þurfum að hafa "kontról" á fjölda innflytjenda til að lenda ekki í því þegar atvinnuleysi eykst að innflytjendur undirbjóði launamarkaðinn.  Þá fyrst verða menn "rasistar" þegar innflytjandi hefur yfirtekið vinnuna þeirra og þeir ganga um atvinnulausir.

[Kolgrima, 26.3.2007 kl. 22:31]

Guð minn góður Kjartan, eiga útlendingar að sýna sakar- og heilbrigðisvottorð?! Ef þú eða þínir nánustu færu erlendis, til dæmis í nám, þætti þér þá eðlilegt að þú og fjölskylda þín yrði krafin um sakar- og heilbrigðisvottorð?!

Og þú ætlar náttúrulega að flokka þetta undir hugrakka umræðu um útlendinga og neita því að þetta sé sárgrætilega nakinn rasismi og óhugnanlegir fordómar, eða hvað?

[Guðrún María Óskarsdóttir., 27.3.2007 kl. 00:21]

Sæll aftur Magnús Helgi.

Ég legg nú til að þú kíkir á kosningaskrifstofuna til okkar í Skeifunni 7 sem verið var að opna í dag, og athugir hvort þú getur ekki spjallað við Jón.

Sjálf get ég fullvissað þig um það atriði að Jón Magnússon er ekki haldinn fordómum gegn útlendingum. Hann hefur mikla þekkingu á þessum málum eins og mörgum öðrum í okkar samfélagi.

Mér er annars ljúft og skylt að svara gagnrýni þinni hvers konar á mín skrif hér efnislega en hvet þig enn og aftur endilega að ræða við Jón Magnússon og veit að þú munt fljótlega komast að viðhorfi Jóns með því móti.

kv.gmaria. 

[Guðrún María Óskarsdóttir., 27.3.2007 kl. 00:25]

Kolgríma.

Að sjálfsögðu eiga innflytjendur sem hingað koma að geta sýnt fram á heilbrigðis og sakarvottorð sökum þess einfalda atriðis að ýmsir tegundir sjúkdóma geysa hér og þar í veröldinni sem við Íslendingar höfum eitt stórum upphæðum í að verjast gegn með bólusetningu gegnum áratugi. Má í því sambandi nefna berka í Austur Evrópu svo eitt dæmi sé tekið.

kv.gmaria.

[Kolgrima, 27.3.2007 kl. 01:20]

Ég spyr þig hins sama og Kjartan; ef þú og/eða þínir nánustu færu erlendis, til dæmis í nám, þætti þér þá eðlilegt að þú og fjölskylda þín yrði krafin um sakar- og heilbrigðisvottorð?

Og svo af því að ég er svo illa að mér, hafa margir Austur Evrópubúar verið greindir með berkla hér á landi?

Hvað á svo að gera við heilbrigðisvottorðin? Það er mikilvægasta spurningin. Hver er tilgangur þeirra?

[Guðrún María Óskarsdóttir., 27.3.2007 kl. 02:03]

Kolgríma.

Auðvitað ætti að krefja mig og Kjartan um heilbrigðisvottorð kynna og sakarvottorð , hvers vegna ekki ?

Ég hvet þig til þess að kynna þér síðu Alþjóða heilbrigðismálastofnunar um smitsjúkdóma í veröldinni og samstarf þjóða til þess að koma í veg fyrir útbreiðslu þar að lútandi.

Af hverju telur þú að við þurfum að bólusetja okkur ef við ferðumst til Afríku til dæmis ?

kv.gmaria.

[Kolgrima, 27.3.2007 kl. 02:28]

Ég veit ekki um Afríku en þegar ég ferðaðist um Asíu og sigldi meðal annars á Mekong í gegnum frumskóginn, var ég aðeins bólusett fyrir sjúkdómum sem eru bornir af flugum og öðrum dýrum. Ég fékk heillangan fyrirlestur um aðskiljanlegar heilsufarslegar hættur en engin þeirra hafði neitt með fólk að gera - allar snertu þær moskítósmit, hunda og þau dýr sem bera hundaæði og illa eldaðan mat.

Sama átti við um dætur mínar sem fóru til Suður Ameríku.

Mér finnst það ábyrgðarhluti að saka fólk um að bera hættulega smitsjúkdóma til landsins nema hafa eitthvað í höndunum sem sýnir að fólk geri það.

Hefur fólk gert það? Hefur einhver smitast af hættulegum sjúkdómum, t.d. af þessari yfir hálfu milljón útlendinga sem komu hingað í fyrra, ýmist til að vinna eða ferðast? Eða í hitteðfyrra? Eða árið þar áður?

[Kolgrima, 27.3.2007 kl. 02:39]

Og eftir stendur spurningin, hvaða tilgangi eiga heilbrigðisvottorðin að gegna? Hvað á að votta nákvæmlega? Hvað á að gera við þá sem ekki hafa hreint heilbrigðisvottorð?