Framtíð Íslands er breytt fiskveiðistjórnunarkerfi.

Það er ekkert EF það verður að breyta aðferðum við fiskveiðistjórn hér við land. Óráðsíufjárfestingafylleríi þar sem landsbyggðin hefur verið lögð undir í púkkinu þarf að ljúka hið fyrsta og frelsi til atvinnu fært aftur til fólksins í landinu. Hafrannsóknarall og seiðatalning sem forsenda grundvallar heildarkvóta úr stofnum eru langt frá því að vera óumdeilanlegar, og ef til vill álíka því að telja tré úr flugvél með tilliti til nauðsynlegrar gróðursetningar í kjölfarið. Uppbygging þorksstofnsins verðmesta fiskistofnsins hefur mistekist og menn hafa litla hugmynd enn um hvert ástand lifríkis sjávar í raun er sökum þess að rannsóknir hefur ekki tekist að kosta sem skyldi. Brottkast afla náðist þó að mynda sem aftur varð til þess að leyft var að koma með fisk úr sjó að landi sem annars hefði verið hent. Verðmætasóun og skammtímagróðrarsjónarmið eru innbyggð í þetta kerfi sem aftur hefur leitt til þess að fyrirtækin eru enn þann dag í dag skuldsett þrátt fyrir kerfi þetta. Landsmenn munu því í komandi kosningum fá tækifæri til þess að kjósa okkur Frjálslynda sem sannarlega munum breyta hér um aðferðafræði.

kv.gmaria.

Athugasemdir

[Ester Sveinbjarnardóttir, 20.3.2007 kl. 03:02]

Kvótakerfið virkaði einfaldlega ekki, er bastaður sem þjóðin þarf að losa sig við.

[Jón Magnússon, 20.3.2007 kl. 22:57]

Sammála Hönnu Birnu. Umverfismálin í sjónum eru mikilvægasta græna málið í dag. Þau verða ekki lagfært án þess að Frjásllyndir komi þar að. Annað mál sem er ekki síður mikilvægt. Það er að leiðrétta stærsta rán Íslandssögunar, gjafakvótann. Venjulegur Íslendingur verður að standa með okkur og standa með sjálfum sér í því.

[Guðrún María Óskarsdóttir., 23.3.2007 kl. 02:38]

Það er rétt Jón að efnahagsmál þessarar þjóðar velta á leiðréttingu á mistökum sem til staðar urðu við gjafakvótasystem.

kv.gmaria.