Er saltpækillinn hollur fyrir öndunarfærin ?

Alveg er mér óskiljanlegt að saltpækillinn sé til nokkurra bóta í þessu efni, því það skyldi þó aldrei vera að þau hin sömu efni færu á hreyfingu og blönduðust viðbótarmagni af ösku og nagladekkjaryki innan bæjar, eftir stuttan tíma, sem aftur bætir þá á vandann í stað þess að minnka í raun.

Sjálf hefi ég nú smá samanburð varðandi það atriði að búa á öskusvæði annars vegar og í höfuðborginni snjólausri og vil meina að aska og moldrok sé illskárra en ryk sem nagladekk þyrla upp af götum borgarinnar.

Í fyrra bjó ég á höfuðborgarsvæðinu og þá var snjóavetur sem aftur var alger sæla hvað varðar lítið magn af óþverrasvifryki af völdum nagladekkja, nær fram á vor.

Ég leyfi mér hins að stórefast um það eins og áður sagði að saltpækill til að rykbinda sé af hinu góða.

 

kv.Guðrún María. 

 

 

 

 

 

Götur rykbundnar með saltpækli

Athugasemdir

[Brynjólfur Þorvarðsson, 20.3.2013 kl. 06:51]

Sæl Guðrún

Ekki veit ég með hollustuna af saltpækli í hlutverki rykbindara en hitt veit ég að saltpækill er algjört undralyf fyrir húðina. Fyrir mörgum áratugum vann ég í fiskverkun víða um land og nokkrir af eldri köllunum voru iðulega berhentir í saltinu, jafnvel með lúkurnar á bólakafi í pækli. Eins og þeir bentu á þá var húðin á höndunum á þeim mun mýkri og unglegri en á jafnöldrum þeirra sem aldrei snertu pækil!

[Guðrún María Óskarsdóttir., 21.3.2013 kl. 00:55]

Sæll Brynjólfur.

Það eru venjulega tvær hliðar á sama máli eins og þú bendir á.

kv.Guðrún María.