Ólöglegur óþverri sem eyðileggur líkama og sál.

Það er ömurlegt á það að horfa nær hvern einasta dag að umfang þessarar starfssemi sé með því móti að næstum hvern dag séu menn teknir undir áhrifum þessarra efna ellegar lögregla að finna efni út um víðan völl.

Skaðsemi efna þessarra á ungmenni í uppvexti verða til þess að fresta þroska viðkomandi, ásamt því að leiða út á braut annarra og sterkari efna sem hvoru tveggja kunna að gera viðkomandi að fársjúkum fíkli sem aftur framleiðir heilbrigðisvandamál af geðrænum toga, hjá fjölda einstaklinga er leiðast út á þessa braut.

Stofnanir til þess að taka á því hinu sama vandamáli að umfangi, í upphafi eru ekki til hvorki hjá sveitarfélögum né ríkinu, því miður.

kv.Guðrún María.

Kynbætt kannabis á Íslandi

Athugasemdir

[Bergur Ísleifsson (IP-tala skráð) 12.6.2012 kl. 05:54]

Og hugsaðu þér ... tvö af þessum efnum, tóbak og áfengi, sem eru hvort um sig mun skaðlegri og meira ávanbindandi en kannabis og valda þjóðfélaginu mun meiri heilbrigðisvanda og kostnaði, auk þess að framleiða mörgum sinnum fleiri fíkla, eru lögleg.

[GB (IP-tala skráð) 12.6.2012 kl. 08:24]

Rétt Bergur. Samkvæmt skýrzlu WHO frá 2006 hefur aldrei verið skráð dauðsfall af völdum hampneyzlu.......

[J. Einar Valur Bjarnason Maack , 12.6.2012 kl. 09:47]

Agalega er þetta kjánaleg grein hjá þér Gmaría.

[Guðrún María Óskarsdóttir., 12.6.2012 kl. 23:51]

Takk fyrir ykkar skoðun.

kv.Guðrún María.

[J. Einar Valur Bjarnason Maack , 25.6.2012 kl. 10:44]

GMaría, hugsaðu nú aðeins um þetta.

Á fyrri hluta 20 aldar var áfengi gert ólöglegt.
Það olli því samt ekki að fólk hætti að drekka heldur voru saklausir neytendur áfengis gerðir að glæpamönnum og neyddir til að verzla við stórglæpamenn sem urðu stórríkir á því að selja lélega vöru til almennings.

Sömu menn hefðu aldrei grætt krónu ef ekki hefði verið fyrir áfengisbannið. Það hefði sparað hellings ofbeldi og yfirvöld hefðu getað skattlagt vöruna til að stemma stigu við þann skaða sem varð í samfélaginu vegna neyslu áfengisins (heilbrigðis og félagsleg vandamál aðallega).

Það sama er uppá teningnum með canabis, en afurð þeirrar plöntu er þó talsvert minna skaðleg en áfengi.

Þér þarf ekki að líka við allt sem er löglegt. Mér líkar ekki við ópíumefni (kódein, morfín og afleiður þeirra svosem heróín) þó þau séu lögleg víðast hvar í hinum vestræna heimi undir læknisráði (Heróín er löglegt undir nafninu Díamorfín, en Bayer group á einkaleyfi á vöruheitinu Heróín).

Þau efni eru lögleg þrátt fyrir að misnotkun þeirra sé samfélaginu mun skaðlegri en neysla kannabisefna sem þó eru ólögleg.

Ég mæli með því að þú lesir þér til um þessi efni og hversvegna þau eru ólögleg (m.a. ástæðna er sú að hampur gefur af sér meiri pappír en timbur (WRHEarst, Anslinger)) þá kannski áttar þú þig á því hversvegna mér þykir þessi grein þín kjánaleg.

Mbvk.

Einar Maack

[Guðrún María Óskarsdóttir., 26.6.2012 kl. 01:06]

Sæll Einar.

Ef cannabis er minna skaðlegt, af hverju er það ólöglegt ?

kv.Guðrún María.