Hvernig á endalaust að auka framleiðslu ?

Mér varð tíðrætt á sínum tima, um markaðshyggjuþokumóðu hér á landi í svokölluðu " góðæri " hér á landi, en hluti þess var þokumóða, þar sem menn höfðu fengið of mikið frelsi til athafna án þess að þess hins sama frelsis fyndust mörk.

Trúin á það að endalaust sé hægt að auka framleiðslu svo og svo mikið hvarvetna um víða veröld er eitthvað sem hefur að mínu viti, farið fram úr mögulegum væntingum hvers konar.

Verðmat á störfum við annars vegar umsýslu peninga og hins vegar þjónustu við eitt samfélag hefur slitnað í sundur, svo mjög að þar er um að ræða gjá sem þarf og verður að brúa.

kv.Guðrún María.

Verðlækkun á fjármálamörkuðum

Athugasemdir

[Eggert Sigurbergsson, 2.8.2011 kl. 12:03]

Einkaleyfi einkabanka til að prenta peninga þ.e skuldvæða fólk og fyrirtæki er krabbamein þjóðfélagsins Nr1 enda er þessi aðferð dæmt til að mistakast reglulega með tilheyrandi kreppum.

Ef þú sem einstaklingur leggur inn 1.000Kr inn í bankann þinn þá leggur bankinn þessa peninga inn í Seðlabanka Íslands og þú sem skattgreiðandi greiðir sjálfum þér vexti ásamt margfaldri þeirri upphæð í þóknun til bankans í formi vaxtamunar.

Þar sem bankinn "á" 1.000Kr inni í Seðlabankanum þá fær hann leyfi frá hæstvirtum Fjármálaráðherra að prenta peninga upp á 9.000Kr sem hann gerir í formi lánafyrirgreiðslu til einstaklinga og fyrirtækja og "prentar" þessar 9.000Kr í formi millifærslu inn á reikning viðkomandi lánþega. Bankinn fær alla vexti í sinn vasa af þessum lánum og afmáir "lánið" síðan út úr bókhaldinu enda voru aldrei til verðmæti á bakvið þessa peninga heldur er bankinn búin að "búa til" nýja peninga í formi VAXTA sem rýra verðmæti gjaldmiðilsins hjá ÖLLUM enda urðu ekki til ný verðmæti við þennan gjörning.

Smá saman þá eignast bankinn hlutdeild í hinum raunverulegu verðmætum á þess að leggja til nein verðmæti sjálfur, hið eina raunverulega hlutverk seðlabanka er að stjórna þessari eignatilfærslu og er miðað við að hún sé um 2,5% á ári.

Síðan verður til gríðarlegur "gróði", þ.e upptaka verðmæta, að stjórnendur bankans verða að greiða sér himinháa bónusa fyrir "dugnaðinn"

Þetta kerfi gengur út á að til að ég og þú föttum ekki hvað er í gangi þá verður hagkerfið að stækka að sama skapi til að fæða þessu vél sem engu eyrir og skilar engu.

Raunveruleg lausn væri að hlutverki seðlabankans yrði breytt þannig að hann úthlutaði þjóðarframleiðslunni til allra að frádregnum kostnaði við að reka samfélagsþjónustuna. Þjóðin mundi síðan "lána" til góðra verka vaxtalaust hluta þeirra peninga sem hún fengi frá Seðlabankanum gegn þá væntanlegri hlutdeild í ágóðanum ef vel gengur þ.e ef "lánið" framkallar raunverulega verðmætasköpun.

Ef þjóðarframleiðslan er 1.500miljarðar og að samfélagsþjónustan tæki 60% þá  mundi afgangurinn skiptast jafnt á þjóðina eða 1.875.000Kr á hvert mannsbarn sem kæmi þá til viðbótar þeim launum sem fólk hefði og jafnframt væri ekki þörf á tekjusköttum og samdráttur vegna aflabrests o.s.f hefði ekki kreppuvaldandi áhrif þ.e peningaprentunin hrinur.

Í dag fara þessi verðmæti til að standa undir risastóru fjármálakerfi og útdeilingu þjóðarverðmæta til fárra sérvalinna.

Það mundi kallast gott að við gætum breytt núverandi kerfi á næstu 50 til 100árum enda er gríðarleg mótstaða sérvalinna við að breyta þessari einkapeningaprenntvél.

Flokka má þessar pælingar sem róttækar en sannleikurinn er sá að núverandi kerfi á sér ekki lífsvon og verður hægt að líta aftur til okkar tíma eftir 200ár og gera grín að okkur fyrir kjánaskapinn svona eins og við gerum góðlátlegt grín að "flöt jörð" kenningunni sem þó var fúlasta alvara á sínum tíma og fólk var útskúfað úr samfélaginu fyrir að láta sér detta í annað í hug.

[Guðrún María Óskarsdóttir., 3.8.2011 kl. 00:36]

Sæll Eggert, og kærar þakkir fyrir annars stórgott innlegg þitt.

Svona pælingar eru finar, ekki veitir af.

kv.Guðrún María.