Icesavesamningurinn verður að öllum líkindum felldur.

Ég tek ekkert frekar mark á þessari könnun en einhverjum öðrum en vona að kjörsókn verði góð í þessum kosningum, því það skiptir máli að hver og einn einasti maður nýti atkvæði sitt.

Ég mun segja NEI, vegna þeirrar óvissu og þeirra áhættuþátta sem innifalin eru í samningi þessum ennþá fyrir land og þjóð.

kv.Guðrún María.

56% segja ætla að styðja lögin

Athugasemdir

[Gunnar Heiðarsson, 25.3.2011 kl. 23:55]

Sæl Guðrún María, vissulega er samningurinn óviss. Þó eru nokkrir þættir sem liggja fyrir.

Lögsaga málsins flyst frá Íslandi til Bretlands við samþykkt samningsins.

Það bætast að minnsta kosti 50 miljarðar við skuldasafn ríkissjóðs ef hann verður samþykktur.

Þessi tvö atriði eru í reynd næg til að hafna samningnum. Við þetta bætist síðan að allar forsendur eru vægast sagt hæpnar. Við minnstu breytingu þeirra getur upphæð samningsins rokið upp úr öllu valdi og orðið okkur gjörsamlega ofviða.

Þá má ekki gleyma þeirri staðreynd að varðandi dómsmál sem menn hræðast svo mikið, þá snýr það fyrst og fremst að því hvort neyðarlögin haldi. Við samþykkt samningsins mun það mál ekki fara út af borðinu, öðru nær. Nú þegar eru nokkrir fagfjárfestar sem áttu meira inn á icesave reikningum en sem nemur 20.000 evru markinu, farnir að vinna að því að fá neyðarlögunum verði hnekkt. Þessir aðilar munu halda því áfram þó við samþykkjum icesave lögin. Ef þeim tekst þetta ætlunarverk sitt, mun vera skelfilegt fyrir okkur að hafa samþykkt þessi lög!

NEI við icesave!!

[Guðrún María Óskarsdóttir., 26.3.2011 kl. 00:38]

Sæll Gunnar.

Já mikið rétt hjá þér.

kv.Guðrún María.

[Sigurður Haraldsson, 26.3.2011 kl. 06:18]

Takk kæru samlandar við segum NEI og fellum samninginn og komum þessum já landráðafólki á óvart!