Alþingismenn ALLRA flokka á Alþingi, axlið ábyrgð, eftir höfðinu dansa limirnir.

Mér þykir vænt um Ingibjörgu Sólrúnu Gísladóttur, Geir Haarde, Árna Mathiesen og Björgvin Guðna, en það breytir því ekki að sæti ég sem alþingismaður á Alþingi Íslendinga i dag væri það skylda mín, að gjöra svo vel að afgreiða tillögu sem kosin þingnefnd hefur skilað, þess efnis að aðgerðir ellegar aðgerðaleysi viðkomandi í sinni ráðherratíð í aðdraganda hrunsins, komi fyrir Landsdóm.

Hafi það einhvern tímann verið mikilvægt öllum sitjandi flokkum á Alþingi Íslendinga að afgreiða eitthvað eitt mál fljótt og vel, þá er það þetta.

Hér er á ferð spurning um virðingu Alþingis, og stjórnmálastarfssemi og þess að menn séu þess umkomnir að axla ábyrgð þeirra álitaefna sem hugsanlega verða lögð fyrir Landsdóm, hér að lútandi.

kv.Guðrún María.

Athugasemdir

[Guðmundur Jónas Kristjánsson, 20.9.2010 kl. 00:34]

ALLIR Hrunráðherrarnir eiga að fara fyrir Landsdóm Guðrún, sbr. blogg mitt
í dag. EKKI bara 3-4!

[Guðrún María Óskarsdóttir., 20.9.2010 kl. 00:42]

Tek alveg undir það Guðmundur, hins vegar liggur sú niðurstaða fyrir þingi að af hálfu kjörinnar nefndar að sækja mál gegn nokkrum og Alþingi á ekki að þurfa að hiksta við afgreiðslu sem slíka, heldur afgreiða málið.

kv.Guðrún María.

[Guðmundur Jónas Kristjánsson, 20.9.2010 kl. 00:49]

Bara endurtek. ALLIR Hrunráðherrar fyrir Landsdóm. Allt annað ávísun
á pólitíska syndarmennsku. Minni á að HÆGRI GRÆNIR vilja ALLA Hrunráðherra fyrir Landsdóm!

[Sigmar Þór Sveinbjörnsson, 20.9.2010 kl. 15:51]

Heil og sæl Guðrún María, ég er þér sammála að þetta eru örugglega allt góðir einstaklingar, en spurningin er hvernig á að taka á þessu máli öllu saman. Maður botnar ekkert í þessu rugli,  eitt er víst að ekki mun þessi umræða á alþingi auka álit almennings á Alþingismönnum ef þessu máli verður klúðrað þar eins og allt stefna í. Góður pistill hjá þér Guðrun.