Geta þingmenn sleppt þvi að mæta á þingið ef þeim líkar ekki við umræðuna ?

Það hlýtur nú að týnast af launum þingmanna ef þeir mæta ekki á þingfundi sökum þess að þeim hinum sömu líkar ekki umræðan, eða halda þeir launum þótt þær mæti ekki ?

kv.Guðrún María.

Ragnheiður Elín: Einstaklegur ömurleiki Margrétar

Hvar er sérstök húsaleigubótahækkun til handa leigjendum ?

Get ekki betur séð en leigjendum hafi verið sleppt hvað varðar " sérstök úrræði " svo sem þessar sérstöku vaxtaniðurgreiðslur til húseigenda og getur það verið að það þýði mismunun þegnanna ?

Nema einhver sérstök aðgerð sé á leiðinni til handa leigjendum til jafns við húseigendur.

Vonandi bera menn gæfu til þess að breyta í eitt kerfi húsnæðisbóta þar sem jafnt gangi yfir alla án flokkunnar í eign eða leigu í formi niðurgreiðslna hins opinbera.

kv.Guðrún María.

Húseigendur fengu 2,6 milljarða

Það er ýmislegt hægt að gera til að auka útiveru.

Það þarf áróður og fræðslu um mikilvægi hreyfingar fyrir stoðkerfi líkamans og hreyfilyfseðlar frá læknum er að ég tel gott úrræði.

Persónulega hefi ég upplifað það nú á annað ár hve gífurlega miklu máli það hefur skipt fyrir mig að geta gengið úti 20-30 mínútur á dag, eftir að hafa slasast og tapað vinnugetu vegna bakmeiðsla, en áður en ég slasaði mig fór ég ekki í slíkar göngur vegna þess að vinna mín var sífelld hreyfing á göngu heila vinnudaginn.

Gangan styrkir og hjálpar mér að þyngjast ekki um of við það hreyfingarleysi sem annars er til staðar, en ég má ekki hlaupa bara ganga en það að geta gengið skiptir miklu máli fyrir mig.

Ég vil meina að lengi búi að fyrstu gerð og gera þurfi börnum kleift að fá útrás fyrir hreyfigetu svo mest sem verða má hvarvetna í sínu nánasta umhverfi.

kv.Guðrún María.

Er hægt að auka útiveru Íslendinga?

Lýðræðislegt umboð i þágu þjóðar kemur ekki með sundruðum einingum.

Fjögurra flokka kerfi stjórnmála er meira en nóg að mínu viti hér á landi, og engum til hagsbóta , hvorki stjórnmálaöflum er fá einn mann kosinn á þing né heldur þjóðinni að slíkur málamyndamálamiðlanasjónleikur þurfi að vera hluti af íslenskum stjórnmálum til framtíðar.

Einn eða tveir þingmenn á þingi fyrir flokk ná engu fram, þannig er það og verða hrópandinn í eyðimörkinni allt kjörtímabil það sem viðkomandi sitja á þingi, að minnsta kosti í stjórnarandstöðu.

Fari viðkomandi í stjórn kostar það samsuðu málamiðlana, sem og vandræði og vesen allt næsta kjörtímabil þar sem viðkomandi flokkur þarf að vekja athygli á sérstöðu sinni til þess að lifa lengur.

Sundrungin er lýðræðinu til óþurftar svo mikið er víst.

kv.Guðrún María.

Ný framboð næðu tíu þingmönnum

Ísland í vonanna birtu.

Ég hefi löngum álitið það að bjartsýnin sé forsenda viljans til þess að finna lausnir á vandamálum hvers konar.

Það atriði hversu mjög við kunnum að velta okkur upp úr vandamálum öllum án þess að benda á leiðir til breytinga hverju sinni, hefur að mínu viti mikið með það að gera hvort eitthvað umbreytist eða ekki.

Öll hin gífurlega " hrunumræða" fjölmiðla í landinu hefur verið álíka yfirtoppuð og umfjöllunin um hina guðdómlegu útrás íslenskra fjármálafyrirtækja var þegar peningarnir uxu á trjánum.

Mikið til hefur sú umræða leitast við að finna sérstaka sökudólga hverju sinni gagnvart almenningi í landinu sem er afar einföld uppsetning í raun og engum spurningum velt upp í formi bjartsýni um framtíðarúrræði til þess að reisa landið við.

Að horfa yfir sviðið fram í timann er eitthvað sem afskaplega lítið sést af hér á landi nema í einstökum þröngum viðfangsefnum.

Væri það ofverk ríkisfjölmiðla að taka fyrir vangaveltur um efnahagsþróun næstu tuttugu ára hér á landi svo eitt dæmi sé tekið ellegar skipulag mála í atvinnuvegum matvælaframleiðslu ?

Kanski hefur eitthvað farið framhjá mér í umfjöllun þeirri sem ég gagnrýni skort á og biðst ég þá velvirðingar á slíku, hins vegar skora ég á alla að draga fram lengri sýn á viðfangsefni líðandi stundar en það eitt gefur komandi kynslóðum von og vilja til betrumbóta í komandi framtíð.

kv.Guðrún María.

Um daginn og veginn.

Gekk minn göngutúr niður í bæ í dag og blessuð vorblíðan lék um vanga, það var gott að ganga úti í íslenska vorinu nú eins og alltaf.

Ungir athafnamenn urðu á vegi mínum sem voru að gera tilraunir til þess að dýfa fótum í kaldann lækinn sem rennur undir Reykjanesbrautina og ég hugsaði á ég að segja eitthvað við þá um að passa sig, en ég sleppti því þar sem ég hefði sennilega verið í sama leik á þeirra aldri. Þeir voru þrír saman, þannig að hefði einhver dottið út í hefði annar látið vita.

Skömmu síðar rakst ég á fleiri athafnamenn sem voru að klifra á tréverkinu sem lá að Reykdalsvirkjuninni á sama aldri og hinir og ég sagði við þá, " strákar mínir passið ykkur að detta ekki, það er hátt fall niður... " Þeir fóru til baka, og ég var fegin.

Það er hins vegar ætíð svo að afskiptasemi hins fullorðna á stundum við og stundum ekki, svo er og verður.

kv.Guðrún María.

Laun fyrir fulla vinnu nægi til framfærslu, það er barátta launamanna alla daga ársins.

Ég lít svo á að umsamin laun fyrir fulla vinnu einstaklings sem hefur störf vinnumarkaði eigi að geta verið nægileg til þess að sá hinn sami geti lifað í einu þjóðfélagi á hverjum tíma.

Verkefni þeirra er semja um það hið sama er því að sjá til þess að svo sé, með öllum þeim baráttuaðferðum sem samtök launamanna eiga í sínum fórum.

Ég ber ómælda virðingu fyrir konum eins og Aðalheiði Bjarnfreðsdóttur heitinni sem á sínum tíma náði fram ýmsu því sem aðrir síðar sömdu af sér en voru hlunnindi í formi launa í því félagi sem hún stóð fyrir.

Verkalýðshreyfingin hér á landi hefur undanfarin ár og áratugi í heild, því miður ekki verið þess umkomin að standa nægilega vörð um kjör launþega í landinu og látið það viðgangast að lágmarkslaun fullvinnandi einstaklings á vinnumarkaði nægi ekki til framfærslu eftir skatta.

Um tima voru útskýringarnar þær að launahækkanir mættu ekki raska stöðugleikanum í íslensku þjóðfélagi og þess vegna áttu verkamenn að samþykkja tveggja til þriggja prósenta launahækkanir meðan laun bankastjóra í fjármálafyrirtækjum á mánuði voru sem nam ævilaunum verkamanns.

Ennþá er að afdalaskipulag við lýði að stjórnir verkalýðsfélaga skipi í stjórnir lífeyrissjóða sem er ekkert lýðræði, og mætti vel kalla krosseignatengsl þar sem lífeyrissjóðirnir fjárfesta í atvinnufyrirtækjum á markaði og stjórnir verkalýðsfélaga standa síðan í samningum við um kaup og kjór.

Þennan hring þarf að rjúfa og finna annað og betra skipulag en þetta og það er verk Alþingis að skoða þau hin sömu mál.

Hagsmunavarsla launamanna skal aldrei fara í flokkapólítík forystumanna félaga launamanna því launamenn hafa mismunandi pólítískar skoðanir eins og sjúklíngar á sjúkrahúsum, eða vegfarendur á vegum landsins, eðli máls samkvæmt.

Við höfum nóg að hæfileikaríku fólki til að gegna forystu sem kann að skilgreina hagsmuni launamana og berjast fyrir þeim án þess að ganga erinda pólítiskra flokka í leiðinni.

Varðstaða um kjör launamanna er nægilegt verkefni nú sem fyrr og sú barátta fer fram alla daga ársins ekki aðeins 1. maí.

kv.Guðrún María.

Forystumenn verkalýðshreyfingarinnar skyldu ætíð ópólítiskir vera.

Hver sá er gegnir forsvari fyrir hagsmunasamtök einstakra hagsmuna í þessu tilviki launamanna, hefur að mínu viti ekkert umboð til þess að tala fyrir félagsmenn sína að þeim forspurðum, alveg sama hvaða málefni þar á í hlut.

Það er engin furða að krafa um atkvæðagreiðslu í einu pólítisku máli sé fram komin þegar menn hafa talað með því móti sem forystumenn hafa því miður orðið uppvísir.

Eitt helsta hagsmunamál launamanna á Íslandi er að aftengja verkalýðshreyfingu alfarið pólítik en þar veldur hver á heldur og endurnýjun í forystusveit þar á bæ, lítil sem engin.

kv.Guðrún María.

Styrmir: Verkalýðshreyfingin efni til atkvæðagreiðslu

Um 70% þjóðarinnar eru andsnúin aðild að Evrópusambandinu, hvers vegna er aðildarumsókn í gangi ?

Hvort sem mönnum líkar betur eða ver þá er andstaðan við aðild að Evrópusambandinu verulegur meirihlutavilji íslensku þjóðarinnar og því með ólíkindum að sitjandi stjórnvöld í landinu hafi þvíngað aðildarumsókn gegnum Alþingi Íslendinga án þess að áður færi fram atkvæðagreiðsla meðal þjóðarinnar um það hið sama mál.

Raunin er sú að nákvæmlega svona pólítskar aðferðir sem kosta ofurfjármuni er hent fram úr erminni í pólítískri þjónkun við eitt stykki stjórnmálaflokk sem hefur haft þetta mál á sinni pólítisku stefnuskrá, einn flokka hér á landi og komst í forsvar núverandi ríkisstjórnar.

Hvers konar málamyndasjónleikur um lýðræðisvilja núverandi valdhafa blikna þegar þetta mál er skoðað þar sem íslenska þjóðin var ekki spurð um vilja til þess að sækja um aðild.

kv.Guðrún María.

Mikill meirihluti vill ekki í ESB

Stjórnmálamenn lögleiddu innheimtu gjalda af launamönnum í lífeyrissjóði.

Er lýðræðið orðið hættulegt og kallað " stjórnmálaáhætta " hjá sjóðum launamanna sem innheimta iðgjöld samkvæmt lagaboði sem stjórnmálamenn tóku ákvörðun um á sínum tíma ?

Getur verið að menn hafi agnar ögn fjarlægst forsendu mála í þessu efni ?

Raunin er sú að hér er um dulin pólítisk skilaboð að ræða, pólitisk skilaboð sem eru ekki á verkssviði stjórnar þessa sjóðs að viðhafa.

kv.Guðrún María.

Gildi vekur athygli á stjórnmálaáhættu