Vonandi að rétt reynist.

Afskaplega finnst mér þetta há prósentutala satt best að segja og óhjákvæmilega veltir maður fyrir sér því atriði hvernig spákaupmennskan gangi fyrir sig á eyrinni i þessu sambandi, þ.e. að hugsanlegur uppskerubrestur hafi valdið nær helmings verðhækkun áður en til sögu var kominn.

Vonandi er að þetta gangi eftir öllum til hagsbóta.

kv.gmaria.

Korn lækkar um 37%

Stefnuleysi ríkistjórnarinnar í málefnum atvinnuveganna.

Það er með ólíkindum að enga heildarstefnumótun sé að finna af hálfu sitjandi ríkisstjórnarflokka í landinu, varðandi framþróun starfa í atvinnuvegum einnar þjóðar.

Markmið og tilgangur núverandi kerfis fiskveiðistjórnunar eru löngu hrunin, íslenskur landbúnaður á í vök að verjast þrátt fyrir gífurlega fækkun starfa í landbúnaði  á undanförnum árum.

Bæði þessi kerfi eru enn niðurnjörvuð í kvaða og haftafyrirkomulag sem hvort um sig nær útilokar nýliðun í atvinnugreinunum, þar sem við erum eftirbátar annarra þjóða í þvi efni að taka þátt sjálfbærni þar meðferðis.

Uppbygging iðnaðarframleiðslu með orkunýtingu er eitthvað sem sitjandi ríkisstjórn veit ekki hvort hún ætlar að viðhafa eða ekki, og segir eitt í dag annað á morgun allt eftir hvaða ráðherra á í hlut.

Hugmyndir eða tillögur sitjandi flokka í ríkisstjórn að uppbyggingu atvinnu á landinu öllu, hef ég ekki heyrt um, frekar en að hafa séð heildarstefnumótun í málefnum atvinnuvega í landinu.

kv.gmaria.

 

 

Hefði komið vel að hafa undirgöng undir Reykjanesbrautina innanbæjar.

Umferðarálagið á hringtorgið við Lækjargötu og Setberg veldur því að oft og iðulega eru íbúar lokaðir inni í hverfi sínu vegna magns umferðarþunga aðalbrautar á Reykjanesbraut.

Í dag mátti þurfa að þvælast hringferðir upp á hæðina til þess að komast heim, vegna þessa óhapps.

Undirgöng innanbæjar var eitthvað sem menn virtust ekki koma auga á í upphafi, eins mjög og slíkt hefði þó þjónað tilgangi sínum.

kv.gmaria.

Umferðartafir í Hafnarfirði vegna olíuleka

Hinn íslenzki markaður sem sitjandi stjórnvöld skópu.

Hér ganga þeir fram sem hafa axlabönd og belti verðtryggingar í farteskinu við sölu banka úr rikiseigu undir formerkjum einkavæðingar, með það að markmiði að búa til markað á Íslandi.

Markað sem á að þjóna fólkinu í landinu eða var það ekki ?

kemur í ljós.

kv.gmaria.

Eignast meirihluta í SPM

Samskipti í stjórnmálum.

Sat stórgóðan fyrirlestur sálfræðings i dag, um samskipti, vinnu minnar vegna sem skólaliði i grunnskóla.

Við skólastarfsmenn setjumst nefnilega ár hvert á skólabekk og fáum fræðslu fyrir komandi skólaár.

Óhjákvæmilega varð mér hugsað til þess í ljósi atburða í pólítikinni, á sviði sveitarstjórna í Reykjavík, hve mikilvægt það er að menn séu þess umkomnir að leysa úr ágreiningi og greina aðalatriði frá aukaatriðum í því efni.

Málefni ofar mönnum, af hálfu þeirra sem kosnir eru til þess að fara með vald hvers konar, í þjónustu við fólk. 

" Ég um mig frá mér til mín " pólítikin, verður mörgum að falli, svo ekki sé minnst á " eitt í dag og annað á morgun " eða þegar menn sannfærast um að flokkurinn hafi yfirgefið þá en þeir ekki flokkinn, þó þeir hafi sagt sig úr honum.

Allt er þetta óendanlegt rannsóknarefni á hinu pólítiska sviði, og alla jafna bæta fjölmiðlar um betur þegar fréttir greina frá því að þessi sagði þetta og hinn hitt ,klukkan þetta og enginn er nær um hvor segir satt.

Eitt er víst góð boðskipti þar sem menn gera sig skiljanlega, um hvað þeir meina og vilja, greiðir leið.

kv.gmaria.

 

 

Ekki datt mér í hug að útgerð væri fyrir hendi á vegna Schengen samkomulagsins.

Get ekki séð að þetta Shengen samstarf hafi beinlínis auðveldað nokkurn skapaðan hlut heldur einingis valdið kostnaði án sýnilegs tilgangs sjáanlega og öfunda því ekki önnur ríki af upptöku þess.

kv.gmaria.

Kögun gerir samning við stjórnvöld í Liechtenstein

" Verst af öllu er í heimi einna að búa í Reykjavik....."

" kúldrast upp í kvistherbergi í kulda og hugsa um pólítik... " söng Ríó Tríóið á árum áður og að hluta til mætti heimfæra það upp á núverandi ástand mála þar á bæ, eða hvað ?

Frekar vildi ég reyndar sjá Ríó Tríóið en Tjarnarkvartettinn, spila en þetta nafn sem hefur verið notað um bræðingsbandalag meintra vinstri flokka er hálf hlálegt ekki hvað síst þar sem einn fulltrúi er varamaður en ekki kjörinn fulltrúi framboðs i síðustu kosningum, sem er álíka ýmissi annarri ringulreið sem rikt hefur við stjórnvölinn í Reykjavík.

Mál er að linni svo mikið er víst.

kv.gmaria.

Segir Ólaf hafa samþykkt að víkja

Jón Magnússon kjörinn formaður Borgarmálafélags Frjálslyndra í Reykjavík í kvöld.

Framhaldsaðalfundur Borgarmálafélags Frjálslynda flokksins í Reykjavík var haldinn í kvöld, þar sem félaginu var kjörinn formaður og stjórn, en áður hafði félagstofnun verið ákveðin og lög samþykkt, þann 29 júli.

Jón Magnússon þingmaður Frjálslynda flokksins í Reykjavík var kosinn formaður félagsins.

Ég óska honum og nýrri stjórn velgengni á sviði borgarmála, þar sem öflugt félag hefur við mörg verkefni að fást.

Formanni undirbúningsnefndar Ásgerði Jónu Flosadóttur og öðrum nefndarmönnum vil ég einnig óska til hamingju með félagið.

kv.gmaria.

Skattar eru stjórntæki í efnahagslífinu, þar þarf ákvarðanatöku til framþróunar.

Þegar svo er komið að hið opinbera er farið að bíta í skottið á sér í formi skattöku alls konar og skattleggja styrki hins opinbera á sviði mennta og víðar, þá er nægileg forsenda til þess að endurskoða hinn upphaflega tilgang og markmið þess kerfis sem við lýði er.

Sama máli gegnir um allt of háa tekjuskattsprósentu til handa vinnandi fólki í landinu, og allt of lága upphæð persónuafsláttar á móti. Skattkerfið er þess valdandi að hvetja til ofálags á verkafólk, sökum lélegra launa með offari hins opinbera í skatttöku, þar að lútandi.

Verkalýðsfélögin hafa því miður ekki staðið vörð um hagsmuni umbjóðenda sinna við að semja um kaup og kjör í þessu ástandi.

Hinn endalausi kostnaður við það atriði að reikna út alls konar tekjuskerðingar af hálfu hins opinbera hér og þar í formi staðgreiðsluskatta, sem ári síðar þarf ef til vill að reikna út til endurgreiðslu, þýðir það að verið er með fjölda fólks á launum við að færa krónur úr hægri vasanum yfir í þann vinstri, sitt á hvað.

Vonandi er að fjármálaráðherrrann sem loksins er farinn að tala um heildarhagsmuni beiti sér fyrir endurskoðun skattaumhverfsins, með tilliti til þjóðarhagsmuna í þvi efni.

kv.gmaria.

 

 

Fjölmiðlasirkus í Reykjavík ?

Alls konar fréttir og vangaveltur um borgarmál í Reykjavík eru vægast sagt að verða þreytt fréttaefni á miðað við það sem á undan er gengið í því efni frá síðustu sveitarstjórnarkosningum.

Beinar útsendingar og yfirlega fréttamanna er því hálf hlægilegt frá mínu sjónarhóli séð nú um stundir, borgarbúar og aðrir landsmenn eru nefnilega búnir að upplífa einhvers konar valdarán sitt á hvað, af hálfu allra núverandi kjörinna fulltrúa, allra flokka, í hinum ótrúlegustu birtingarmyndum.

Trúverðugleikinn er horfinn, og lýðræðislegar aðferðir í uppnámi.

kv.gmaria.

 

Fréttamenn bíða í Ráðhúsinu