Frjálslyndi flokkurinn ræddi stöðu fjölmiðla í landinu á Grand Hotel í dag.

Landssamband kvenna í Frjálslynda flokknum skipulagði fund um fjölmiðlaumverfið sem haldinn var í dag þar sem ýmislegt fróðlegt kom fram í framsögu frummælanda sem voru þeir Þorbjörn Broddason prófessor i fjölmiðlafræði, Reynir Traustason ritstjóri DV og Jón Magnússon þingmaður Frjálslynda flokksins.

Reynir benti á tvö dæmi þess að frjálsir fjölmiðlar hefðu verið teknir úr sölu á markaði í stórum matvöruverslunum vegna skrifa um mál af viðkomandi miðlum.

Þorbjörn ræddi nauðsyn þess að þekking fjölmiðlamanna myndi verða til þess að áskapa ritstjórnarlegt frelsi.

Jón ræddi meðal annars niðurstöðu fjölmiðlanefndar stjórnvalda um að skoða mál, sem engan framgang hefði enn fengið.

Fundurinn var upplýsandi og góður og það er vel.

kv.gmaria.

Athugasemdir

[Kolbrún Stefánsdóttir, 9.11.2008 kl. 13:53]

GMaría hvað varð um súpuna? Hefði ekki verið nær að hafa þetta á gamla staðnum og fjáröflun í leiðinni en svona "Grand "fund sem mér fannst því miður ekkert varið í, með tilheyrandi kostnaði. Kannski hef ég bara ekki fattað fræðin  Þarf fund til að segja fólki að það sé slæmt að einn maður eigi alla fjölmiðlana. Þarf fund til að karpa um það hver borgar miða í leikhúsið fyrir hvern með niðurgreiðslu miðaverðs frá ríkinu?  Mér fannst ég vera stödd á fundi hjá ungliðahreyfingu í háskólanum. Það er þó alltaf gaman að hitta fólk ég neita því ekki. kveðja Kolla.

[Guðrún María Óskarsdóttir., 10.11.2008 kl. 00:38]

Sæl Kolla.

Fólk kemur alla jafna á fundi til að fræðast, hlýða á viðhorf, manna til mála, og spyrja spurninga.

Ég lít svo að það sé hlutverk stjórnmálaflokka að funda um mál sem oftast og víðast, um sem flest samfélagsmál, þannig almenningur geti með góðu móti komið sjónarmiðum sínum á framfæri hvarvetna.

kv.gmaria.

[Kolbrún Stefánsdóttir, 10.11.2008 kl. 11:37]

Sæl GMaría. Já ég er alveg sammála þér með það að halda ber fundi um samfélagsmál og þeir koma sem hafa áhuga á þeim. Sumir koma eflaust til að fræðast aðrir til að láta ljós sitt skína svona eins og gengur. Þetta svarar ekki spurningunni af hverju var hætt við súpufundinn né heldur afhverju var ekki hægt að nota Skúlatúnið fyrir þennan fund eins og þá mjög svo ágætu fundi sem þar hafa verið um samfélagsmál. Kannski er það húsnæði ekki nógu hentugt þegar upp er staðið.  kveðja Kolla.