Íslenska þjóðin mun þrauka gegnum þrengingar nú sem fyrr.

Við höfum marga fjöru sopið Íslendingar í lífsbaráttunni við óblíð náttúruöfl gegnum tíð og tíma frá kynslóð til kynslóðar.

Nú í dag höfum við öðlast æ frekari þekkingu á því að nýta okkur auðlindir landsins þar sem hvoru tveggja raforka og húsahitun ásamt því að sækja okkur matarforða af landi og sjá gerir okkur að sæmilega sjálfbærri þjóð meðal þjóða.

Við eigum nóg af ræktarlandi til landbúnaðarframleiðslu hér á landi en þar eins og við sjósókn þurfum við að skipta atvinnutækifærum millum þegnanna til að byggja landið og nýta verðmæti í þvi efni sem vera skal, mannauð og menningu.

Við getum flutt úr afurðir sem nægja til þess að flytja inn það sem við þurfum til viðbótar því sem við höfum og við getum einnig skipt byrðum skatta betur á þegna landsins en við höfum gert, sem aftur kann að stuðla að atvinnuþáttöku og atvinnustigi í einu landi.

Til þess þurfum við að betrumbæta þau kerfi sem fyrir eru og aðlaga til hagsbóta fyrir land og þjóð, hvort sem um er að ræða atvinnuvegi eða skattkerfið sem hvata að vinnuþáttöku.

kv.gmaria.

Athugasemdir

[Jón Snæbjörnsson, 9.10.2008 kl. 09:12]

Nú skulum við rækta garðinn heima fyrir þó fyrr hefði verið - getur þó verið efitt að keppa við innflutt nema þá að verðin á innlendri framleiðslu séu nálægt því innflutta, annars sé ég alveg fyrir mér núna að ýmiss iðnaður muni rísa upp heima - einhvernveginn tekst okkur að hrekja íslenskan iðnað úr landinu aftur og aftur, en markmiðin eru gjöful, góð og gild

[Guðmundur Jónas Kristjánsson, 9.10.2008 kl. 21:21]

Held að þetta hafi verið þörf uppstokkun. Þjóðarbúið var að slígast
undan erlendum skuldum sem einnig hefur átt þátt í veikingu
krónunar. Þessir 3 bankar skulduðu hvorki meir né minna en 88%
af þjóðarskuldum Íslendinga erlendis. Þegar erlendi hluti banka-
starfseminnar hefur verið gerður upp er þjóðin nánast skuldlaus.
Með bjarta framtíð og hagsæld framundan. Ruglið er senn að baki..
Hins veggar þurfum við að krefja Bætur vegna Kaupþings  sem þeir
settu á hliðina algjörlega af tilefnislausu. 

[Guðmundur Jónas Kristjánsson, 9.10.2008 kl. 21:23]

Það er að segja krefja BRETA um bætur vegna Kaupþings.

[Martha Jörundsdóttir (IP-tala skráð) 9.10.2008 kl. 23:11]

Jæja Gunna mín þá kem ég með enn eitt sem ég fékk sent í dag - ég veit að þú hefur svo gaman af þessu :)

Þjóðnýting

 Á lítilli eyju við heimsskautahjara

 býr heimakær, vansvefta, auðtrúa þjóð.

 Hún leit upp til ráðsmanna loðinna svara       sem      loforðum öfugt í kok hennar tróð.

 Þeir níddust á trausti og trúgirni okkar              – táldrógu sannlega helvítis til.

 Og allt sem þeir gerðu, þeir gordrullusokkar      gerðu þeir flottræflum sínum í vil.

 En frelsið er háðara boðum og bönnum

 en bláeygðir frjálshugar ímynda sér.

 Þjóð mín var notuð af nýríkum mönnum

 og nauðgað af útrásarvíkingaher.

[Guðrún María Óskarsdóttir., 10.10.2008 kl. 00:27]

Það er ekkert smávegis sem skáldin hafa hrokkið í gírinn Martha, þetta er stórkveðskapur.

kv.gmaria.