Íslenskt stjórnmálalandslag.

Seint verður hægt að segja að núverandi ríkisstjórnarflokkar hafi klifið hugsjónatinda hvað varðar frumkvæði eða framtakssemi það sem af er kjörtímabili.

Óvenjumikið flakk ráðamanna á erlenda grund hefur birst sjónum almennings, frá fyrsta degi þessarar stjórnar á sama tíma og almenningur í landinu má búa við verðbólgu og vaxtabyrði, sem og atvinnuleysi í auknum mæli.

Innbyrðis ágreiningur flokkanna tveggja hefur verið sýnilegur í Evrópumálum einkum og sér í lagi og einnig hvað varðar orkunýtingarstefnu. Forsætisráðherrann hefur látið það yfir sig ganga að ráðherrar tali sitt í hvora átt í sömu málum sem ber vott um lélega stjórnun í ríkisstjórn landsins.

Skortur á vitund þess efnis að ráðamenn þurfi að koma fram og tala kjark í fólk á tímum efnahagsþrenginga, í stað þess að sitja sem fastast í Filabeinsturninum, og bíða eftir fjölmiðlum með spurningar er birtingamynd vandræðagangs.

Engar hugmyndir hafa enn verið fram færðar af hálfu ríkisstjórnaflokkanna til þess draga úr gjaldtöku á almenning í formi skattöku, né heldur nokkrar einustu hugmyndir um framþróun hvers konar er kunna að felast í endurskoðun kvótakerfis sjávarútvegs hér á landi.

Betur má ef duga skal.

kv.gmaria.

 

Athugasemdir

[Sigurgeir Jónsson, 1.9.2008 kl. 10:38]

Í öllum stjórnmálaflokkum á Íslandi er verið að skoða  fyrirkomulag fiskveiða.Enginn stjórnmálaflokkur leggur til að kvótakerfi skuli aflagt.Enginn þingmaður heldur.Enginn stjórnmálaflokkur nema Samfylkingin hefur það á stefnuskrá sinni að þjóðnýta aflaheimildirnar, þótt eitthvað sé hún nú að heykjast á því þegar hún horfist í augu við fyrirsjánlegar afleiðingar.Þannig að allir eru að skoða málið.Frjálslyndiflokkurinn verður að mynda sér skíra stefnu þar sem forræði ríkisins og öfgafólks við Fúlapytt,tjörnina er hafnað.Kv.

[Guðmundur Jónas Kristjánsson, 1.9.2008 kl. 21:09]

Sæl Guðrún. Sammála þér sem oftar. Ekki verður komist lengur hjá
því að endurskoða þessa stórgölluðu sjávarútvegsstefnu sem er
ekki bara að ganga fiskitofnunum dauðum, heldur sjávarbyggðunum
einnig hringin í kringum landið.