Það er umhverfisslys og óhagkvæmt að henda veiddum fiski aftur í sjóinn.

Hin innbyggða verðmætasóun sem felst í kvóta til veiða veldur sóun þess efnis að hvatinn til þess að henda fiski sem ekki fæst nógu mikið verð fyrir , er fyrir hendi í kerfisskipulaginu.

Sjálfbærni og virðing fyrir lífkeðjunni er veg allrar veraldar við framkvæmd sem slíka, þvi miður.

Það er með ólíkindum að við Íslendingar skulum eyða ómældum fjármunum í umhverfismat á þurru landi meðan við sjáum ekki enn út fyrir landssteina yfir allar okkar auðlindir, en hafið er matarforðabúr þjóða heims ekki aðeins okkar, og því enn ríkari skyldur lagðar á herðar okkur í því efni að mínu viti.

Það kom fram í markaðsfréttum Fréttablaðsins fyrr í sumar að brottkast væri gífurlegt á Íslandsmiðum nú um stundir en þorksveiðiheimildir hafa verið skornar niður.

Þarf umhverfisráðuneyti ekki að fara að taka þessi mál í sínar hendur ?

kv.gmaria.

 

 

Athugasemdir

[Ásthildur Cesil Þórðardóttir, 12.8.2008 kl. 09:53]

Það er alveg ótrúlegt, og spurning hvort ríkisstjórnin sé ekki að framkvæma glæpi gegn þjóðinni, með því að eyðileggja þau verðmæti, sem hægt væri að taka upp á land og nota til að  vinna á kreppunni.  Það verður að skoðast síðar þegar við höfum komið þessu liði frá völdum. 

[Gestur Guðjónsson, 12.8.2008 kl. 14:03]

Þetta er alveg með ólíkindum, undarlegt að ekki skuli fyrir löngu búið að setja videovöktun á þá báta sem fá að veiða sameign þjóðarinnar.

[Ólafur Ragnarsson, 12.8.2008 kl. 19:22]

Sæl kæra blogvinkona.Dettur nokkrum lifandi manni sem einhverntíma hefur sjó stundað að menn fái akkúrrat rétta lengd af fiski???Að brottkast fyrirfinnist ekki???Skelfing fannst þér formaður LÍÚ vera"marðarlegur"til augnana í Kastljósi gærdagsins.Sértu sjálf ávallt kært kvödd 

[Guðmundur Jónas Kristjánsson, 12.8.2008 kl. 22:11]

Brottkastið hefur stóraukist með minnkandi kvóta, sem sýnir enn eitt
dæmið um fáránleika þessa kerfis.  Og engin viðleitni ráðherra til að
koma í veg fyrir það sbr ummæli hjá Gesti hér á undan.

[Sigurgeir Jónsson, 14.8.2008 kl. 09:42]

Ríkisskattstjóri og allt stjórnkerfi íslands hefur á síðastliðnum árum staðfest að veiðirétturinn á Íslandsmiðum er ekki sameign.Ef einhver vill láta reyna á þetta þá getur hann kært það til umboðsmanns Alþingis.R.S.K.hefur allt frá 1991 skattlagt sölu og leigu aflaheimilda.Ef frjálslyndiflokkurinn ætlar að standa undir nafni þá aðstoðar hann Ásmund útgerðarmann við að koma máli hans til Mannréttindadómstólsin í Strassburg. Sjálfur tel ég engan vafa um niðurstöðu dómstólsins.Ef hann hafnar að taka málið fyrir þá telur hann að ekki sé um mannréttindabrot að ræða.Ef hann tekur málið fyrir þá verður að ætlast til þess að fólk sæti niðurstöðunni, þótt jafnvel þingmenn hafi hvatt fólk til að virða ekki lög landsins.En það liggur klárt fyrir að Evrópudómstóllinn lýður ekki að fólk sé svipt eignum sem það hefur keypt á lögmætan hátt og viðkomandi ríki tekið skatt af sölunni.Einstaka villuráfandi Framsóknarmaður verður að sætta sig við það, og á að fara í viðtal til Sverris Stormskers.

[Sigurgeir Jónsson, 14.8.2008 kl. 09:58]

Þar fyrir utan er enginn þingmaður á Aþingi sem leggur til afnám kvótakerfisinsins, ekki einu sinni þinmenn Frjálslyndaflokksins.Afnám kvótakerfisins þýðir einfaldlega það að ekki skuli vera kvóti á neinni tegund. Það hefur enginn lagt til.

[Sigurgeir Jónsson, 14.8.2008 kl. 10:03]

Með frjálslyndri kveðju.