Borgarstjóri er ekki í Frjálslynda flokknum.

Sitjandi borgarstjóri er ekki Frjálslynda flokknum, frekar en ýmsir þeir aðilar er sá hinn sami hefur skipað til hlutverka í ráð og nefndir borgarinnar, og er þar um að ræða fólk sem tók þátt í þingkosningum að hluta til fyrir síðustu kosningar hjá flokki Ómars, sem ekki náði mönnum á þing.

Þetta hafa fjölmiðlar enn sem komið er ekki kosið að rýna í þótt þar sé um að ræða vægast sagt stórar siðferðisspurningar í þvi sambandi gagnvart þvi atriði að kippa fólki inn í ráð og nefndir sem engan veginn hafa tengst viðkomandi framboði til kjörs ellagar eru félagsbundnir í  öðrum stjórnmálaflokkum.

Slík aðferðafræði á sveitarstjórnarstiginu er ekki til eftirbreytni að mínu viti, og skipan mála í höfuðborg landsins og sú pólítík sem þar hefur verið rekin undanfarið kjörtímabil, er engum til sóma, hvar í flokkum sem menn standa og miklu meira en nauðsyn að þar komi nýtt fólk að borðinu.

kv.gmaria.

 

 

Tæp 2% borgarbúa kysu F-lista

Athugasemdir

[Kolgrima, 8.8.2008 kl. 04:45]

Ég er sammála þér. Þótt ég botni hvorki upp né niður í Frjálslynda flokknum finnst mér þetta flokkaflikkflakk Frjálslyndra í borginni áfall fyrir lýðræðið í landinu. Kjósendum Frjálslyndra var gefið langt nef.

Og sama ætti að eiga við með Alþingi. Það er eitt að þingmenn greiði atkvæði á þingi eftir sinni bestu samvisku. Annað þegar þeir geta ekki samvisku sinnar lengur verið fulltrúar kjósenda sinna. Þá eiga þeir að víkja en ekki rjúka í annan flokk gera þar með atkvæði flokksins í Alþingiskosningum dauð og ómerk. 

Eða öllu heldur færa þau næsta flokki á silfurfati.

[Ásthildur Cesil Þórðardóttir, 8.8.2008 kl. 10:41]

Já það þarf að setja reglur um þetta.  Mér finnst að bæði þingmenn og kjörnir fulltrúar flokka eigi að virða stefnuskrá flokka sinna, því það er jú út á þær sem fólk kýs, en ekki eftir persónulegum óskum hvers og eins, nema það sé að fylgja einhverjum sem vill knýja fram eitthvað fyrir sitt umdæmi á kostnað alls landsins.

Ég tek heildhugar undir það með Gmaríu að Ólafur F. er ekki í Frjálslyndaflokknum, hann var aftur á móti í Íslandshreyfingunni.  Það þarf að koma því á framfæri.

[Agný, 8.8.2008 kl. 14:18]

bara svona bloggvina innlits kvitt gmaria..Hef verið alltof léleg í þeirri deildinni í langan tíma. Kær kveðja ..P.S. Ég sé hér að blessuð pólitíkin er alltaf sama loðna og lubbalega tíkin (ekki krúttleg samt..)..það breitist víst ekkert...

[Georg Eiður Arnarson, 8.8.2008 kl. 23:47]

Ég hélt að Ólafur væri genginn í íslandshreifinguna . kv .

[Ester Sveinbjarnardóttir, 9.8.2008 kl. 22:34]

Mikið rétt, Ólafur er í Íslandshreyfingunni og hefur kallað menn úr henni til liðs við sig.

[Guðjón H Finnbogason, 10.8.2008 kl. 16:01]

Sæl frænka. Ef ég væri í X-F væri ég ekki ánægður að ruggludallur eins og Borgarstjórinn er væri að kenna sig við flokkinn og ekki veitir ykkur af athvæðum.En hefur þú trú á því að framsóknarmaðurinn taki við af honum í meirihlutanum þegar X-D fær sætið?