Hví skyldum við Íslendingar una mannréttindabrotum í stjórnkerfi fiskveiða ?

ER það allt í lagi að ein stétt manna eigi ekki aðkomu að sinni atvinnu vegna klaufaskaps við kerfisfyrirkomulags við stjórnkerfi fiskveiða hér á landi ?

Getur það verið að allir aðrir stjórnmálaflokkar en Frjálslyndi flokkurinn, sem eiga fulltrúa á Alþingi Íslendinga þegi þunnu hljóði í áraraðir varðandi það atriði að verið sé að brjóta mannréttindi hér á landi með þessu móti ?

Fyrrverandi ríkisstjórnarflokkar voru höfundar að skipulaginu en Samfylking hefur frá upphafi stofnunar þess flokks verið nær skoðanalaus um kerfi þetta, og vill nú færa ESB íslensku fiskimiðin að virðist á silfurfati.

VG hafa ekki tekið þátt í umræðu um kerfi sjávarútvegs sem heitið geti heldur og aldrei sett málið á oddinn í kosningum.

Þrátt fyrir það að upphaf þeirrar velmegunar sem við búum við í dag sé starf sjómanna við landið gegnum ár og aldir.

Skortur á nauðsynlegri endurskoðun fiskveiðistjórnar skrifast því fyrst og fremst á gömlu stjórnmálaflokkana í landinu sem steinsofa í andvaraleysi sínu gagnvart helstu hagsmunum einnar þjóðar til lengri og skemmri tíma.

kv.gmaria.

 

Athugasemdir

[Georg Eiður Arnarson, 18.7.2008 kl. 17:37]

Sammála . kv .

[Ásthildur Cesil Þórðardóttir, 18.7.2008 kl. 19:01]

Rosalega sammála þér hér Gmaría

[Guðmundur Jónas Kristjánsson, 18.7.2008 kl. 21:09]

Sæl Guðrún.

Sammála, enda alfarið orðinn andvígur núverandi fiskveiðastjórnunar-
kerfi, ekki síst eftir för mína um vesfirsku heimaslóðirnar fyrir skömmu.

[Guðrún María Óskarsdóttir., 19.7.2008 kl. 01:09]

Sæl öll, og takk fyrir innlitið.

Menn munu gjöra svo vel að þurfa að taka okkur alvarlega.

kv.gmaria.