Það er Íslenzka ríkisstjórnin sem annað hvort stjórnar eða stjórnar ekki í íslenzku efnahagslífi.

Hvers konar tal um Evrópusambandsaðild ellegar upptöku Evru breytir því ekki að núverandi stjórnvöld er sitja í landinu þurfa að takast á við þær aðstæður sem uppi eru hér,  heimatilbúnar og utanaðkomandi, rétt eins og ríkisstjórnir annarra landa.

Það er ekki eins og það sé ekkert hægt að gera nema sitja með hendur í skauti, því stjórntækið sem menn hafa í höndunum er skattkerfið og skattkerfisbreytingar jafnvel tímabundnar geta skipt verulegu máli í þessu sambandi.

Jafnframt er það hvoru tveggja sjálfsagt og eðlilegt að stjórnvöld hefjist handa nú þegar við endurskoðun fiskveiðistjórnar og ótrúlegt að flokkarnir tveir skuli enn draga lappir í því efni, þar sem ljóst er að ráðleggingar Hafrannsóknarstofnunar hafa ekki gengið eftir við uppbyggingu þorsks við Ísland í tvo áratugi.

Því til viðbótar má nefna það sem sjálfsagt og eðlilegt að stjórnvöld axli ábyrgð og lækki tekjuskatta á almenning , til að vega á móti vaxtahækkunum sem sliga heimili i landinu.

kv.gmaria.

 

 

 

 

Athugasemdir

[Guðmundur Jónas Kristjánsson, 16.7.2008 kl. 20:15]

Sæl Guðrún.

Þessi ríkisstjórn er handónýt og verður óvinnufær meðan kratarnir
eru innanborðs.

Þurfum sterka borgaralega ríkisstjórn á þjóðlegum grunni sem hefur
kjark að nýta okkar endurnýjanlegu orkuauðlindir á fullum krafti,
stokka upp  sjávarútvegsmálin frá grunni, og taka upp nýja peninga-
stefnu þar sem krónan verði ekki látin fljóta eins og korktappi í
ólgusjó alþjóðlegra fjármálamarkaða.