Vér mótmælum hinu óréttláta kvótakerfi á sjómannadaginn.

Set hér inn frétt Dv, um mótmæli sem Landssamband kvenna í Frjálslynda flokknum mun bera uppi á morgun frá Stjórnarráðinu kl.13.30, með göngu á hafnarbakka.

"

 

Innlent | 31.05.2008 16:00:01

Konur mótmæla kvótakerfinu í sjóstökkum.

Landssamband kvenna í Frjálslynda flokknum efnir til mótmæla á sjómannadaginn fyrir utan stjórnarráðið klukkan hálf tvö á morgun. Að sögn forsvarsmanna viðburðarins eru mannréttindabrot stjórnvalda í fiskveiðistjórnunarkerfinu tilefni mótmælanna. Munu tíu konur klæðast sjóstökkum og sjóhatt í appelsínugulum litum.

Að því er kemur fram í tilkynningu um mótmælin er fólk hvatt til að fjölmenna. Þó svo að Landssamband kvenna boði til mótmælanna eru allir velkomnir, jafnt konur sem karlar. Gengið verður frá stjórnarráðinu að hafnarbakkanum þar sem hátíðahöld vegna sjómannadagsins fara fram.

 

Landssamband kvenna í Frjálslynda flokknum hefur útbúið sérstakan borða fyrir mótmælin þar sem segir að árið 1991 hafi verið svart ár í lífi þjóðarinnar þegar stjórnmálamenn og útgerðamenn sviku þjóðina með því að gefa nokkrum útgerðarmönnum veiðiréttinn. "

með kveðju.gmaria.

 

Athugasemdir

[Georg Eiður Arnarson, 31.5.2008 kl. 23:49]

Baráttukveðjur.

[Guðrún María Óskarsdóttir., 31.5.2008 kl. 23:52]

Takk Georg.

kv.gmaria.

[Arnór Valdimarsson (IP-tala skráð) 1.6.2008 kl. 01:38]

Er það ekki makalaust að Geir og Solla, er þau buðu Condalicu Rice til hádegisverðar í ráðherrabústaðnum, að þau gátu borið upp á Ameríkana mannréttindabrot í Guantanamo. Og mótmælt þvi opinberlega á sama tíma og þau sjálf lyggja undir sömu ásökunum gagnvart eigin þjóð!

Er þetta utanrýkis pólitík okkar til frambúðar? Er þetta trúverðugleikinn sem miljónirnar sem Solla hefur eitt af almannafé, kemur til með að kaupa?

Ég held að maður eigi ekki að kasta steinum úr glerhúsum!

[Guðrún María Óskarsdóttir., 1.6.2008 kl. 01:55]

Sæll Arnór.

Andvaraleysi sitjandi ráðamanna gagnvart virðingu mannréttinda í eigin landi er þeim hinum sömu til ævarandi skammar.

kv.gmaria.