Hvað hefði vísitalan hækkað mikið við notkun fleiri gerða veiðarfæra ?

Það er fróðlegt að skoða þessa frétt þar sem sjá má að einungis togarar eru notaðir til rannsókna likt og fyrr daginn, ekki neta eða línuveiðiskip.

Stofnun hafrannsókna þarf síðan náttúrulega að samræma útgefin álit fyrri tillögum um niðurskurð eins og visinda er venja að sjá má.

Það gat hins vegar varla verið að ekki fyndust vísbendingar um þorsk á Íslandsmiðum sem sjómenn hafa vaðið í upp að öxlum undanfarið.

kv.gmaria.

 

Heildarstofnvísitala þorsks hækkar um 12%

Athugasemdir

[Jóhann Elíasson, 11.4.2008 kl. 08:12]

Allir sem hafa fylgst með HAFRÓ í gegnum árin VITA hvað þetta "togarall" er arfavitlaust og ekki við því að búast að veiðiheimildir aukist nokkuð á meðan EINGÖNGU er stuðst við niðurstöður úr því.  Það eru ALLIRnema þeir hjá HAFRÓ á því að þeir eigi að endurskoða aðferðir sínar.  Annars er það alveg merkilegt hvernig "steingervingar" og "andlega geldir" menn fara í Seðlabankann og HAFRÓ ekki er nú langt á milli þessara (vernduðu) stofnana.

[Guðjón H Finnbogason, 11.4.2008 kl. 13:46]

Það er alltaf sami söngur á sama tím ár eftir ár og enginn hefur vit nema ég ég er sá mesti og vitmesti.Vísindamenn í útlöndum tala mikið um hvað við eigum gott fiskstjórnunarkerfi,en sérhæfðir einstaklingar Íslenskir vilja tala það niður.Einu sinni sagði aflaskipstjóri það í útvarpsfréttum að það ætti að auka Loðnukvótann um helming vegna þess að það mundi aldrei vera hægt að veiða svo mikið af Loðnu að nein hætta stafaði af,er það rétt.Ef þorskkvóti verður aukinn hver fær hann,verður hann seldur?

[Jóhann Elíasson, 11.4.2008 kl. 16:14]

Guðjón, það er nú lágmark að þú rökstyðjir, það frekar að vísindamenn í útlöndum séu mikið að "mæra" þetta fiskveiðistjórnunarkerfi okkar.  Reyndar hafa bara heyrst einstaka raddir sem tala um hve kerfið sé gott eftir að Hannes Hólmsteinn Gissurarson hefur farið erlendis, í boði LÍÚ og talað þar um ágæti þessa kerfis, en menn hafa ekki orðið varir við að vísindamenn standi í röðum til þess að dásama þetta "fiskveiðistjórnunarkeri" okkar Íslendinga.  Og það er ekki aðalatriðið hvert aukning aflaheimilda færi, ef um aukningu væri að ræða, heldur væri það "trúverðugleiki" aðferða HAFRÓ sem væri undir.  Er það virkilega ekki umhugsunarefni í þínum huga að í dag, 25 árum eftir að kvótakerfið var tekið upp, er þorskafli ÞRISVAR SINNUM MINNI en hann var við upphaf kvótasetningar?

[Guðjón H Finnbogason, 11.4.2008 kl. 22:18]

Vísindamenn vestan hafs hafa tjáð sig um ágæti stjórnunarkerfisins og fleiri.Ef við förum 30-40 ár aftur í tímann þá getur maður sagt að það sé kraftaverk að stofninn hafi náð sér upp aftur eftir bæði útlendinga og ekki síður íslenska skipstjórna og útgerðamenn sem hafa farið um hafið eins og slæman ruslahaug.Þessa sömu aðferð notuðu þeir í smugunni þegar var kannski látið falla 40-50 tonnum á skip á sólahring því vinnslan hafði ekki við.Íslenskir skipstjórnamenn hafa aldrei borið virðingu fyrir hafinu og því sem það gefur og ekki batnaði það þegar þeim var gefinn kvótinn og máttu veðsetja hann,en auðvitað er alltaf ein og einn sem hefur verið betri en svarti sauðurinn kemur óorðinu á.

[Guðrún María Óskarsdóttir., 12.4.2008 kl. 01:13]

Kvótakerfið er verðmætasóunarkerfi, og ekki veit ég hvað maður hefur beðið mörg ár eftir því að stofnun Hafrannsókna hér við land hefði eitthvað um slíkt að segja. Það hefur hins vegar ekki gerst.

Hafrannsóknir eru vísindi sem ekki eru hafin yfir gagnrýni og sú gagnrýni er að mínu viti fullkomlega réttmæt varðandi rannsóknaraðferðir viðhafðar á hverjum tíma og ákvarðanir um veiðar úr stofnum.

kv.gmaria.

[Guðjón H Finnbogason, 12.4.2008 kl. 20:50]

Kvótakerfið eins og við höfum það er bara svakaleg mistök,sérstaklega að kvóti skuli geta verið veðsettur,og einn einstaklingur skuli fara út úr fyrirtæki með 3-5þúsund miljónir vegna kvóta sem þjóðin á.Fiskstjórnunarkerfið er aftur á móti mjög gott.