Um daginn og veginn.

Sólríkur og fallegur dagur í dag svo sólríkur að maður gat sest út á svalir og íhugað lífið og tilveruna agnar ögn.

Það er alltaf gott að finna stað og stund til þess að íhuga allt er á sér stað í kring um mann, því án þess vantar mann veganesti friðar.

Sálin þarfnast nefnilega næringar rétt eins og líkaminn, því skyldum við ekki gleyma.

Bænir að kveldi eru uppspretta vonar og æðruleysisbænin á við um alla skapaða hluti og læt hana því hér með mínum vangaveltum.

" Guð gefi mér æðruleysi,

  til þess að sætta mig við það sem ég fæ ekki breytt,

  kjark, til þess að breyta því sem ég get breytt,

  og vit, til þess að greina þar á milli."

kv.gmaria.

 

 

Athugasemdir

[Kolbrún Stefánsdóttir, 6.4.2008 kl. 12:08]

Sæl GMaría. Gaman að sjá þessa færslu hjá þér. Þú ert mjög fjölhæfur bloggari að mínu áliti bæði mjög faglegur pólitískur bloggari og svo detturðu inn á sálina og sjálfið af og til. Það er nú einhvernvegin þannig að þegar sólin skín og fer að vora sækja á mann mildari tilfinningar og svolítil viðkvæmni og á stundum verður heimsins prjál svo lítils virði. Megir þú eiga góðan dag og gott vor mín kæra. Kveðja Kolla.

[Ásthildur Cesil Þórðardóttir, 6.4.2008 kl. 14:02]

Góð færsla hjá þér Gmaría mín.

[Guðmundur Jónas Kristjánsson, 6.4.2008 kl. 14:14]

Sæl Guðrún.

   Er svo heppinn eins og þú að eiga svalir. Var að koma af þeim horfandi yfir garðinn minn. Horfandi á öll trén, runnana og allan
gróðurinn sem senn vaknar á ný úr vetrarlöngum dvala og tekur að
blómstra á ný. Það vekur hjá manni tilhugsunina um lífið og tilveruna.
Þessa eilífu hringrás, sem ég tel mannssálina vera hluta af. Við
fæðumst og tökum á móti vorinu í allri sinni dyrð, lífum mót hækkandi
sól þótt sky bregða fyrir stundum, gleymum okkur jafnvel í allri
sumargálskanum, en allt tekur enda að lokum, haustið tekur við og laufblöðin falla. Kominn vetur. Lífið í dvala, þar til það kviknar á ný, allt ein eilíf hringrás.

  Jú er einn af þeim sem trúi á eilíft líf, eitt tekur við af öðru, erum á
eilífri þroskabraut, eins og hið stórbrotna karmalögmál gengur út á.
ALLT hefur sinn tilgang, orsök og afleðingu. Því annars væri þetta
nú allt saman smá skrítið og illskiljanlegt.

  Því er mikilvægt að detta inn á sálina og sjálfið stundum, íhuga
hina stórbrotnu hringrás, því þannig skilur maður betur samhengi hlutanna og tekst berur við að komast gegnum hlutina.

  Já bara góð pæling hjá þér Guðrún sem fekk mann aðeins til að
hugsa meira en um hið hversdagslega.
  
  Takk fyrir það!

[Guðjón H Finnbogason, 6.4.2008 kl. 21:33]

Sæl frænka.Ég fór í golf um hádegið með félaga mínum og spiluðum við í um tvo tíma í þessu góða veðri en soltið kalt samt gott.Mér þykir vænt um þessa bæn í þrjátíu ár hefur hún átt stað í mínum huga og hjálpað mér mikið.

[Guðrún María Óskarsdóttir., 7.4.2008 kl. 00:50]

Takk takk Kolla mín.

Takk öll fyrir innlitið og þina hugleiðingu Guðmundur Jónas sem er frábær.

kv.gmaria.

[Halla Rut , 7.4.2008 kl. 01:32]

Þessi færsla er ólík þeim færslum sem venjulega frá þér koma sem gera hana kannski enn merkilegri og persónulegri.

Falleg færsla og góð fyrir svefninn, góða nótt.