Endurmennta þarf Íslendinga í notkun stefnuljósa í umferðinni sem og annars staðar.

ÞAÐ Á AÐ GEFA STEFNULJÓS ÞEGAR EKIÐ ER ÚT ÚR HRINGTORGI sem og þegar ökumaður hyggst beygja af vegi. Annað er brot á umferðalögum í landinu.

Það er með ólíkindum hve mikil afturför hefur orðið í þessu efni og notkun stefnuljósa hreinlega heyrir til undantekninga.

Ef til vill má rekja þennan skort beint í mannlegt atferli þess efnis að áskapa sér þá venju að safna upp óánægju í stað þess að tala mál hreint út og segja hluti frá sínu sjónarhorni þegar við á.

Með öðrum orðum gefa stefnuljós um sín sjónarmið.

Ef til vill þarf að halda endurmenntunarnámskeið um notkun stefnuljósa.

kv.gmaria.

 

Athugasemdir

[Guðjón H Finnbogason, 8.2.2008 kl. 10:56]

Þetta er eilífðarvandamál og furðulegt að það sé ekki gefið merki um hvert er verið að fara þetta er svipað og taka bremsuljósin af.

[Ester Sveinbjarnardóttir, 8.2.2008 kl. 22:59]

Merkilegt, ég tók vel eftir þessu þegar ég var að þjálfa Jón Sveinbjörn fyrir bílpróf.  Íslendingar eru ökufantar svo mikið er víst.