Núverandi Borgarstjórn í Reykjavík er BÚIN að veita byggingarleyfi fyrir hótelum í stað gamalla húsa.

Ég er sannarlega allsendis ekki því fylgjandi að menn rífi allt gamalt til að byggja nýtt EN ég álít að þar megi á milli sjá hvað er á ferð hverju sinni og ótrúlegur tvískinnungsgangur núverandi borgarstjórnarmeirihluta varðandi það hvort tvö hús við götuna Laugaveg verði rifin eða ekki rifin ennþá þegar sá hinn sami meirihluti hefur þegar veitt byggingarleyfi á lóðunum fyrir hótelbyggingum.

Það atriði að hvorki borgarstjóri eða borgarstjórnarflokkar séu þess umkomnir að höggva á þann hnút að standa við áður ákveðnar eigin gerðir hvað varðar veitingu byggingarleyfa er kjánalegt og pólítískur loddaraháttur fram í fingurgóma.

Skyldi ekki vera nóg af örðum og veigameiri verkefnum við að fást í borginni en steppdans kring um slíkt.

kv.gmaria.

Athugasemdir

[Upprétti Apinn, 9.1.2008 kl. 12:29]

Þetta mál er skammarlegt og ég vona að eigendur húsana fari í mál við ríkið og þessa Húsfriðunarnefnd þar sem þeir hafa augljóslega brotið gegn eðlilegri stjórnsýslu.

Þessi bárujárnsfasismi er genginn allt of langt.  Hættan er að fólk fái nóg og stefnan gagnvart húsverndun fari algjörlega í hina áttina og allt verði rifið.  Það eru fordæmi fyrir því.

Þetta ofstopafulla húsverndunarlið þarf aðeins að hugsa sinn gang.  Ef enginn getur óhultur byggt nokkurn skapaðan hlut vegna þess að einhver lopapeysuklæddur bárujárnsfasisti er með öll ráðin í sínum höndum þá munu þessi mál hafa alvarlegar afleiðingar fyrir alla eðlilega bæjarþróun á landinu.

Þetta er skammarlegt.