Gjáin milli ríkra og fátækra sjaldan sýnilegri en þegar kemur að hátíðahaldi.

Eitt er að hafa heilsu og vinnugetu og annað að tapa henni og aðstæður þeirra sem ekki geta í nokkru umbreytt sínum fjárhagslegu aðstæðum í formi þess að verða að treysta á hið opinbera hvað varðar upphæð bóta til framfærslu sem nægja skuli er oft og tíðum að ég tel ekki öfundsvert hlutskipti.

Hjálparstofnanir gera sitt besta til þess að létta róður mannsæmandi lifs fyrir sem flesta sem þangað leita en ég leyfi mér að fullyrða að margir eiga fullt í fangi að komast af við tekjur sem í framboði eru í voru þjóðfélagi fyrir fullvinnandi einstakling, en eins og áður sagði er munur á því að hafa vinnugetu og geta bætt við sig vinnu, eða að hafa misst vinnugetuna.

Verum vakandi i umhyggju fyrir náunganum og ég skora á fyrirtæki að leggja hjálparstofnunum lið fyrir þessi jól svo sem þeim er fært.

kv.gmaria.

Athugasemdir

[Georg Eiður Arnarson, 8.12.2007 kl. 07:31]

Sammála þér, eins og alltaf. kv.

[Kolbrún Stefánsdóttir, 8.12.2007 kl. 10:03]

Sæl GMaría. Mikið ert þú góð kona. Það er fallegt að hugsa um þá sem minna mega sín. Ég hef stundum velt því fyrir mér með þessar "hjálparstofnanir" hvers vegna þær séu yfirhöfuð til. Er ekki verið að friða samvisku ráðamanna þjóðarinnar með því að einhverjar konur sjái um þá sem eiga ekki fyrir mat. Hverskonar ráðslag er þetta. Mér finnst að það ætti að hjálpa fólki til að rétta sinn hag og vinna sig út úr vanda en ekki útdeila kjöti eins og í vanþróuðu ríkjunum. Vinnugeta er mikils virði en hver einstaklingur er okkur dýrmætur og ef hann hefur misst vinnugetu sína, tímabundið eða varanlega á að taka á því og hafa bætur þannig að hann haldi sinni reisn og stýri sjálfur sínu lífi og haldi áfram að gefa af sér með því að vera til en þurfi ekki að standa í röð eftir poka frá Mæðrastyrksnefnd eða líkum félögum sem betla handa betlurunum. Fyrirgefðu vinkona hvað ég er lítið kristileg núna á jólaföstunni :) en ég er örg yfir því að það er ekki tekið á málefnum öryrkja eins og þarf. bestu kveðjur til þín.

[Guðrún María Óskarsdóttir., 9.12.2007 kl. 00:54]

Takk Georg.

Sæl Kolla.

Já það væri nú betur ef sú staða væri fyrir hendi að hluti fullvinnandi  fólks hefði efni á því t.d. að festa kaup á eigin húsnæði í okkar landi en sú er staðan því miður ekki og stórt gap þar sem gamla verkamannakerfinu sleppti til dagsins í dag.

Láglaunapólítikin, sem hefur verið viðmið bóta öryrkja og skattkerfið, ekki hvað síst frysting skattleysismarka á sínum tíma hefur valdið birtingamynd fátæktar og nú síðast skerðingar lifeyrissjóða sem ég álít hreinan þjófnað af fólki.

Í starfi minu með samtökunum Lífsvog hefi ég kynnst því vel hvernig fólk lenti í því að fótunum var kippt undan tilveru þess þegar einföld læknisaðgerð mistókst og viðkomandi var ótryggður utan sjúkrahúsa á sínum tíma og  örorkubætur tóku við, þar sem himinn og haf var ef til vill milli þeirra og tekna viðkomandi fyrir hina einföldu læknisaðgerð.

góð kveðja.gmaria.