Hvílíkur endemis aulaháttur Geir !

Svo vill til að starfandi lífeyrissjóðir í landinu innheimta iðgjöld af launþegum á vinnumarkaði í krafti laga frá Alþingi, og þeim hinum sömu lögum getur Alþingi breytt ef sjóðir taka það upp að skerða sjóðsgreiðslur ellegar starfa ekki eftir þeim lögum sem gilda skulu.

Fjárveitingar !!!!  Halelúja, fjárveitingar.....  Það væri að æra óstöðugan að skattgreiðendur sem einnig eru launþegar ættu að fara taka þátt í því að brúa skerðingar með fjármunum, ég á ekki orð.... nema þau hin sömu og hefi oft áður sagt " það er ekki öll vitleysan eins, heldur aðeins mismunandi. "

kv.gmaria.

Ekki frekari inngrip í starfsemi lífeyrissjóða

Athugasemdir

[Jón Bragi Sigurðsson, 4.12.2007 kl. 07:14]

Sammála þér! Það er nóg komið.

Okkur var sagt að við þyrftum að borga háa skatta til þess að ríkið gæti greitt okkur sómasamlegan lífeyri við elli eða örorku.

Síðan komu verkalýðsforingjar og stungu uppá því snjallræði að slægjum af launakröfum í staðin fyrir að tekin yrðu 10% af öllum launum okkar í lífeyrissjóð til þess að við hefðum eitthvað meira en það sem ríkið við elli og örorku.

Og hvað gerðist síðan? Jú, valdamenn sáu til þess að draga úr greiðslum ríkisins sem nemur því sem fólk fær úr lífeyrissjóðum þannig að við stöndum á sama stað og ef við hefðum aldrei greitt í neinn ríkissjóð. Það eina sem gerst hefur er að við höfum gefið 10% af tekjum okkar alla vora hundstíð á vinnumarkaðnum.

Og hvað er að gerast núna? Jú, þessir sjóðir hafa verið svo illa reknir í gegnum tíðina að þeir geta ekki staðið við skuldbindingar sínar.

Lífeyrissjóðirnir spruttu upp einsog og gorkúlur á mykjuhaug og voru settar á stofn skrifstofur í hverju krummaskuði með tilheyrandi forstjóra og skrifstofuliði. Dæmi voru um að allt að 50% af inkomu sumra sjóðanna fóru í að reka formanninn og hans skrifstofulið!

Og nú sprettur upp jólasveinninn Steingrímur J og villa leysa málin með því einsog þú segir að enn og aftur fara í vasa okkar launþega. Það er lítill vandi að vera jólasveinn og gefa dýrar gjafir þegar maður getur látið viðtakanda gjafanna borga sjálfan.

Fuss og svei! segi ég nú bara

[Jón Bragi Sigurðsson, 4.12.2007 kl. 07:16]

Æ, átti að vera "...til þess að við hefðum eitthvað meira en það sem ríkið greiðir okkur við elli og örorku."

[Jón Bragi Sigurðsson, 4.12.2007 kl. 07:18]

Það er fullt af villum!

að við stöndum á sama stað og ef við hefðum aldrei greitt í neinn lífeyrissjóð.

[Jóhann Elíasson, 4.12.2007 kl. 10:20]

Ég hef marg sagt það á þessum vettvangi og segi einu sinni enn:  HVERNIG STENDUR Á ÞVÍ AÐ LÍFEYRISSJÓÐIRNIR KOMAST UPP MEÐ ÞAÐ AÐ ÁKVARÐA SÍN EIGIN LÖG ÁN ÞESS AÐ ÞESSI LÖG STANDIST ÍSLENSKA STJÓRNARSKRÁ?  Þetta atriði ætti að skoða t.d er í lögum hjá einum Lífeyrissjóði: Ef lífeyrissjóðsþegi fellur frá, þá hlýtur eftirlifandi maki hans 60% af áunnum réttindum lífeyrisþegans, en ef makinn fellur frá þá falla réttindin niður.  M.ö orðum viðkomandi Lífeyrissjóður er þar með orðinn löggildur erfingi Sjóðsfélagans, t.d þetta stenst ekki stjórnarskrá landsins.

[Netfangið (IP-tala skráð) 4.12.2007 kl. 21:56]

Jóhann.  Þú ert bestur í gríninu.  Alla vega sbr. blog síðu þína.  Það stendur ekkert um lífeyrissjóði í stjórnarskránni.

 Jón.  Hvaða lífeyrissjóðir eyða allt að 50% af inkomu sinni í að reka formanninn og hans skrifstofulið.  Þetta er algjört kjaftæði.  Ég krefst þess að þú svarir þessu.

[Jóhann Elíasson, 4.12.2007 kl. 22:48]

Vonandi ertu bara illa að þér þegar þú lest stjórnarskrána tryggir hún almenningi þessa lands viss réttindi og segir til um réttindi og skyldur hins opinbera, fyrirtækja og einstaklinga, öll lög sem eru sett EIGA að taka mið af stjórnarskránni.  En maður sem hvorki þorir að skrifa undir nafni eða öðrum einkennum getur ekki staðið fyrir einu eða neinu og það er alveg á mörkunum að maður nenni að svara svona rugli eins og þú sendir frá þér "Netfang"?.

[Jón Bragi Sigurðsson, 5.12.2007 kl. 08:30]

Herr IP-tala

Ég var að lýsa því sem kom í ljós á níunda áratugnum með ýmsa minni sjóði úti á landi. Þú getur sjálfur grafið þessar upplýsingar upp ef þú nennir.