Baráttan við að koma einstaklingum úr viðjum fíkniefna.

Hinn viðurstyggilegi heimur fíkniefna sem nær að fjötra ungmenni til fylgis við sig og til staðar er hér á landi, kallar á aðgerðir sem innihalda fleira en forvarnafræðslu þótt sú hin sama sé hvoru tveggja sjálfsögð og eðlileg.

Dómsmálayfirvöld hafa samstillt lögreglu sem í auknum mæli tekur úr umferð fólk sem ekur undir áhrifum eiturlyfja í umferðinni. Því ber að fagna.

Ég tel hins vegar stórlega á skorta alvöru samvinnu félags og heilbrigðisyfirvalda varðandi meðferðarúrræði sem taka á vandanum þegar hann er til staðar strax, án þess að viðkomandi einstaklingar þurfi að bíða, því svo vill til að það veldur áframhaldandi þróun hins viðurstyggilega heims fíkniefna og enn alvarlegri vandamálum sem aftur lenda í heilbrigðisgeiranum  fyrr eða síðar sem geðvandamál.

Hér þarf að stilla saman strengi í mun ríkara mæli en til staðar er í dag, gagnvart börnum og ungmennum þar sem tíminn skiptir máli í því sambandi og lykillinn að því að ná árangri er inngrip á fyrstu stigum þróunar hvers konar og því þurfa meðferðarúrræði að vera til staðar og ÖLL meðferðarúrræði eiga af HAFA samráð sín á milli, ÖLL.

kv.gmaria.

Athugasemdir

[Svanur Gísli Þorkelsson, 3.12.2007 kl. 05:22]

Sæl María

Því miður er þessi "viðurstyggilegi" heimur sem þú talar um, okkar heimur, þinn heimur. Tæknilegar lausnir eru lítill hluti vandans. Vandinn og lausn hans er fólginn í hugarfari okkar. Þjóðfélagmeinin; sóun verðmæta,samkeppni,lífsgæðakapphlaup, lauslæti, ofneysla alkahóls og eytrlyfja eru m.a. spegilmyndir þess hugarfars sem ríkjandi er. Ef þú villt alvöru lausnir verða þær að taka til þessara þátta.

kv,

[Ásthildur Cesil Þórðardóttir, 3.12.2007 kl. 09:52]

Mikið er ég innilega sammála þér þarna G. María mín.  Hér þarf samstillt átak allra til að finna lausn á þessu hræðilega vandamáli því stærsta í íslensku þjóðfélagi. 

[Guðrún María Óskarsdóttir., 4.12.2007 kl. 01:20]

Sæll Svanur.

Ég tek undir það að vissulega er hugarfarið undirrót vandans, en eigi að síður verðum við á hverjum tíma að vera í stakk búin til þess að takast á við afleiðingar þessa ástands.

Að öðrum kosti spyrnum við ekki við fótum.

Sæl Cesil.

Takk fyrir það.

kv.gmaria.