HVAÐ með lífeyrissjóðina, mega þeir vera í áhættufjárfestingum ?

HVER tók um það ákvörðun, hvenær, að lífeyrissjóðir sem innheimta lögboðin iðgjöld af launum manna, mættu nota það fé í áhættufjárfestingar ? Stjórnir verkalýðsfélagnna skipa í stjórnir lífeyrissjóða, launamaðurinn hefur þar ekki völd um skipan manna eins vitlaust og það er þótt sá hinn sami kjósi stjórn verkalýðsfélags þá er það eigi að siður ólýðræðislegt. Dæmi eru nú þegar um það að sjóðir hafi þurft að skerða greiðslur til sjóðsfélaga vegna taps þar sem farið hafði verið í áhættufjárfestingar með það fé sem innheimt hafði verið af launamanni á grundvelli laga þar að lútandi. Ég sé lítinn mun á því hvort um er að ræða Orkuveituna eða Lífeyrissjóði landsmanna hvað varðar það atriði að krafa sé gerð um að lögbundin innheimta fjár sé ekki notuð eða nýtt sem áhættufé, og ávöxtun falin þeim aðilum er starfa á fjármálamarkaði að öllu leyti.

kv.gmaria.

Athugasemdir

[Agný, 10.10.2007 kl. 05:16]

Lífeyrissjóðirnir virðast alveg vera eitthvað sjálfstætt batterí..þá á ég við með það hvernig þeim þóknast að fara með aurana sem við erum búin að punga þarna inn á meðan maður hafði heilsu til vinnu.. En að fá sín réttindi í aurum og krónum..seðlum og bleðlum er nú misjafnlega auðvelt þegar að þú lendir hinum megin við jötuna...

Það þekki ég af eigin raun.... Þurfti að sækja mín geymdu réttindi með lögfræðingi og er það mál muni ég rétt bæði fordæmis og prófmál..

Ég vann málið.........

þannig að ef þu vilt fá upplýsingar um það dæmi endilega hafðu samband við mig því ég veit ( er búin að fá að vita í dag efir x ár að ansi margar manneskjur (konur) fá ekki þennan rétt sinn....

Kveðja Agný.

[Halla Rut , 10.10.2007 kl. 17:50]

Ég held að samkvæmt lögum þá megi þeir ekki taka þátt í áhættufjárfestingum.  Aðhald okkar að stjórnmálaöflum og öðrum stjórnendum sem snerta eignir almennings hefur verið lítið til þessa. Ég held að þetta sé að breytast sem sést vel á atburðum undanfarna daga.

[Jóhann Elíasson, 10.10.2007 kl. 18:12]

Ég þori ekki alvegað fullyrða um þetta, en ég veit ekki til að það séu neinar reglur í gildi um fjárfestingar Lífeyrissjóðanna, ef einhver er óánægður þá verður sá hinn sami að að bera fram kvörtun á aðalfundi og fara fram á skoðun.  Þetta ferli tekur langan tíma og ég veit ekki til þess að neinn hafi verið látinn axla ábyrgð vegna "löglegra" fjárfestinga Lífeyrissjóðanna.  En það sem virðist vera alvarlegast er að Lífeyrissjóðirnir virðast vera ríki í ríkinu, þá á ég við það að hægt er að setja lög um úthlutunarreglur Lífeyrissjóðanna en þessi lög ganga oft á tíðum ÞVERT á landslög (en samkvæmt stjórnarskránni mega ENGIN lög ganga á landslög).

[Guðrún María Óskarsdóttir., 10.10.2007 kl. 23:04]

Takk Agný fyrir það og þessar upplýsingar.

Mín skoðun er sú að það sé löngu tímabært að hið háa Alþingi taki til skoðunar málefni lífeyrissjóða.

kv.gmaria.