Frjálslyndi flokkurinn er hægra megin við miðju í íslenskri pólítik.

Þótt argaþras allra handa hafi einkennt Frjálslynda flokkinn frá upphafi þá breytir það því ekki að þar er fólk sem ekki getur sætt sig við þá öfgafrjálshyggju sem að hluta til má segja að hafi gengið til liðs við vinstri forsjárhyggju kommúnisma í aðferðafræði nútímans, þar sem markaðsfrelsið verður að helsi einokunar fárra í formi auðsöfnunar. Gamli Alþýðuflokkurinn sem að hluta til rann inn í Samfylkinguna hefur afsalað sér varðstöðu um jöfnuð í voru þjóðfélagi en gamla Alþýðubandalagið dagaði upp sem grænn flokkur fastur í allt að því einhliða áhorfi á andstöðu gegn vatnsafsvirkjunum og álverum ásamt einhvers konar femínisma skilgreiningu því til viðbótar. Framsóknarflokkurinn lenti utan stjórnar hafandi stjórnað með Sjálfstæðisflokki um árabil og goldið þar gagnrýni fyrir vikið. Uppstokkun í forystu Framsóknarflokksins hafa fært hann nær Frjálslynda flokknum í ýmsum áherslum að ég tel en Sjálfstæðisflokkurinn hefur nú um stundir án efa enn fleiri óánægða félagsmenn innanborðs sem munu eiga valkost að fjórum árum liðnum þar sem Frjálslyndi flokkurinn er, varðandi hófsama hægri pólítik sem vill markaðsfrelsi í formi markaða sem skila fólkinu arði alls staðar á landinu.

kv.gmaria.

Athugasemdir

[Sigurður Þórðarson, 18.9.2007 kl. 07:39]

Góð færsla. Frjálslyndi flokkurinn hefur miklu hlutverki að gegna.

[Georg Eiður Arnarson, 18.9.2007 kl. 14:32]

sammála þessu.kv.

[Gunnar Skúli Ármannsson, 18.9.2007 kl. 19:23]

Virkilega góð færsla. Vonandi verður eitthvað til skiptanna þá.

[J. Einar Valur Bjarnason Maack , 18.9.2007 kl. 19:43]

Skemmtileg færsla og sönn.

Ég mæli með því að fólk taki prófið sem er á http://thepoliticalcompass.org til þess að finna glóbal staðsetningu sína í pólítík, flestir innan raða Frjálslyndra eru í oddmjóum A-laga þríhirningi nær miðju, frjálshyggjumegin.

[Ólafur Ragnarsson, 18.9.2007 kl. 23:08]

Kvita fyrir mig

[Ólafur Ragnarsson, 18.9.2007 kl. 23:10]

Kvitta átti það nú að vera

[Agný, 19.9.2007 kl. 00:18]

Inlitskvitt...ég les oft hér þó ég sé ekki eins dugleg að kvitta.. Kveðja..

[Guðrún María Óskarsdóttir., 19.9.2007 kl. 01:23]

Já gaman að sjá ykkur öll.

kv.gmaria.