Frjálslyndi flokkurinn hefur lagt til breytingar á kerfi sjávarútvegs frá upphafi og gerir það enn, háttvirtur sjávarútvegsráðherra.

Hafi núverandi sjávarútvegsráðherra sem ekki var viðstaddur kynningu um mótvægisaðgerðir eigin ríkisstjórnar orðið þess var að Frjálslyndi flokkurinn hefur gagnrýnt núverandi kerfi sjávarútvegs frá upphafi og stofnun þess flokks, þá skal því haldið til haga hér. Sjálfstæðismenn hafa tileinkað sér það að þykjast ekki taka eftir Frjálslynda flokknum og sjávarútvegsráðherrann þar engin undantekning eins og sjá má af orðum þess hins sama í færslu hans á bloggsíðu.

"Því miður voru viðbrögð stjórnarandstöðunnar við mótvægisaðgerðum ríkisstjórnarinnar óskaplega fyrirsjáanleg. Hefðbundin gagnrýni án nokkurra tillagna "

Ég hvet ráðherra til þess að ræða við fjóra kjörna fulltrúa þjóðarinnar fyrir Frjálslynda flokkinn sem allir hafa tillögur flokksins tiltækar til skoðunar þar sem flest sem flokkurinn hefur lengi bent á varðandi núverandi stjórnkerfi fiskveiða er komið á daginn, varðandi rannsóknaraðferðir, skipulag og virkni í raun til handa þjóðarbúinu og hinum dreifðu byggðum hér á landi.

kv.gmaria.

Athugasemdir

[Georg Eiður Arnarson, 15.9.2007 kl. 17:07]

Það sem er verst er að fólk kaus þessa vitleysu yfir okkur.

[Guðrún María Óskarsdóttir., 16.9.2007 kl. 00:32]

Já því miður Georg.

kv.gmaria.