Afsökunarbeiðni úr samgönguráðuneytinu ?

Bæði samgönguráðherra og aðstoðarmaður hans hafa farið offari í ummælum um menn og málefni, þar sem ráðherrann dró einn mann fram til ábyrgðar í ummælum í klúðri um ferjukaup og aðstoðarmaðurinn bætti um betur og úthúðaði stjórnarandstöðuþingmanni sem gagnrýndi ummæli ráðherra og málið í heild. Helstu forsvarsmenn þjóðarinnar eiga ekki að ganga um með slíku fordæmi að mínu mati og óverjanlegt ef menn kunna ekki að skrifa afsökunarbeiðni í kjölfarið því ella eiga þeir hinir sömu lítið erindi í stjórnmálum, hvað þá við stjórnvölinn.

kv.gmaria.

Athugasemdir

[Ásthildur Cesil Þórðardóttir, 12.9.2007 kl. 10:39]

Mér fannst það ekki gott hjá Kristján Möller að kenna manni út í bæ um mistök í sambandi við Grímseyjaferjuna.  Hann setti verulega niður við það að mínu mati.

[Jóhann Elíasson, 12.9.2007 kl. 21:44]

Báðir þessir menn í Samgönguráðuneytinu, sem þú ert að tala um, eru það miklir hrokagikkir, þeir hafa sýnt það hingað til svo ekki fer á milli mála, að þeir viðurkenna aldrei nein mistök og það er hægt að gleyma því að þeir hafi manndóm í sér til að biðjast afsökunar á gjörðum sínum.