Afnám verðtryggingar er næsta verkefni stjórnvalda í landinu.

Til hvers í ósköpunum eiga landsmenn allir að taka þátt í " lottósöfnun " fjármálafyrirtækja í formi verðtryggingar fjárskuldbindinga þegar bankar eru ekki lengur í ríkiseigu. Mér er og hefur verið það atriði gjörsamlega óskiljanlegt. Það er jafn óskiljanlegt að fulltrúar íslenskrar alþýðu skuli ekki hafa getað létt þessum klafa af launamönnum í landinu með kröfugerð þess efnis í kjarasamningum. Við stofnun hlutabréfamarkaðar og sölu ríkisbanka átti að afnema verðtryggingu í áföngum en auðvitað var það ekki gert þá frekar en annað sem látið hefur verið reka á reiðanum. Nú þegar fjármálafyrirtæki heimta að fara að gera upp í öðrum gjaldmiðli en íslensku krónunni þá þarf að afnema verðtryggingu eins og skot.

kv.gmaria.

Athugasemdir

[Vilhjálmur Þorsteinsson, 11.9.2007 kl. 02:17]

Og hvað viltu þá fá í staðinn?  Breytilega vexti? Á slíkum lánum er greiðslubyrði miklu sveiflukenndari en á verðtryggðum lánum með föstum vöxtum.  Eða viltu fá fasta nafnvexti?  Þeir þyrftu þá að vera mjög háir til að vega upp á móti verðbólguáhættunni.  Eða viltu kannski - sem er mjög Frjálslyndaflokksleg skoðun - í raun og veru að lánin eyðist upp og að þú þurfir ekki að borga til baka það sem þú tekur að láni?  En gleymdu því þá ekki að stærstu fjármagnseigendur á Íslandi eru lífeyrissjóðir almennings (sem m.a. standa undir Íbúðalánasjóði með skyldukaupum á íbúðabréfum), og þeir þurfa að fá peningana sína til baka með raunvöxtum, takk fyrir.

[Guðrún María Óskarsdóttir., 11.9.2007 kl. 02:24]

Sæll Vilhjálmur.

Verðtryggingu þarf að afnema og það strax.

kv.gmaria.

[Vilhjálmur Þorsteinsson, 11.9.2007 kl. 02:27]

Ég vil líka fá betra veður, og það strax.

[Guðrún María Óskarsdóttir., 11.9.2007 kl. 02:31]

Ég hefi margoft skipst á skoðunum við bankamenn sem verja tilvist verðtryggingingar ef til vill vegna launatengdra hagsmuna þess efnis Vilhjálmur er ekki að segja að þú sért einn af þeim en, verðtrygging er barn síns tima, það hlýtur hverjum vel menntuðum manni að vera ljóst.

kv.gmaria.

[Ólafur Ragnarsson, 11.9.2007 kl. 05:35]

Ég er þér innilega sammála Guðrún María.En ég er bara voðalega hræddur um að það skeði ekki í bráð .Ég held nefnilega að Verkalýðshreyfingunni sé það ekki að skapi eð öllu heldur lífeyrissjóðunum.Kært kvödd

[Vilhjálmur Þorsteinsson, 11.9.2007 kl. 11:26]

Er ómögulegt að eiga málefnalega umræðu um þetta?  Það þýðir ekkert að stagast bara á því að það verði að afnema verðtryggingu.  Hvaða vandamál er nákvæmlega verið að leysa, og hvað ætla menn þá að fá betra í staðinn?  Ég held að það sé lágmarkskrafa að stjórnmálamenn sem vilja láta taka sig alvarlega geti svarað þessum spurningum.

[Guðmundur Jónas Kristjánsson, 11.9.2007 kl. 21:32]

Við hljótum að  afnema verðtryggingu þvi hún þekkist ekki nema
hér. Allt er þetta háð pólitískum vilja HÉRLENDIS eins og lækkun
matarverðs og vaxta, og hefur EKKERT með ESB eða evru að gera.
Nú eru kratanir komnir í stjórn og geta lækkað þetta ALLT fyrir
okkur ef þeir vilja. En oft er pólitískur raunveruleik og aðstæður allt annað en menn heldu....Verðtrygging verður þannig ekki afnumin á
einni nóttu, heldur tekur tíma, því frjárskuldbindingar langt fram
í tíman sem eru verptryggðar halda út sinn lánstíma.