" It´s good for the company " að gera upp í evrum.

Gaut augum á viðtal í Kastljósi nú áðan þar sem bankamaður var í viðtali varðandi evruumræðu. Hann kvað það hagsmuni fyrirtækisins Straums ef ég tók rétt eftir að gera upp í evrum. Fjármálafyrirtæki sjá um sig sjálf og ef svo er komið að samband fjármálafyrirtækja sem staðsett eru í einu landi við sitt samfélag og þáttöku í því takmarkast aðeins af blindri eiginhagsmunahyggju þar sem fyrirtækin telja að þjóðfélagið skuli í einu og öllu taka mið af hagsmunum þeirra varðandi stigvaxandi gróða ár frá ári, er illa komið. Því miður er fullt af fjármálamógúlum í nútimanum sem sveipa sig skykkju alþjóðavæðingar í Hrunadansi hins þröngsýna viðhorfs gróðasjónarmiða án vitundar um það að gróðinn verður til í samfélaginu í heild. Samfélagi sem keyrir bankanna um í barnakerru með bæði axlabönd og belti verðtryggingar fjárskuldbindinga hvers konar.

kv.gmaria.

Athugasemdir

[Vilhjálmur Þorsteinsson, 11.9.2007 kl. 02:25]

Ágæta Guðrún, "gróðinn" verður til á alþjóðlegum markaði (Straumur stefnir að því að minnihluti starfseminnar verði á Íslandi) og Straumur og starfsfólk hans borga fína skatta til ríkissjóðs sem þú Frjálslynda konan vilt eflaust gjarnan eyða í góð málefni.  En ef Frjálslyndir fengju að ráða væri Straumur vafalaust fljótur að hypja sig burt af landinu, enda yrði bókhaldið þá að vera í krónum og eigið fé einnig, fjármagnstekjuskattar yrðu stórhækkaðir og stjórnmálamenn hefðu í hótunum við fyrirtækin, sem stjórnast af "blindri eiginhagsmunahyggju" og þröngsýnni sókn í "stigvaxandi gróða".  Í staðinn færum við aftur til miðalda til vöruskiptafyrirkomulags og allir yndu sælir við sitt.  Þar er komið sæluríki Frjálslyndra.  Var það annars misskilningur hjá mér að flokkurinn væri hægra megin við miðju, a.m.k. í efnahagsmálum?

[Guðrún María Óskarsdóttir., 11.9.2007 kl. 02:36]

Því miður Vilhjálmur eru hér ekki fyrir hendi skilyrði hins frjálsa markaðsþjóðfélags til þess að slíkt fái þrifist og svo vill til að það er all verulegur munur á blindri gróðahyggju þar sem ofurlaunaforstjóra ganga um með æviafkomu verkamannsins og þjóðfélags sem viðhefur skilyrði markaðar þess efnis að landsmenn allir hafi hag að.

kv.gmaria.

[Ólafur Þórðarson, 11.9.2007 kl. 05:25]

Venjulegir Íslendingar höfðu það nú bara ágætt um 1980. Mun betra en lygabullukollar og innihaldshringlarar dagsins í dag láta í veðri vaka.

[Ólafur Ragnarsson, 11.9.2007 kl. 05:46]

Það sem ég óttast mest að innan skamms sitjum við uppi hér með 2fald peningakerfi.Hvað skeður ef t.d.Baugur og fl slíkir fara að taka Evruna upp í sitt bókhald og kassafólkið hjá þeim fer að taka á móti henni.Þá sitjum við uppi með handónýta krónu og Evrur.Því að ef verðbólgan minnkar ekki undir 2 % í nokkur ár fáum við ekki að taka upp þessa fjan.... Evru sem allir virðast vera svo spenntir fyrir.Kært kvödd