Fullvinnsla afurða í sjávarútvegi kann að færa Íslendinga af stigi hrávinnnsluútflutningsþjóðar, með verðmætasköpun í samræmi við það.

Hlýddi á afar ánægjulega frétt í hádeginu þess efnis að sjávarútvegsfyrirtæki hefði ákveðið að bregðast við þorskaflaskerðingu með því að fullvinna afurðir innanlands í formi afurða sem tilbúinna rétta á disk. Auðvitað eigum við Íslendingar að fullvinna afurðir en ekki flytja þær út óunnar, alveg sama hvað þar er á ferð. Á sínum tíma starfaði ég hjá SS, þegar félagið hóf tilraunir með tilbúna rétti við kynningar í búðum, en þar kom til sögu framsýni þeirra sem þar réðu ferð og síðar hefur skilað félaginu markaðshlutdeild í vöru innanlands, vöru sem eftirspurn er eftir sem aftur skapar atvinnu innanlands en félagið sem upphaflega var í eigu sunnlenskra bænda flutti sig út á land með meginstarfssemi sem einnig var skref sem ég álít hafa verið í þágu eigenda og þjóðfélagsins í heild. Sams konar þróun í fullvinnslu sjávarafurða hefði fyrir löngu siðan átt að geta verið tilkomin hér á landi að mínu viti, en því ber að fagna að menn haldi af stað í þá átt.

kv.gmaria.

Athugasemdir

[Jakob Falur Kristinsson, 9.9.2007 kl. 03:15]

Þeir eiga heiður skilið þarna á Árskógssandi að fullvinna vöruna sem mest og gera hana þar af leiðandi mun verðmætari.  Við eigum að hætta að vera þjóð sem framleiðir bara hráefni til fullvinnslu í öðrum löndum og núna þegar mikil skerðing verðu á aflakvóta í þorski ætti ekki að leyfa að flytja hann út óunninn.  Því með því eru við að útvega erlendum fyrirtækjum hráefni til fullvinnslu, sem síðan eru í samkeppni við okkar eigin fyrirtæki á erlendum mörkuðum.  En í stað þess að draga úr útflutningi á fiski í gámum var núna 1. september sl. mönnum gert léttara að standa í þessum útflutningi með því að afnema svokallað kvótaálag sem var 10% af þyngd fisks í gámum sem fluttir voru út.

[Matthilda M. Eyvindsd Tórshamar, 9.9.2007 kl. 12:23]

Veist þú hvernig það er með útlendingana sem eru í fiskvinnslu, fá þeir greiddar atvinnuleysisbætur, þegar vinna fellur niður?

[Sigurgeir Jónsson, 9.9.2007 kl. 14:37]

Um fisk gilda að sjálfsögðu sömu lögmál og önnur matvæli.Að fá sem hæst verð fyrir vöruna með sem minstum tilkostnaði.Til að mynda fást hér í búðum nýslátraðir kjúklingar.Fiskvinslur sem eru langt frá Alþjóðaflugvelli grípa að sjálfsögðu til einhverra ráða til að lækka kostnað.Frosin fiskur í brauðhjúp er ekki nýr á markaði hvorki hér á landi né annars staðarNýtt ferskt fiskflak án brauð hjúps er að sjálfsögðu fullunnin vara þótt hún hafi ekki verið fryst og sett í brauðhjúp, og fyrir slíka vöru fæst oftast nær hærra verð vegna þess að menn geta frekar treyst því að varan sé ný.Viðskiftavinurinn ræður. 

[Ólafur Ragnarsson, 10.9.2007 kl. 01:18]

Er ekki verið að flaka fyrir okkur í Kína