Glæpamannasamfélag á leið upp á yfirborðið ?

Hafa menn hugsað út í það hvers konar samfélagi við búum orðið í ? Menn með vopn á ferðinni í umferðinni um miðjan dag til að hóta og beita aðra menn líkamsmeiðingum. Fársjúkir einstaklingar undir áhrifum lyfja til alls vísir. Með öllum ráðum þarf að spyrna við fótum í þessum málum, aðstoða fársjúka einstaklinga úr viðjum fíknar og stemma stigu við eftirspurn eftir vímuefnum hvers konar sem leiða menn á slíkar brautir glæpamennsku og vitfirringar.

kv.gmaria.

Handrukkarar í haldi lögreglu

Athugasemdir

[Haukur Kristinsson, 6.9.2007 kl. 02:35]

vonandi fara þeir að taka betur á þessum óþjóðalíð, höfum verið allt of lin við þetta lið,

[Geiri (IP-tala skráð) 6.9.2007 kl. 10:17]

Eina leiðin til þess að losna við handrukkara er að lögleiða fíkniefni, svo einfalt er það.

Alþjóðleg glæpasamtök eru í landinu, glæpatíðni eykst og fíkniefnaneysla er meiri heldur en þegar fíkniefnastríðið hófst fyrir nokkrum áratugum. Því miður er þetta raunin vegna þess að yfirvöld kjósa að hafa siðferðislega rétthugsunarstefnu í stað þess að sjá raunverulegar breytingar.

Nikótín er löglegt fíkniefni þrátt fyrir að vera meira ávanabindandi heldur en 90% efna á götunni, samt hefur vesturlöndum tekist að minnka neysluna um helming á áratugi með forvörnum. Á sama tíma hefur neysla á ólöglegu efnunum staðið í stað eða aukist, en ekkert þeirra hefur minnkað í sömu prósentu og tóbakið. Það segir okkur hversu gölluð stefna þetta er, einnig er þetta viss mismunun enda er enginn vafi á því að bæði áfengi og tóbak eru fíkniefni í sterkari kantinum.

"vonandi fara þeir að taka betur á þessum óþjóðalíð, höfum verið allt of lin við þetta lið"

Nei við höfum nefnilega verið of hörð, of vitlaus að taka þátt í fíkniefnastríðinu. Kaninn er leiðandi í þessu stríði á vesturlöndum, 1/10 allra fanga heimsins eru Bandarískir dópistar (í heildina hafa þeir 1/5 allra fanga heimsins), samt er ástandið 10x verra þar en í flestum öðrum vestrænum löndum. Þúsundir láta lífið árlega í átökum í undirheimunum eða milli undirheima og yfirvalda. Þrátt fyrir að hafa handtekið milljónir manna og eytt trilljón dollurum í stríðið þá er neysla meiri heldur en fyrir stríðið. Og áfram heldur rétthugsunarstefnan, á 4 ára fresti er lofað því að herða baráttuna meira og ástandið heldur áfram að versna í undirheimunum.

Lögreglan er orðin hrædd á Íslandi og vill auka vopnaburð sinn, í dag rafbyssur og örugglega hefðbundnar byssur eftir 10 ár. Ég get lofað ykkur því að ef við höldum áfram á sömu braut að þá munu nokkrir láta lífið á hverju ár vegna skotvopna, undirheimarnir eru að vopnast hratt vegna þess að yfirvöld kjósa "zero tolerence" apað eftir kananum. Lögleiðum fíkniefni og tökum peningana úr undirheimunum! 

[Jóhann Elíasson, 6.9.2007 kl. 12:21]

Geiri, maður losnar ekki við handrukkara með því að lögleiða fíkniefni.  Vegna þess að handrukkarar sinna fleiri verkefnum en að innheimta fíkniefnaskuldir þótt þær séu stærsti hlutinn af þeim. 

[Geiri (IP-tala skráð) 6.9.2007 kl. 14:09]

Stór meirihluti fjármagns í undirheimunum kemur frá fíkniefnasölu. Nei það getur vel verið að það sé bjartsýni að halda að undirheimarnir útrýmist, en áhrifin yrði að minnsta kosti eins og að skera aðra löppina af.

En annars er auðvitað mikilvægt að ríkið hætti neyslustýringum ef það á að lögleiða fíkniefnin. Til þess að fækka glæpum er mjög mikilvægt að verðið lækki á efnunum.

[Hin Hliðin, 6.9.2007 kl. 21:46]

Geiri.  Þú ert augljóslega veruleikafyrrtur.

Lækkum verð á fíkniefnum og gerum þau aðgengilegri... Hvað í andsk á það að gera?

[Geiri (IP-tala skráð) 6.9.2007 kl. 23:43]

Koma í veg fyrir að fíklar neyðist til þess að fá lán hjá handrukkurum. Fækka þeim sem þurfa að stela til þess að eiga efni á skammtinum. Sígarettur eru jafn ávanabindandi og heróín en samt er reykingafólk ekki að fá lán hjá handrukkurum eða stela til þess að eiga efni á vörunni. Og já svo hlutfallslega fækka dauðsföllum með betri gæðum og upplýsingum. Mjög stórt hlutfall þeirra sem láta lífið má rekja til þess að viðkomandi gerði sér ekki grein fyrir styrkleika efnisins eða varan innihélt efni sem viðkomandi vissi ekki um... eða þá að notkunin var kolröng. Það er auðvelt að drepa sig með læknadópi ef maður fær ekki lyfseðil með því almennilegum upplýsingum og leiðbeiningum, eða þá að styrkleikinn sé annar en viðkomandi hélt. Sama gildir um götuefnin og því eðlilegt að búast við því að neyslan verði áhættuminni eftir lögleiðingu.

Það getur annars vel verið að neysla myndi aukast eitthvað smá við lögleiðingu, en þó ekkert gífurlega. Flestir ákveða hvort þeir vilji prófa fíkniefni eftir eigin siðferðismörkum en ekki hvort efnin séu lögleg eða ekki. Og jafnvel þó neysla myndi tvöfaldast þá yrðu dauðsföllin ekkert endilega fleiri og undirheimarnir veikari. En eins og ég hef sagt áður þá eru miklu verri hlutir sem tengjast fíkniefnaheiminum heldur en það þegar einstaklingur kýs af fúsum og frjálsum vilja að leggja eigin heilsu í hættu. Annars er óhollt matarræði núna á toppnum yfir það sem veldur álagi á heilbrigðiskerfið, er að drepa fleiri en öll fíkniefnin. En ekki bönnuð við McDonalds eða komum með matseðil ríkisins, það er mjög eðlilegt að einstaklingurinn beri ábyrgð á eigin neyslu óháð því hvort hann geri það vel eða ekki. 

Að ríkið stjórni persónulegri neyslu fólks er fasismi af verstu gerð, þetta er eins og að hafa ekki yfirráð yfir eigin líkama. En flestir eru sjálfselskir og er alveg sama svo lengi sem vinsælasti vímugjafinn er aðgengilegur í ríkinu. Sorglegt.

[Guðrún María Óskarsdóttir., 7.9.2007 kl. 00:54]

Skyldi ég einhvern tímann hafa heyrt svona röksemdafærslu áður eins og hjá þér Geiri ?  Þetta er ekkert annað en réttæting á neyslu þeirra efna sem nú eru ólögleg, með allra handa tiltýnslu þess efnis.

Íslendingar hafa hvoru tveggja ytri og innri aðstæður til þess að takast á við þennan fjanda, það þarf samstillt átak, viðhorfsbreytingu og aðgerðir.

kv.gmaria.

[Kjartan Pálmarsson, 7.9.2007 kl. 01:32]

Geiri ! ,,Koma í veg fyrir að fíklar neyðist til að fá lán hjá handrukkurum og fækka þeim sem stela til að hafa efni á skammtinum'' Hvernig leysum við það ?    já heyrðu ! stofnum banka, sem gæti t.d borið nafnið Dópþing-Ræningjabanki. Er það ekki lausnin

[Guðrún María Óskarsdóttir., 7.9.2007 kl. 02:12]

Góð hugmynd Kjartan he he he...

kv.gmaria.

[Geiri (IP-tala skráð) 7.9.2007 kl. 02:29]

Er algengt að reykingafólk þurfi bankalán til þess að redda sígó?