Hinn " frjálsi " markaður hér á landi, skapar alveg stórkostlega samkeppni er það ekki ?

Umgjörð markaðslandamæranna skiptir nokkru máli um þróun þá sem á eftir kemur of ef það heppnast ekki í fyrstu að girða girðingar þá er markaður án landamæra eins og að sleppa nautum lausum úr girðingu, og frumskógarlögmál tekur við og þeir stærstu og sterkustu æða yfir allt og eiga allt á endanum sem aftur veldur því að einokun verður til. Kvótakerfi sjávarútvegs frá lögleiðingu framsals aflaheimilda útgerðarmanna í millum er skólabókardæmi um slíkt ástand, hér á landi en það á við fleiri svið því miður. Svo er komið að hluti aðila hér eiga matvörumarkað eins og hann leggur sig frá a-ö frá framleiðslunni , til dreifingar og sölu í verslunum og geta því sem framleiðendur hækkað verð á framleiðslu til dreifingaraðlila, sem aftur kostar hækkanir í smásölu , þótt hið opinbera hafi ákveðið að lækka virðisaukaskatt á matvöru. Svo þykist engin skilja neitt hvorki verkalýðshreyfing né sitjandi stjórnmálamenn. Ætli það sé ekki tími til kominn að menn fari að skoða forsendur málanna.

kv.gmaria.

Athugasemdir

[Hjalti Garðarsson, 19.8.2007 kl. 15:44]

Hvernig á verkalýðshreyfingin svokallaða að bregðast við.  Hún er jú stærsti fjármagnseigandi landsins í gegnum lífeyrissjóðina.

[Halla Rut , 19.8.2007 kl. 20:45]

Samkeppnislög eru hér engin eða allavega mjög veik.

[Sigurgeir Jónsson, 20.8.2007 kl. 22:06]

Framsal aflaheimilda hefur gert það að verkum að sjávarútvegur er rekin hér á landi án aðstoðar frá ríkinu, öfugt við það sem er víða annars staðar, þar sem of mörg skip í rekstri orsaka tap.íslendingar eru aðilar að EES,þar sem fjálst flæði fólks og fjármagns er skilyrði um aðild.Þjóðnýting eigna og sosialiskt hagkerfi hefur allsstaðar beðið skipbrot.Kveðja, Geiri.