Færri og smærri einingar í sjávarútvegi og landbúnaði, munu líta dagsins ljós á ný.

Stærðarhagkvæmnisforsendur einhliða, eru um það bil að renna sitt skeið á enda hér á landi í okkar gömlu atvinnuvegum og hvers konar höft og kvaðir til þess að niðurnjörva allt og alla undir forsendur  stærðarhagkvæmni arfur skammtímahugsunarháttar um skyndigróða. Skyndigróða sem ekki tók mið af framtíðarmöguleikum til langtíma um líf mannsins á jörðinni. Þessi skyndigróðahugsun er upprunnin er hér á landi hófst hlutabréfamarkaður og menn Íslendingar ætluðu nú aldeilis að vera menn með mönnum þar á bæ og hamagangurinn til lands og sjávar eftir því . Það var kallað " góðæri "  góðæri sem þó virðist helst hafa skilað sér til fjármálafyrirtækja en ekki alls almennings í landinu, því eitthvað misfórst við að skattleggja gróðaumsýsluna sem til varð við það að óveiddur fiskur var gerður að braskvöru á þurru landi, hjá mönnum sem aldrei höfðu svo mikið sem migið í saltan sjá. Verksmiðjubúskapur örfárra fyrirtækja á sjó og landi í sjávarútvegi og landbúnaði er sama system og gömlu ráðstjórnarríkin viðhöfðu og nú í dag ætti að vera á minjasafni.

kv.gmaria.

Athugasemdir

[Georg Eiður Arnarson, 10.8.2007 kl. 08:22]

Það eru þrjú orð sem lýsa þessu best,hagræða, græðgi, peningar=færri skip, stærri skip og færra fólk um þetta snýst núverandi kerfi.kv.

[Sigurgeir Jónsson, 10.8.2007 kl. 17:15]

Það er nú ekki að sjá að þú hafir rétt fyrir þér hvað þetta varðar .Nú er í undirbúningi austur í Skaftafellssýslu, stofnun stærsta kúabús á íslandi.Það verður helmingi stærra en það sem nú er stærst, og er í Eyjafirði.En það er samt helmingi minna en það kúabú sem er stærst í Danmörku.íslendingar eru í samkepni við aðrar þjóðir ,bæði í landbúnaði og sjávarútvegi, og ef við stöndum okkur ekki hvað hagkvæmni í rekstri varðar, þá verðum við einfaldlega undir í lífskjörum.

[Guðrún María Óskarsdóttir., 10.8.2007 kl. 23:57]

Blessaður vertu Sigurgeir, ég veit hvað ég syng taktu eftir.

kv.gmaria.

[Guðmundur Jónas Kristjánsson, 11.8.2007 kl. 00:47]

Að mínu mati er núverandi sjávarútvegsstefna strönduð. Verst er
að sjávarútvegsráðherra skuli alls ekki skilja það, og núverandi
ríkisstjórn. Hef ætíð borið virðingu fyrir stefnu Frjálslyndra í þessum
málum, og tel að Framsókn þurfa að nálgast mjög ykkar sjónarmið,
enda skildi ekki míkið að  milli þessara flokka varðandi þorskkvótann
næsta ár. Vill að þessir tveir borgarasinnuðu  flokkar taki upp MJÖG
nána samvinnu í sterkri stjórnarandstöðu gagnvart núverandi ríkisstjórn, Íslandi til heilla.......

[Guðrún María Óskarsdóttir., 11.8.2007 kl. 01:30]

Já ég tek alveg undir það Guðmundur að mín persónulega skoðun er sú að þessir tveir flokkar geti staðið vel saman í stjórnarandstöðu á þessu kjörtimabili, en nákæmlega það sem þú nefnir hér að Framsókn nálgist okkar sjónarmið í málefnum fiskveiðistjórnunar kann að skipta miklu máli.

kv.gmaria.

[Sigurgeir Jónsson, 11.8.2007 kl. 07:28]

Til þess að Framsóknarflokkurinn geti orðið virkur í stjórnarandstöðu,þarf hann að hafa skýra stefnu.Hvort hann vilji láta sjávarútveginn starfa á eigin rekstrarlegum forsendum,eins og annann atvinnuveg, með hagsmuni þjóðarinnar og þess fólks að leiðarljósi sem starfar við hann, eða hvort flokkurinn eigi að taka upp þjóðnýtingastefnu að sovéskri fyrirmynd,með tilheyrandi hruni landsbyggðarinnar.Það sama gildir um Frjálslyndaflokkinn.Ef þessum flokkum tekst að mynda sér skýra stefnu í þessum málum sem öðrum. án öfga, þá er fullkomlega eðlilegt að þeir hafi samstarf.