Frelsi Íslendinga til veiða með handfæri eru sjálfsögð mannréttindi þjóðar sem lifað hefur af fiskveiðum í aldir.

Handfæraveiðar og sjósókn á trillum við strendur landsins ógna ekki og munu ekki ógna fiskistofnum nokkurn tímann. Þar liggja til tvær ástæður, önnur er sú að fiskur bitur á agn en er ekki veiddur í net og hin er sú að sókn þessara báta afmarkast af veðri og vindum sem þýðir að hluti daga í hverjum mánuði er ef til vill fært á sjó til veiða. Það er því gjörsamlega óskiljanlegt að fiskveiðar í þessu formi skuli þurfa að vera njörvaðar inn í kerfi framseljanlegs kvóta í stað þess að einstaklingum sem stunda vilja sjósókn í smáum stíl sé gefinn kostur á slíku, án þess að leigja til sín kvóta frá stærri útgerðum sem handhöfum. Frelsið á að geta verið til staðar í þessu efni eins og áður sagði vegna þess að fiskveiðarnar ógna ekki fiskistofnum né lífríki sjávar.

kv.gmaria.

Athugasemdir

[Óskar Helgi Helgason (IP-tala skráð) 10.8.2007 kl. 02:33]

Þú ert óþreytandi baráttukona Guðný María.

Þakka þér kyndilburð landnámsréttarins, ævinlega.

Með beztu kveðjum, úr Árnesþingi / Óskar Helgi Helgason

[Hallgrímur Guðmundsson, 10.8.2007 kl. 02:40]

Sammála Guðrún,

[Guðrún María Óskarsdóttir., 10.8.2007 kl. 02:51]

Þakka ykkur báðir tveir, já ég fékk sunnlenska þrjóskugenið og vestfirska baráttuandann í vöggugjöf og nota það og nýti.

kv.gmaria.

[Sigurgeir Jónsson, 10.8.2007 kl. 16:58]

Veiðar á handfæri eru ekkert öðruvísi en aðrar veiða á króka.Það verða aldrei gefnar frjálsar krókaveiðar, það eru bara draumórar að láta sér detta það í hug.Ef það væri gert myndu ekki verða nema nokkrir metrar á miili skipa, og enginn fengi neitt.Og allir yrðu gjaldþrota.Handfæraveiðar í dag eru ekki þær sömu og voru þegar forfeður mínir voru að róa frá sunnlensku söndunum.Kveðja,Geiri.

[Guðrún María Óskarsdóttir., 11.8.2007 kl. 00:15]

Sæll aftur Sigurgeir.

Hvers konar frelsi þurfa að fylgja mörk, því innan marka frelsis fáum við notið þess, jafnt hvað varðar krókaveiðar sem annað. Stærð og vélarafl eru til dæmis tvö atriði í þessu sambandi. Blessuð sé minning forfeðranna sem reru við suðurströndina.

kv.gmaria.