Hvað voru menn að votta ?

Voru menn að votta að það væri búið að ganga um Íslandsmið af ábyrgð síðustu tuttugu ár eða svo ? Voru menn að votta að nauðsynlegar rannsóknir á lífríki hafsins hafi farið fram ? Voru menn að votta hve miklum fiski hefði verið hent eftir tilkomu kerfisins ? Voru menn að votta hvað mörg störf hafa tapast um allt land við tilkomu kvótakerfisins og hvað það þýðir við útreikininga um sjálfbærni þjóðar ? Voru menn að votta hve mikilli olíu fiskiskipaflotinn eyðir og hve mikið er afgangs eftir aðferðarfræðina ? Hvað voru menn að votta ?

kv.gmaria.

Umhverfislýsing fyrir íslenskar fiskveiðar

Athugasemdir

[Hallgrímur Guðmundsson, 9.8.2007 kl. 02:59]

Það er flestum óskiljanlegt hvað var verið að gera þarna. Merkilegt hvað mönnum dettur í hug, einungis í þeirri einu von að tjallinn sé nógu heimskur til að kokgleypa þvæluna. Af hverju skildu þeir hafa fundið sig knúna til að pukrast með þetta á eigin vegum, en ekki með öðrum samtökum sem standa að svona vitleysu? Og halda því fram að sjávarútvegurinn sé sjálfbær, og gengið um fiskistofnana að ábyrgð er ein sú skrautlegast þvæla sem fram hefur komið lengi.

kv. Halli

[Jóhann Elíasson, 9.8.2007 kl. 07:38]

Það er alveg á hreinu að ekki var verið að votta sjálfbæra nýtingu fiskistofnanna, því á meðan þarf að skera niður aflaheimildir, þá er ekki umsjálfbæra nýtingu að ræða, hlutirnir geta nú ekki verið einfaldari en það.

[Sigurgeir Jónsson, 9.8.2007 kl. 11:48]

Sæl Guðrún María, ég spurði þig um daginn nokkurra spurninga um hvernig þú vildir stjórna fiskveiðum íslendenga,eða hvort þú vildir stjórna fiskveiðum, yfirleitt.Þú svaraðir mér með annarri spurningu,hvort ég væri að grínast.Ég var ekki að því.Ég tel mig þekkja nokkuð til Frjálslyndaflokksins þar sem þú ert,meðal annars tók ég þátt í kosningum þar sem kosin var stjórn Frjálslyndaflokksins, í vetur, enda máttu allir gera það.Ég hef aldrei séð neina stefnu hjá Frjálslyndaflokknum um stjórn fiskveiða,aðra en þá að leggja beri niður kvótakerfið.En nú hafa tveir þingmenn Frjálslyndaflokksins af fJórum, Jón Magnússon og Grétar Mar Jónsson lýst því yfir að Ríkið eigi að þjóðnýta kvótann og leigja hann hæstbjóðanda.Að auki hefur aðal hugmyndasmiður og stefnumótandi Frjálslyndaflokksins, Eiríkur Stefánsson lýst því yfir.Hann gerði það í gær í hádeginu á útvarp Sögu.Þú spyrð spurninga en mér hefur reynst erfitt að fá svör hjá þér.En ég spyr þig, ertu sammála um að stefna fyrrnefndra þingmanna og fleiri sé stefna Frjálslynda flokksins, og telurðu að með því sé verið að leggja kvótakerfið niður.Ég get ekki séð það.En hvað viltu gera.Kveðja, Geiri.

[Hallgrímur Guðmundsson, 9.8.2007 kl. 14:17]

"Ég tel mig þekkja nokkuð til Frjálslyndaflokksins þar sem þú ert,meðal annars tók ég þátt í kosningum þar sem kosin var stjórn Frjálslyndaflokksins, í vetur, enda máttu allir gera það.Ég hef aldrei séð neina stefnu hjá Frjálslyndaflokknum um stjórn fiskveiða,aðra en þá að leggja beri niður kvótakerfið."

Þetta er úrdráttur úr skrifum þínum Sigurgeir.

Hér fyrir neðan er stefna Frjálslynda flokksins í sjávarútvegsmálum, og er öllum aðgengileg á heimasíðu flokksins. Þannig að ef þú Sigurgeir ert svona vel að þér í málum Frjálslynda flokksins, er stórfurðulegt að þú þurfir að spyrja eftir stefnu flokksins í þessum málum á Mogga blogginu. 


Sjávarútvegsmál:



Frjálslyndi flokkurinn hafnar með öllu núverandi útfærslu kvótakerfisins vegna þess að það veldur:


Hruni byggða og fækkun íbúa

Minni atvinnu með sölu og tilfærslu kvótans

Árangursleysi við uppbyggingu á stofnum botnfiska

Sóun á verðmætum með rangri nýtingu fiskimiðanna

Þess vegna viljum við stefna út úr kvótakerfinu með eftirfarandi aðgerðum á næsta kjörtímabili:

1. Hafrannsóknarstofnun verði færð undan stjórn hagsmunaaðila

2. Fiskiskiptaflotanum verði skipt upp í 4 útgerðarflokka og undirbúið að færa færa flotann í sóknarstýringu í áföngum þar sem byrjað verði á útgerðarflokk minnstu bátanna.

3. Fisktegundum í kvóta verði fækkað.

4. Fiskveiðar verði strax opnaðar fyrir nýliða með því að leyfa handfæraveiðar á eigin bátum allt að 30 tonn að stærð með tveimur mönnum mest í áhöfn og 4 rúllum. Að 5 árum liðnum ber að endurskoða regluna og taka upp sóknarstýringu til takmörkunar ef ástæða þykir til.

5. Sett verði löggjöf um sölu og leigu á aflaheimildum og tryggð þjóðareign á fiskimiðunum og nýtingu þeirra. Meginreglan verður sú að aflaheimildir beri að nýta til veiða. Leiga og sala aflaheimilda fari aðeins um einn farveg, sérstakan opinberan viðskiptamarkað. Við sölu á aflahlutdeild verður hún skilgreind sem afnotaréttur í takmarkaðan tíma gegn gjaldi til ríkisins.

6. Tekjum ríkissjóðs af viðskiptum með aflaheimildir um opinbera viðskiptamarkaðinn verði skipt að jöfnu milli ríkis og sveitarfélaga.

7. Veiðar og vinnsla verði aðskilin fjárhagslega og allur óunninn fiskur verði seldur á markaði.

8. Tekinn verði upp jafnstöðuafli 220 þús. tonn í þorski. Til aflahlutdeildarkerfisins verði ráðstafað sem svarar meðaltali síðustu 15 ára ( áætlað um 170 þús. tonn.)

9. Því sem er umfram hlut aflahlutdeildarkerfisins á hverju ári verði ráðstafað til leigu um viðskiptamarkaðinn og þar af verði tuttugu þúsund tonn af þorski úthlutað til veiða frá landssvæðum þar sem verulegur samdráttur hefur orðið í aflaheimildum og hagvöxtur síðustu ára hefur verið hvað minnstur og jafnvel neikvæður. Þær heimildir verði leigðar með þeim skilyrðum að gert verði út frá viðkomandi landssvæði og aflinn seldur á markaði þar og unninn. Leigutekjum ríkisins af þessum sérúthlutuðum veiðiheimildum verði ráðstafað til atvinnuuppbyggingar á sömu landssvæðum.

[Sigurgeir Jónsson, 9.8.2007 kl. 18:32]

Sæl Guðrún María.Ég sé að þú hefur fengið þér talsmann, þótt þú hafir sagt fyrir stuttu að þú þyrftir ekki neinn karl til að svara einum karli.Auðvitað vissi ég af þessari svokölluðu stefnu Frjálslyndaflokksins,hafði bæði séð hana í bæklingum og á heimasíðu flokksins.Satt besta að segja þá hélt ég að hún hefði verið sett fram til að hafa eitthvað, og hún væri á heimasíðunni til að hafa eitthhvað.Og þar sem ég hef ekki heyrt ykkur tala um annað en afnám kvótakerfisisins þá hélt ég að þið væruð búinað gleyma þessu rugli, því í þessari stefnu flokksins sem talsmaður þinn,kallar svo væntanlega fyrir þína hönd, kemur fram í liðum 1-9, að þið ætlið ekki einu sinni að afnema kvótakrfið sem þið talið stöðugt um.Þetta

[Sigurgeir Jónsson, 9.8.2007 kl. 18:33]

er verra en ég hélt.Kveðja,Geiri.

[Guðrún María Óskarsdóttir., 10.8.2007 kl. 01:25]

Sæll og blessaður Sigurgeir.

Þér er svo innilega velkomið að ræða við mig um kvótakerfið þess vegna dag hvern. Það vill hins vegar svo til að ég sit ekki við tölvu daglangt og kem hér yfirleitt ekki fyrr en seint að kveldi eða þegar liðið er á nótt.  Þess vegna hefur Hallgrímur verið svo almennilegur að pósta hér inn stefnunni í sjávarútvegsmálum hjá okkur, hafi hann þakkir fyrir.

Ég veit ekki alveg eftir hverju þú ert að fiska Sigurgeir, varðandi okkar skoðun á fiskveiðistjórnuninni. Um þá stefnu er eining meðal flokksmanna mér best vitanlega.

Þú útskýrir ekki hvað þér finnst " rugl " en endilega lát oss heyra ögn nánar.

kv.gmaria.

[Jóhann Elíasson, 10.8.2007 kl. 09:42]

Sigurgeir virðist fá eitthvað út úr því að leggjast á síður annarra með eitthvað bull og vitleysu, svona menn eru oftast kallaðir "perrar", hann hefur ekkert fram að færa og kemur fram eins og gamall leiðinlegur "nöldrari", sem lætur sér aldrei segjast.  Oft kemur fyrir að maður hreinlega vorkenni honum, amma mín sagði alltaf að það ætti að vera góður við þá sem ættu bágt, en það eru nú takmörk fyrir öllu.

[Sigurgeir Jónsson, 10.8.2007 kl. 16:35]

Sæl Guðrún María.Þú bíður fólki að gera athugasemd við málflutning þinn , hér á síðunni.Það er virðingarvert.Meðan síða þín er þannig, þá mun ég að sjálfsögðu gera athugasemdir við málflutning þinn,ef ég tel að eitthvað sé rangt með farið sem þú ert að flytja til almennings.Mér sýnist líka að þú vitir að sá á ekki langt líf fyrir sér í pólitík sem ekki þolir að fólk geti verið honum ósammála.En því kalla ég stefnu  Frjálslyndaflokksins rugl, að  að þið talið stöðugt um að þið hafnið kvótakerfinu, en svo kemur í ljós þegar stefna flokksins er lesin, það er sú stefn sem er hér á síðunni fyrir ofan,að þið eru alls ekki að hafna kvótakerfinu.Þar segir. Sjávarútvegsmál.Frjálslyndi Flokkurinn hafnar með öllu núverandi útfærslu kvótakerfisins.Tilvitnun lýkur.Ég get ekki séð að með þessu sé Frjálslyndi flokkururinn að hafna kvótakerfinu.Enda kemur það í ljós þegar lesnir eru liðir 1-9, að svo er alls ekki.Ég kalla það rugl þegar þegar stefna einhvers flokks er ekki í samræmi við málflutninginn.Kveðja, Geiri.