Samstarf hins opinbera ,ríkis og sveitarfélaga er í þjónustu skattgreiðenda.

Las í blaði nýlega viðbrögð fjármálaráðherra við hugmyndum þess efnis að sveitarfélög fái hlutdeild í fjármagnstekjuskatti. Hann kvað það ekki koma til greina samkvæmt frásögninni. Mér finnst þar á ferð fremur undarleg viðbrögð ráðherrans, því hvoru tveggja er sjálfsagt og eðlilegt að sveitarfélögunum sé gert kleift að halda uppi þjónustustigi lögboðinnar grunnþjónustu við landsmenn og breytt umhverfi skattgreiðslna þ.e. fjölgun einkahlutafélaga hlýtur eðli máls samkvæmt að kalla á endurskoðun við innbyrðis tekjuskiptingu að þessu leyti.

kv.gmaria.

Athugasemdir

[Jóhann Elíasson, 5.8.2007 kl. 14:41]

Eitthvað virðist Árni Matt. vera tvístígandi hvað varðar hlutverk sitt sem Fjármálaráðherra.  Hann sagði að, vandamál sveitarfélaganna væri ekki of litlar tekjur heldur of mikil útgjöld.  Að maðurinn skyldi láta þetta út úr sér segir meira um hann og kunnáttu hans en margt annað sem hann hefur látið hafa eftir sér og er þó margt ansi skrautlegt.  Ef útgjöld eru of mikil er reynt að minnka þau og/eða auka tekjur og einmitt svoleiðis eru Sveitarfélögin að reyna að bregðast við vandanum.  Þetta virðist Fjármálaráðherra eiga í vandræðum með að skilja og annað sem er nokkuð augljóst (jafnvel leikmönnum eins og mér) að raunveruleg hlutdeild Sveitarfélaga, í skatttekjum hins opinbera, hefur verið að lækka hinn síðari ár og væri það verðugt verkefni fyrir Hagfræðistofnun að skoða þau mál.  Fjármálaráðherra mætti einnig gera sér grein fyrir því að hið Opinbera er skilgreint sem Ríkið og Sveitarfélögin. 

[Guðrún María Óskarsdóttir., 6.8.2007 kl. 00:27]

Sæll Jóhann.

Já mjög sérkennileg ummæli sannarlega. Þessi togstreita ríkis og sveitarfélaga er óviðunandi fyrirbæri.

kv.gmaria.