Öryggisákvæði E E S samningsins, er til staðar.

 Hér er gripið niður í umræður á Alþingi um EES samninginn og hér er hluti af ræðu eins framsögumanns þar sem  nokkuð skýrt kemur fram það atriði að við Íslendingar getum nýtt okkur undanþáguákvæði samningsins.

"Ef við lítum á tölur um búsetuþróun og röskun á atvinnumarkaðnum vegna frjálsra fólksflutninga milli landa kemur á daginn að á þeim rúmlega þremur áratugum sem frjáls atvinnu- og búseturéttur hefur verið við lýði innan EB hefur fjöldi borgara annarra ríkja bandalagsins ekki aukist meira en svo, svo dæmi séu tekin, að í Þýskalandi eru þeir um 2% og í Frakklandi 2,8% af mannfjölda landanna hvors um sig. Þó er erum við hér að tala um tvö af efnahagslegum stórveldum bandalagsins, lönd þar sem atvinna var nóg þegar þessir flutningar mestan part áttu sér stað og þar sem stjórnvöld í viðkomandi löndum sóttust beinlínis eftir því að fá fólk til starfa og búsetu í viðkomandi löndum og þar sem hefðir eins og t.d. í Frakklandi eru langvarandi fyrir því að hafa frjálslega innflytjendapólitík.
    Ef við athugum aftur dæmið sem ég nefndi frá Danmörku þá hefur landið verið aðili að sameiginlegum vinnumarkaði Norðurlanda síðan 1954 og hluti af vinnumarkaði EB síðan 1973. Þó eru borgarar samanlagt frá öllum EFTA-ríkjum og öllum EB-ríkjum sem kosið hafa að taka sig upp og flytjast til þessara elskulegu frænda okkar ekki nema alls innan við 1% af íbúafjöldanum.
    Könnun á vegum félmrn. og Alþýðusambands Íslands bendir til þess að fjölgun erlendra ríkisborgara gæti orðið um 5% á ári til aldamóta og þannig vaxi heildarfjöldi þeirra úr tæpum 5.000 í hugsanlega 7.500. Þetta er mat Alþýðusambandsins og félmrn.
    En að lokum þarf einnig að benda hér á öryggisákvæðið vegna þess að Ísland getur gripið til öryggisráðstafana ef alvarleg röskun jafnvægis verður á vinnumarkaði vegna meiri háttar flutninga starfsfólks sem beinast að sérstökum svæðum, störfum eða atvinnugreinum."

Framsögumaður er þáverandi formaður Alþýðuflokksins  J B H, sem síðar var lagður niður.

kv.gmaria.

Athugasemdir

[Guðmundur Jónas Kristjánsson, 9.4.2007 kl. 00:43]

Sko. Skil ALLS ekki þessa umræðu ykkar Frjálslynda um 
innflytjendamál
meðan helsti oddviti ykkar og hugmyndarfræðingur, Jón Magnússon, skilgreinir sig sem meiriháttar EVRÓPUSINNA og hallan undir það að Ísland gerist aðili að Evrópusambandinu. Meiriháttar þversagnir í ykkar pólítik, alla vega út frá minum ÞJÓÐLEGUM viðhorfum! Frekar kýsi ég Framsókn en ykkar málstað. Þó ekki væri til annars en að
hindra að hin óþjóðlegu vinstriöfl kæmust til valda með stuðningi Frjálslyndra.  Þá væri fyrst ástæða til að óttast um íslenzka hagsmuni
og gildi. Vek athygli sérstaklega á ,,kaffibandalaginu" svokallaða,
þar sem Frjálslyndir eru tilbúnir að leiða hin ÓÞJÓÐLEGU vinstriöfl
til valda!

[Guðrún María Óskarsdóttir., 9.4.2007 kl. 00:55]

Sæll Guðmundur.

Innan Frjálslynda flokksins eru skiptar skoðanir um Evrópusambandsaðild eins og sennilega í öllum stjórnmálaflokkum.

Málefni innflytjenda þarf að ræða hér á Íslandi rétt eins og annars staðar í kring um okkur hefur átt sér stað og Frjálsyndi flokkurinn var ein flokka á Alþingi flokkur sem vildi að við nýttum okkur undanþágu ákvæði í EES samningnum, flóknara er það ekki.

kv.gmaria.

[Guðmundur Jónas Kristjánsson, 9.4.2007 kl. 01:24]

Þegar ykkar aðal oddviti og hugmyndarfræðingur segist vera
EVRÓPUSAMBANDSSINNI sbr Fréttablaðið nýlega er allt t.d tal þitt
um að nýta þetta og hitt innan EES-samningsins út í hött!  Og endurtek. Svo eru þið OPIN fyrir því að leiða hin MEIRIHÁTTAR
ÓÞJÓÐLEGU VINSTRIÖFL til valda sbr. ,,kaffibandalagið" Þvílík
AND-ÞJÓÐLEG PÓLÍTÍK!!!!!!!!!!!

[Guðrún María Óskarsdóttir., 9.4.2007 kl. 01:58]

Jón Magnússon leiðir lista Frjálslynda flokksins í Reykjavík og ég bauð Jón Magnússon velkominn í Frjálslynda flokkinn í haust því svo vill til að ég geri mér það ljóst að því fleiri sem leggjast á árar saman gegn núverandi óstjórn ríkisstjórnarflokkanna, því betra.

 Í Frjálslynda flokknum er fólk sem hefur leyfi til þess að hafa sínar skoðanir Guðmundur, og viðra þær jafnt Jón sem aðrir.

kv.gmaria.

[Guðmundur Jónas Kristjánsson, 9.4.2007 kl. 09:15]

Já  en flokkur sem vill taka sig alvarlega verður að hafa grunddvallarsamhljóm í málflutningi. Þýðir ekki hjá öðrum oddvita
flokksins að tala í suður meðan annar talar í norður!