Framsal ríkisvalds til inngöngu í Evrópusambandið ?

Tillögugerð um nýja stjórnarskrá inniheldur sérstakan kafla um Framsal ríkisvalds sem hér segir.

" 111. gr. Framsal ríkisvalds

Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu. Framsal ríkisvalds skal ávallt vera afturkræft.

Með lögum skal afmarka nánar í hverju framsal ríkisvalds samkvæmt þjóðréttarsamningi felst.

Samþykki Alþingi fullgildingu samnings sem felur í sér framsal ríkisvalds skal ákvörðunin borin undir þjóðaratkvæði til samþykktar eða synjunar. Niðurstaða slíkrar þjóðaratkvæðagreiðslu er bindandi."

Núverandi stjórnarskrá heimilar ekki framsal ríkisvalds með því móti sem hér er lagt til en ákvæði þar að lútandi kemur fram í bæklingi þeim sem nú hefur verið dreift inn á heimili landsmanna.

" 21. gr. Forseti lýðveldisins gerir samninga við önnur ríki. Þó getur hann enga slíka samninga gert, ef þeir hafa í sér fólgið afsal eða kvaðir á landi eða landhelgi eða ef þeir horfa til breytinga á stjórnarhögum ríkisins, nema samþykki Alþingis komi til."

Mér kemur ekki til hugar að samþykkja þessa tillögugerð.

kv.Guðrún María.

Samræðuvefur um stjórnarskrána

Athugasemdir

[Ásthildur Cesil Þórðardóttir, 2.10.2012 kl. 01:41]

Gmaría mín, þessi grein er bara hálftúlkuð hér, Hún er svona:

Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu.  Framsal ríkisvalds skal ávallt vera afturkræft.

Með lögum skal afmarka nánar í hverju framsal ríkisvalds samkvæmt þjóðréttarsamningi felst.

Samþykki alþingi fullgildingu samnings sem felur í sér framsal ríkisvalds skal ákvörðunin borin undir þjóðaratkvæðagreiðslu til samþykktar eða synjunar. Niðurstaða slíkrar þjóðaratkæðagreiðslu er bindandi.

Þetta er nefnilega stoppið á framsalið.  Það fer ekki fram nema þjóðin samþykki það.

[Guðrún María Óskarsdóttir., 2.10.2012 kl. 01:48]

Ósammála þessu sinni Cesil min, og endilega skoðaðu grein 113 í þessum tillögum sem segir.

" 113. gr. Stjórnarskrárbreytingar

Þegar Alþingi hefur samþykkt frumvarp til breytingar á stjórnarskrá skal það borið undir atkvæði allra kosningabærra manna í landinu til samþykktar eða synjunar. Atkvæðagreiðslan skal fara fram í fyrsta lagi einum mánuði og í síðasta lagi þremur mánuðum eftir samþykkt frumvarpsins á Alþingi.

Hafi 5/6 hlutar þingmanna samþykkt frumvarpið getur Alþingi þó ákveðið að fella þjóðaratkvæðagreiðsluna niður og öðlast þá frumvarpið gildi engu að síður.

kv.Guðrún María.

[Jón Steinar Ragnarsson, 2.10.2012 kl. 03:42]

Fyrirvararnir sem Ásthildur nefnir eru aðeins ráðgefandi fyrirvarar ráðsins og ekki bindandi á nokkurn hátt fyrir þingið. Það er heldur ekki ætlunin að taka mark á þeim.  Það sem ætti að vekja menn til umhugsunnar er af hverju í ósköpunum er verið að höndla með þessa grein fyrir það fyrsta. Fyrir því er bara einn tilgangur. ESB. Fyrirvararnir eru bara sætuefni svo þetta renni ofan í lýðinn sem ekki spyr hversvegna það er verið að gera þetta yfirleytt.

Rétt að rifja upp af hverju það var farið í þessa vinnu í upphafi.

Hér er svo nánari útlisting sögunnar í athugasemdadálki við blogg Þorvaldar Gylfasonar á DV.

Stjórnlagaþing var sett á samkæmt skilyrðuum Framsóknar fyrir stuðningi við ríkistjórnina í uppafi.  Það var gert til að taka stjórnarskrárvaldið af henni eins og maður tekur skæri af óvita. Það stóð nefnilega til að pota okkur inn í sambandið á 6 mánuðum, ef skammtímaminni manna er ekki það slæmt að þeir hafa gleymt því. Það var full blown panikk í landinu í upphafi árs 2009. Menn héldu að landið væri sokkið.

Hinsvegar til þess að gera þetta mögulegt, þá þurfti að breyta stjórnarskrá og það með valdi. Þ.e.a.s. stjórnarskrárbroti. Það var gert.

[Jón Steinar Ragnarsson, 2.10.2012 kl. 03:46]

Aldrei í sögunni áður hefur stjórnarskrárvald verið hrifsað af ríkistjórn þessa lands. Það þótti þó eðlileg nauðsyn hér eins og mál stóðu. Valdagræðgi núverandi ríkistjórnar var nægileg til að fallast á þetta og fallast á að brjóta stjórnarskrá.

[Jón Steinar Ragnarsson, 2.10.2012 kl. 03:48]

Stjórnlagaráð er semsagt ekki hugmynd Samfylkingarinnar. Samfylkingin ætlaði að gera þetta ein og sjálf og með valdi, sem blessunarlega var af henni tekið. Tilgangurinn var einn og hefur alltaf verið sá sami. Innlimun Íslands í ESB og það með hraði.

[Jón Steinar Ragnarsson, 2.10.2012 kl. 03:50]

Stjórnlagaráð er jú hugmynd Samfylkingarinnar, enda þingskipað ráð. Hið upphaflega og sýnilega lýðræðislega stjórnlagaþing er hinsvegar afkvæmi framsóknarflokksins í viðleitni til að koma í veg fyrir landráð.  Það var gert með landráðum þó. ;)

[Árni Gunnarsson, 2.10.2012 kl. 10:56]

"Aldrei í sögunni hefur stjórnarskrárvald verið hrifsað af ríkisstjórn þessa lands." Um þessa furðulegu ályktun/fullyrðingu þína mætti líklega rita langt mál Jón Steinar.

Hvað kallaðist innganga Íslands í EES?

Var það ekki skýlaust fullveldisafsal sem meira að segja ESB aðildardindlarnir sítera ævinlega í þegar þeir segja að ekki taki því að vera með stóru tána fyrir utan þegar allur skrokkurinn sé kominn inn?

Og hefur ríkisstjórn eitthvert stjórnarskrárvald ofar Alþingi?

Það var fjöldi ESB andstæðinga í stjórnlagaráði og meira að segja Pétur Gunnlaugsson lögmaður sem nálgast öfga í þessari andstöðu eins og ég geri sjálfur. Hann telur þessa nýju grein tryggja enn betur en ákvæði gömlu stjórnarskrárinnar öryggi þjóðarinnar og aðkomu í þessu tilgreinda máli.

En ef Íslendingur er þokkalega læs á málgagn Hádegismóaklúbbsins og veit afstöðu Hannesar Hólmsteins og Jóns Steinars til stjórnarskrárbreytinga - og telur sig auk þess standa hægra megin við Svandísi Svavarsdóttur í pólitík - þá veit hann það helgustu skyldu sína að vera á móti stjórnarskrárbreytingu.

Sama um hvað hún snýst.

Skítt með alla skynsemi!

[Ásthildur Cesil Þórðardóttir, 2.10.2012 kl. 13:18]

Einmitt Árni, þessi 111 grein í heild sinni gerir það að verkum að til þess að hægt sé að framselja vald til erlendra aðila þarf BINDANDI ÞJÓÐARATKVÆÐAGREIÐSLU.  Það er aðalmálið. Það eru enginn slík höft í dag eins og EES samningurinn sýnir klárlega. 

[Ingólfur, 2.10.2012 kl. 15:00]

Hvað er það eiginlega sem er svona hættulegt við þessa grein?

Að ESB aðild þurfi að fara í þjóðaratkvæðagreiðslu???

Það er ekkert sem bannar valdaframsal í gömlu stjórnarskránni ef að ALþingi samþykkir þær.

[Árni Gunnarsson, 2.10.2012 kl. 15:24]

Það hættulega við þessa grein er að allir sjálfstæðismenn hafa tekið þá ákvörðun að vera á móti henni.

Það hefur enginn bent á hættuna en sjallagarmarnir segja að með henni sé verið að afsala íslenskum ríkisborgararétti til eilíbbðar.

Þeir eiga reyndar eftir að finna leiðina til að benda á hvar hættan felst.

[Guðrún María Óskarsdóttir., 2.10.2012 kl. 23:34]

Sæl öll.

Lög eru eitt, stjórnarskrá annað, og það atriði að setja slíka heimild í stjórnarskrá galopnar lagasetningu alla hvers konar til framtíðar fyrir framtíðarvaldhafa, það er augljóst.

kv.Guðrún María.

[Jón Steinar Ragnarsson, 3.10.2012 kl. 18:21]

Árni Gunnarsson. Inngangan í EES hafði lítið með sjórnarskrárvaldið að gera annað en það að þingið hafði það í hendi sér og notaði það í þessu tilfelli.

Þú ert að misskilja hrapalega það sem ég er að segja. 80 daga stjórnin var látin afsala sér þessu valdi í skiptum fyrir stuðning frá framsókn. Framsóknarmenn huðu væntanlega að það kæmi eitthvað meira vitrænt frá hendi fólksins. Helst var það þó ástæðan að tefja málið og forða því að þingið misnotaði þetta vald sitt í þágu innlimunnar eins og til stóð.

Semsagt þingið hafði valdið þegar gengið var í EES og því fór sem fór. Það má hinsvegar deila um það hvort það var stjórnarskrárbrot.  Ég tel það vera vegna þess að það voru ekki tvö aðskilin þing sem samþykktu þann ráðahag að því er ég best veit.

Ég skil ekki hvað þér er annars orðið uppsigað við mig og mína afstöðu og röksemdir. Varstu að taka ESB trúnna?  

[Jón Steinar Ragnarsson, 3.10.2012 kl. 18:24]

Ásthildur. Þið ruglið eilíft saman frumvarpi um stjórnarskrá og ráðgefandi áliti stjórnlagaráðs.  Þetta er ekki frumvarp sem þú ert að vísa í heldur eru þetta tilmæli um fyrirvara, sem alþingi verður í sjálfsvald sett að ákveða hvort verða inni.

Þið virðist ekkert botna upp né niður í málinu, enda er búið að ljúga ykkur svo stútfull að þið eruð hætt að gera greinarmun á þessu tvennu.

[Jón Steinar Ragnarsson, 3.10.2012 kl. 18:43]

Ingólfur,  Þessi grein hefur lítið með það að gera hvort ESB fari í þjóðaratkvæði. Um það fjallar hún ekki. Hún fjallar beint um heimildir til framsals fullveldis.  Þar má nefna t.d. framsals sameiginlegra auðlinda í samneyslu ESB, sem er eitt skilyrði inngöngu. Það er t.d. ástæðan fyrir klásúlunni um "þjóðareign" auðlinda. Hún þýðir í raun að ráðstöfunarvald yfir þessu flyst til þingsins formlega.

Treystið þið Sjálfstæðisflokki eða framsóknarflokki til að höndla með þessa eign eftir geðþótta? Eruð þið á því að það sé málið að fá aftur Evrópska togara hingað upp í kálgarða? Að Magmamálin verði daglegt og löglegt brauð?

Ég hef það einhvernveginn á tilfinningunni að afstaða ofannefndra mótist af blindu hatri á sjálfstæðisflokknum, sem hefur ekkert með málið að gera í raun. Af því að menn innan raða hans hafa viðrað efasrmdir, þá beri einhvernveginn skylda til að vera á móti án þess að það sé nokkur glóra í því.

Ykkur er svei mér ekki sjálfrátt.

Ég tek það svo fram að ég er ekki sjálfstæðismaður og kaus raunar Hreyfinguna í síðustu kosningum. Annars er ég algerlega laus fið flokksbása og læt það ekki trufla rökhugsun mína eins og þið þetta blessaða fólk.