Hvar er sérstök húsaleigubótahækkun til handa leigjendum ?

Get ekki betur séð en leigjendum hafi verið sleppt hvað varðar " sérstök úrræði " svo sem þessar sérstöku vaxtaniðurgreiðslur til húseigenda og getur það verið að það þýði mismunun þegnanna ?

Nema einhver sérstök aðgerð sé á leiðinni til handa leigjendum til jafns við húseigendur.

Vonandi bera menn gæfu til þess að breyta í eitt kerfi húsnæðisbóta þar sem jafnt gangi yfir alla án flokkunnar í eign eða leigu í formi niðurgreiðslna hins opinbera.

kv.Guðrún María.

Húseigendur fengu 2,6 milljarða

Athugasemdir

[Anna Sigríður Guðmundsdóttir, 6.5.2012 kl. 01:55]

Ég er svo lánsöm að hafa sætt mig við að geta ekki keppt við banka/lífeyrissjóðs-mafíuna.

Þess vegna vakna ég á hverjum morgni og þakka fyrir daginn, og að ég fer ekki í skuldafangelsi bankanna/lífeyrissjóðanna í dag. Það er ekki svo slæmt að geta þakkað fyrir slíkt á hverjum morgni, og haldið í þá von fram eftir deginum að ég sleppi á morgun líka.

Það getur hinsvegar verið erfitt og dýrt að halda kæruleysinu sem til þarf, til að halda öllu í horfinu við óvissuaðstæður.

M.b.kv.

[Gunnr (IP-tala skráð) 6.5.2012 kl. 08:33]

Sæl,

Hvað ætli þessir "húseigendur" sem flestir eru í raun leiguliðar lánastofnanna borgi í vexti á síðasta ári. Til viðbótar koma fasteignagjöld, tryggingargjöld og að síðustu væntanlegt hrun fasteignamarkaðarins.

Þeir sem leigja frá sér gera það á eigin ábyrgð og það má færa fyrir því rök að það sé yfir höfuð ekki neitt sem borgi sig þar sem skemmdir og vandræðin sem því fylgja eru stundum langt yfir það sem leigutekjurnar gefa af sér og auk þess heldur er ákaflega erfitt að hrista burtu leigendur sem ekki standa við sitt. Þetta færist væntanlega í það að verið sé að leigja í hjöllum og verksmiðjuhúsnæði sem kosta lítið og hafa lágan standard. Allt annað er áhættuspil leiguverð er ekki í neinu samhengi við kostnaðinn og því sem því fylgir.

Vandamálið er að Ísland er orðið láglaunaeyja meðan fólk ber kostnaðinn af því að búa í hákostnaðarlandi.

Ég get ekki heldur séð það fyrir mér að ríkissjóður eða sveitarfélög hafi næstu áratugi efni á að reka einhvern ríkissósíalisma sé hér að kaupa eignir upp til að leigja þetta á niðurgreiddu verði. Það eru fáir sem búast við því að þjóðarkakan stækki eða hið opinbera fái einhvern stærri bita þar næstu árin.

[Ásta María H Jensen, 6.5.2012 kl. 12:04]

Þetta eru vaxtagreiðslur hjá mér bara af lánum á ári 1.056.000 þá er fasteignagjöld og tryggingar ekki inn í það er samtals 300.000 á 130fm eign svo er viðhaldskostnaður sem leigutakar eru aldrei með sem er ca. 290.000 áætlað á ári. Vaxtagreiðslurnar eru ekkert hærri en húsaleigubæturnar jafnvel lægri.

[Guðrún María Óskarsdóttir., 6.5.2012 kl. 23:47]

Takk fyrir innleggin.

kv.Guðrún María.