Ísland í vonanna birtu.

Ég hefi löngum álitið það að bjartsýnin sé forsenda viljans til þess að finna lausnir á vandamálum hvers konar.

Það atriði hversu mjög við kunnum að velta okkur upp úr vandamálum öllum án þess að benda á leiðir til breytinga hverju sinni, hefur að mínu viti mikið með það að gera hvort eitthvað umbreytist eða ekki.

Öll hin gífurlega " hrunumræða" fjölmiðla í landinu hefur verið álíka yfirtoppuð og umfjöllunin um hina guðdómlegu útrás íslenskra fjármálafyrirtækja var þegar peningarnir uxu á trjánum.

Mikið til hefur sú umræða leitast við að finna sérstaka sökudólga hverju sinni gagnvart almenningi í landinu sem er afar einföld uppsetning í raun og engum spurningum velt upp í formi bjartsýni um framtíðarúrræði til þess að reisa landið við.

Að horfa yfir sviðið fram í timann er eitthvað sem afskaplega lítið sést af hér á landi nema í einstökum þröngum viðfangsefnum.

Væri það ofverk ríkisfjölmiðla að taka fyrir vangaveltur um efnahagsþróun næstu tuttugu ára hér á landi svo eitt dæmi sé tekið ellegar skipulag mála í atvinnuvegum matvælaframleiðslu ?

Kanski hefur eitthvað farið framhjá mér í umfjöllun þeirri sem ég gagnrýni skort á og biðst ég þá velvirðingar á slíku, hins vegar skora ég á alla að draga fram lengri sýn á viðfangsefni líðandi stundar en það eitt gefur komandi kynslóðum von og vilja til betrumbóta í komandi framtíð.

kv.Guðrún María.

Athugasemdir

[Þórarinn Baldursson, 3.5.2012 kl. 02:04]

Heil og sæl, það er ekki nokkur leið að vera bjrartsýnn á neitt sem við kemur velferð lands og þjóðar,meða þessi ömurlega ríkisstjórn situr sem fastast,og gerir ekki nokkurn skapaðan hlut,nema til bölvunar.

[Guðrún María Óskarsdóttir., 6.5.2012 kl. 01:29]

Það styttist í kosningar Þórarinn.

kv.Guðrún María.