Ég hef 148 þúsund á mánuði í tekjur sem nýtilkominn öryrki.

Ég held að það sé ágætt að fara að draga fram mismun á launum manna og hef ekkert að fela varðandi mínar tekjur sem nú nýlega við tilkomu sem 75% öryrki eftir vinnuslys eru 148 þúsund gullkrónur á mánuði frá almannatryggingum þessa lands.

Ég er á leiðinni með, að sækja um örorkulífeyri úr lífeyrissjóð eftir að hafa greitt í þá hina sömu sjóði nær samfellt frá 17 ára aldri til 52 ára.

Fyrir mig verður því fróðlegt að sjá hver útkoma úr því hinu sama verður varðandi mánaðarlegar tekjur mér til handa, eftir að hafa yfirgefið vinnumarkað vegna vinnuslyss.

Kemur í ljós.

kv.Guðrún María.

Laun forsætisráðherra hækkuðu um 217 þúsund

Athugasemdir

[Sandy, 10.2.2012 kl. 06:00]

  Í mínum huga er þetta sóðaleg mismunun á launakjörum fólks. En spurningin er hvort landinn eigi það ekki skilið að hafa ekki hærri laun, þar sem fólkið samþykkir alltaf lúsa samninga bara af því að vinirnir Gylfi og Villi segja að fyrirtækin beri ekki hærri laun. Fyrirtæki sem ekki geta greitt betri laun eiga að mínu viti að leggja upp laupana, eða fara í að fá lækkuð þau aukagjöld sem innifalin eru í launatengdum gjöldum. Íslenskt verkafólk á að hugsa um sína buddu þegar kemur að kjarasamningum en ekki hvort fyrirtækin hafa efni á að borga. Það sýnir sig þegar verið er að borga yfirmönnum þessara fyrirtækja alls kyns sporslur hvort þau hafa efni á að greiða hærri laun eða ekki. (Svo eru þær hlægilegar þessar eingreiðslur sem er í tísku að bjóða nú til dags, sem allir virðast ánægðir með).

[Brynjar Þór Guðmundsson, 10.2.2012 kl. 06:31]

"Fyrirtæki sem ekki geta greitt betri laun eiga að mínu viti að leggja upp laupana"

Flest þessara fyrirtækja er smáfyrirtæki með 10 starfsmenn eða færri. Í þokkabót er það nú þannig að flestir vinna hjá þannig fyrirtækjum og því yrði atvinnuleysið gíkatíst.Þar fyrir utan eru forstjórar smáfyrirtækja ekki á neinum svaka launum

[Anna Steinunn Þengilsdóttir, 10.2.2012 kl. 20:15]

Sæl Guðrún María.

þegar þú sækir um örorkuna í lífeyrisjóðinn þinn og það er komið í geng munu bætur þínar skerðast frá tryggingastofnun um einhver prósent, mig minnir að það sé nú nokkuð há tala. Nú svo er líklegt að lífeyrisjóðurinn þinn sé með samskonar "úrræði" í sínum útborgunarreglum.

Það er sko ekki með neinu móti hægt að skilja þessar launahækkanir sem ráðherrar vorir hafa fengið og víla ekki fyrir sér að þiggja án þess að skammast sín nokkuð.

get tekið undir orð Sandy að eingreiðslur sem hafa verið samþykktar í mýmörgum launasamningum eru til háborinnar skammar og skila ekki miklu til þeirra sem þiggja eftir skattpíningu.

[Landfari, 10.2.2012 kl. 21:30]

Þú verður að passa þig á því Guðrún að bara missir ekki allar tekjurnar þínar. Ef þú átt rétt á greiðslum frá lífeyrissjóðnum gæti Tryggingastofnun vísað í það og hætt að borga. Lífeyrissjóðurinn bendir svo á Tryggingastofnun og segir að þú eigir ekki rétt á tvöföldum launum og greiðir ekki neitt því þú eigir rétt hja Tryggingastofnun.

En svona grínlaust þá er ég sammála Sandy og Önnu með þessar eingreiðslur. Skapa fleiri vandamál en þau leysa. En varstu búin að finna út Sandy hvað allt það fólk á að gera sem missir vinnuna ef farið yrði að ráðum þínum.  Eins og Brynjar bendir á erum við ekki að tala um neinn smá fjölda. Þessir samningar sem voru gerðir núna í fyrra voru umfram getu flestra þessara smáfyrirækja sem ekki hafa tekjur í erlendri mynt. Þess vegna fór þetta bara út í verðlagið sem hækkaði skuldir heimilanna og almenningur var eiginlega verr staddur á eftir. 

[Guðrún María Óskarsdóttir., 10.2.2012 kl. 23:18]

Sæl öll og takk fyrir innlitið og ábendingar.

Ég hefi talið að hverjum sem á réttindi í lífeyrissjóði hljóti að vera skylt að sækja þau hin sömu réttindi hversu svo sem skattalega umhverfi skerðinga er mikið hverju sinni.

Skerðingar krónu á móti krónu geta varla verið fyrir hendi en það kemur í ljós.

kv.Guðrún María.