Þingmaðurinn segi af sér.

Enn heggur þingmaðurinn í sama knérunn hvað varðar vanvirðingu við forseta landsins, og spurning hvort sá hinn sami hafi þar með rofið þann eiðstaf er sá hinn sami sór við stjórnarskrá, við það að setjast sem þingmaður á Alþingi.

Vantraust á þingmanninn væri afar eðlilegt undir þessum kringumstæðum, þar sem sá hinn sami yrði knúinn til að segja af sér.

kv.Guðrún María.

Forsetinn friðarspillir

Athugasemdir

[Guðjón Sigþór Jensson, 19.10.2011 kl. 00:21]

Þingmaðurinn á fullan rétt að gagnrýna forsetann. Því miður hefur hann klofið þjóðina fremur en að sameina. Þetta nýjasta leikrit er ekki til að laga ástandið, öðru nær.

Mér finnst að taka mætti Ögmund sér til fyrirmyndar. Í stað þess að hefja rannsóknir og efna til átaka varðandi innkaupamál ríkislögreglustjóra, þá vill Ögmundur bera klæði á vopnin. Hann vill sættir.

Ólafur Ragnar mætti sigla á kyrrari sjó. Það hefur engan tilgang að rugga sífellt þjóðarskútunni. Má hún við því?

Mosi

[Guðrún María Óskarsdóttir., 19.10.2011 kl. 00:29]

Sæll Guðjón.

Þingmaðurinn sver eið að stjórnarskránni en í þvi felst virðing við stjórnskipan landsins þar með talið embætti forseta.

Hvers konar vanvirðing í formi orða gagnvart forseta, endurtekið hjá viðkomandi þingmanni, er þess eðlis að sá hinn sami hefur skapast sér vantraust til starfa á Alþingi.

Við höfum nógu mikla stjórnmálalega ringlureið í landinu þótt einstakir þingmenn taki sér það ekki fyrir hendur að ganga út fyrir öll eðlileg mörk í þessu sambandi, en þingmannsstarfið krefst þess að viðkomandi sýni gott fordæmi.

kv.Guðrún María.

[Ómar Sigurðsson (IP-tala skráð) 19.10.2011 kl. 00:30]

Forsetinn hefur bjargað þessari þjóð í að minsta kosti tvígang þegar Jóhanna og Steingrímur voru búin að sigla í strand

[Guðrún María Óskarsdóttir., 19.10.2011 kl. 00:47]

Sæll Ómar.

Það er rétt.

kv.Guðrún María.

[Guðjón Sigþór Jensson, 19.10.2011 kl. 01:00]

Ómar:

Ekki átta eg mig á björgunarstarfi Ólafs. Hann ofmat hlutverk sitt en jók kostnaðinn. Þrotabú Landsbankans á fyrir forgangskröfum og það er aðalatriðið. Því finnst mér björgun Ólafs ekki vera nokkur.

GJ

[Haraldur Hansson, 19.10.2011 kl. 01:00]

Björn Valur kann sig ekki.

Það hefði verið nær fyrir Jóhönnu að draga fyrsta bréfið til baka þegar henni gafst færi á því. Í staðinn heldur hún áfram af alkunnri frekju. Sorglegt þegar forsætisráðherrann verður sér svona til skammar fyrir að skilja ekki hverju hún ræður og hverju ekki. Og sjá svo Björn Val reyna að klína ósóma Jóhönnu á forsetann!

[Guðrún María Óskarsdóttir., 19.10.2011 kl. 01:06]

Sæll Haraldur.

Það er rétt að þingmaðurinn kann sig ekki og slíkt fordæmi er eitthvað sem þingforseti þarf að taka fyrir.

Forsetinn hefur nýtt rétt sinn samkvæmt 26.grein stjórnarskrárinnar um vísun mála til þjóðar, og það verður þessi ríkisstjórn sem og stjórnarþingmenn að una við.

kv.Guðrún María.

[Haraldur Hansson, 19.10.2011 kl. 01:07]

Guðjón Sigþór: Það væri ráð að kynna sér Icesave málið betur. Vaxtaberandi krafa til tryggingar kröfunni stæði enn, sama hvort þrotabúið á fyrir 90%, 100% eða 110% af forgangskröfum.

Vextirnir af þessari tryggingu, sem þjóðin átti að bera, voru 100 milljónir á dag samkvæmt Icesave I en nokkuð minni samkvæmt "góða" samningum sem var felldur síðast. Þessi kostnaður greiðist ekki af eigum þrotabúsins.

Allur höfuðstóllinn ber vexti þar til greitt er inn á hann. Það bíður niðurstöðu í dómsmálum. Nú þegar værum við komin með vaxtakostnað sem hefði dugað fyrir Hörpunni, Vaðlaheiðargöngum og samt verið nokkur þúsund milljónir í afgang. Allt í gjaldeyri sem yrði klipptur út úr hagkerfinu með tilheyrandi margfeldisáhrifum.

Já, það er talsverður klafi sem forsetinn bjargaði okkur undan.

[Óskar, 19.10.2011 kl. 01:15]

Forsetinn er búinn að stórskaða þjóðina með orðagjálfri og kolröngum ákvörðunum.  Hér er ein mannvitsbrekkan, hann Haraldur sem heldur að forsetaræfillinn hafi gert góðverk þegar hann sendi seinni samninginn í þjóðaratkvæði.  Þjóðin lét svo lýðskrumara plata sig til að segja nei.  Hókus pókus, búið mál? 'Onei,  þetta á allt eftir að fara fyrir dómstóla OG MEIRI LÍKUR EN MINNI Á ÞVÍ AÐ NIÐURSTAÐAN VERÐI MIKLU VERRI EN SAMNINGURINN!

[Guðmundur Pétursson, 19.10.2011 kl. 01:21]

Þau eru mörg fífln við Austurvöll en ég held samt að þetta viðrini hann Björn komist auðveldlega í top 5% sé litið til spillingar og fávisku.

[Guðrún María Óskarsdóttir., 19.10.2011 kl. 01:21]

Sæll Óskar.

Raunin er sú að forseti Íslands talaði máli þjóðarinnar, varðandi Icesave á erlendum vettvangi meðan ríkisstjórn landsins gerði nákvæmlega ekkert slíkt.

Ríkisstjórn þessa lands sem nú situr ætti frekar að þakka forseta landsins en það atriði að efla til ófriðar gegn forseta sem er vinsæll meðan ríkisstjórn nýtur ekki þeirra hinna sömu vinsælda hjá þjóðinni.

kv.Guðrún María.

[Bernharð Hjaltalín, 19.10.2011 kl. 01:38]

Sæl Guðrún, þingmaðurinn er gamall skipstjóri í fríi á Alþingi hann veit ekki neitt um kjör almennings í landinu eða vill ekki vita af þeim,hann notar tíma sinn að ráðast á Hr. Ólaf R

sem hefur bjargað því sem bjargað gat, það var logið af Ólafi eins og svo mörgum, en núna er að koma hægur bati á hagkerfið og það er fyrir bestu.

[Guðrún María Óskarsdóttir., 19.10.2011 kl. 01:46]

Sæll Bernharð.

Viðkomandi þingmanni á ekki að liðast vanvirðing við forseta þótt hann sé gamall sjómaður, og sannarlega vantar það ekki að rífa niður virðingu Alþingis nú um stundir.

Raunin er sú að við þurfum að setja mörk hvar og hvenær sem er og þar skyldu alþingismenn ganga á undan með góðu fordæmi sem viðkomandi þingmaður hefur algerlega fyrirgert með orðagjálfri.

kv.Guðrún María.

[Guðmundur Ásgeirsson, 19.10.2011 kl. 02:22]

Björn Valur er tundurspillir vinstri grænna.

[Einar (IP-tala skráð) 19.10.2011 kl. 02:51]

Fyrra bréf forsetisráðuneytisins var hógvært bréf sem spyr forsetaembætið hvernig þeir ætli að túlka þann hluta rannsóknarskýrslu Alþingis sem gagnrýnin þátt forsetans í góðærinu.

Forsetisembætið svara því svo með hroka og neytar að skýra máls sitt og kemur svo af stað þessum bréfaskriftavítahring.

Enginn hér á landi er hafin yfir gagngríni, ekki heldur forsetaembætið eða forsetinn. Ólafur getur ekki hreinsað burt stuðning sinn við útrásarvíkinga með því að hafna Icesave. Síðast þegar ég vissi var það Indefence sem lagði í þá vinnu að setja óánægju þjóðarinnar niður á blað. Ólafur hefur alltaf verið tækifærisinni, og það snjall tækifærisinni.

Síðari höfnuninn var óumflýjanleg þar sem rökstuðningur hans við fyrri höfnun gerði það að verkum að hann gat ekki rökstutt sig úr því að hafna ekki samningum. En í það skipti var ekki víst að hann yrði feldur, enda naumur munur og stór hluti þjóðarinnar sem vildi samþykkja.

Hann sameinaði þjóðina í því fyrsta, og klauf hana með því síðari.

Svo talaði hann um aukinn völd forseta á setningaræðu Alþingis og konan hans gengur milli fólks á austurvelli til að setja sig upp á móti Alþingi.

Forsetinn hefur sýnt þingheiminn jafnmikla vanvirðingu, ég er nokkuð viss um að hann hafi líka svarið eið við stjórnarskránna. Miðað við þín rök ætti forsetinn að íhuga eigin afsögn og leyfa öðrum forseta að komast að.

Ómar: Það voru þeir sem sátu við stýrið þegar skútan strandaði sem bera ábyrgð á því, þeir sem sitja eftir góðærið sem gerðu sitt besta að koma skútunni heilli á þurt land svo hægt væri að bjarga henni.

Ég vill líka minna á það að Icesave eru engan vegin lokið, það gæti komið til þess að við verðum þvinguð til að greiða þetta í hvelli með miklu verri kjörum. Rökinn ganga ekki upp ef að við erum svo örugg með það að geta borgað Icesave á einu bretti úr þrotabúi Landsbankans, afhverju við myndum þá hafna samning sem myndi bara endast okkur í nokkur ár. Afhverju þá ekki að róa málið niður með að samþykkja hann og greiða hann upp með úr þrottabúinnu?

[Sigurður Haraldsson, 19.10.2011 kl. 08:45]

Guðjón og Óskar eru undirlægjur flokkræðisins sem og því miður fjölda annarra illa upp lýsta samlanda okkar! Ég segi hiklaust guð blessi forseta vorn og hafi hann þökk fyrir einurð sýna eftir hrun við að sameina þjóðina gegn flokksræðinu sem er búið að drepa niður allt lýðræði!

[Guðjón Sigþór Jensson, 19.10.2011 kl. 10:24]

Ástæða er til að hvetja bloggara að gæta hófs í fullyrðingum. Við eigum ekki að ausa samborgara okkar skömmum og svívirðingum þó okkur standi ekki á sama um hvað sem er. Við leysum engan vanda með því. Blogg okkar á að vera okkur fremur til sóma fremur en háðungar.

Nú þarf að koma þjóðarskútunni aftur á réttan kjöl og það getur tekið sinn tíma. Hvorki Ólafur forseti, Jóhanna forsætisráðherra né Björn þingmaður eiga að rugga skútunni en sjálfsagt er að finna að og færa málflutning sinn í sanngjarna átt.

Góðar stundir!

GJ

[Ásthildur Cesil Þórðardóttir, 19.10.2011 kl. 10:48]

Guðjón og fleiri hér sem verja ríkisstjórnina, það er orðið nokkuð ljóst að þessari ríkisstjórn mun ekki takast að koma skútunni á réttan kjöl, það er enná allt á niðurleið hvað sem þau reyna að tala efnahaginn upp.

Lýst vel á þessa hugmynd þína Guðrún María.  Reyndar ætti að lýsa vantrausti á alla ríkisstjórnina vegna vanhæfis.

[Einar (IP-tala skráð) 19.10.2011 kl. 12:02]

Bloggheimur morgunblaðsins er gjörsamlega ómögulegt um að eiga í eðlilegum rökræðum. Þetta fer bara út í einhverjar fullyrðingar og skítköst.

Ásthildur, fyrir hvað nákvæmlega viltu að vantrauststillagan sé byggð á? Hvað viltu svo þegar boðað er til kosninga aftur, hverja vilt þú fá til að "rétta skútuna af"?

Sigurður, afhverju eru aðrir hér minna upplýstir en þú? Ertu ekki til í að upplýsa okkur? Viltu meira vald frá forsetirráðuneytinu en frá alþingi vegna flokksræði? Eða hefurðu einhverjar aðrar hugmyndir hvernig sé hægt að bæta úr lýðræði okkar Íslendinga? Því ég held að aðal gallinn sé að við höfum enga skothelda lausn við flokkapólitík, þess vegna blómstrar hún enn. Styður þú t.d. hugmynd að persónukjöri?

[Guðni Karl Harðarson, 19.10.2011 kl. 12:46]

Einar kemur hér með fullyrðingar sem hvergi nærri standast. Ef hann tæki sig til og lesi nú tillögur frá fólki, en það er alveg FULLT af þeim. Tildæmis frá Attac svo dæmi sé nefnt.

Varðandi forsetann. Ég er sammála því að forsetinn gerði okkur óleik með því að tala máli útrásarvíkinga á sínum tíma. Kannski vissi hann ekki betur. 

En STÆRSTA málið er ég þakklátur honum hr. Ólafi fyrir og það er vegna Icesave. Því nú eigum við tækifæri til að búa okkur til öðruvísi framtíð án alls pengingavaldsins. Og við eigum líka tækifæri til að losa okkur við spillinguna þegar að við höfum breytt þessu gjörspillta kerfi.

Varðandi þingmanninn sem ég nefni ekki einu sinni á nafn. Það má velta því fyrir sér hversvegna sé raunveruleg ástæða fyrir árásum hans á forsetann? Kannski til að beina sjónum frá einhverju öðru máli sem er í gangi og þau vilja ekki að sé rætt mikið um? Þingmaðurinn er svartur blettur á þinglið VG.

Guðrún María, flott hugmynd hjá þér. Við eigum að taka hvern einstakan þingmann fyrir þannig að það komi fram að hún setji vantraust á hann. Draga sérstaklega fram málin hversvegna. Ef hugsað er um þá kemur hér einmitt fram ástæður þess að þjóðin á vissan hátt að geta gefið vantraust á þingmenn. Sem og aftur segir okkur að þingræðið er algjörlega ónýtt því að það fólk sem er kosið lendir alltaf inn í sömu aðstæðum. 

Stjórnlagaráðið þorði ekki að taka á þingræðinu og breyta því. Heldur lögðu þeir fram tillögu um að auka það.

[Ómar Bjarki Kristjánsson, 19.10.2011 kl. 13:09]

þetta er svo far át idealógía sem sumir eru með hérna - að mætti halda að þeir væru að reykja sýru.

Er ekki bara málið að Ólafur er sendur af Guði? Ólafur Helgi II?

Þingræðið algjörlega ónýtt? Og hvað? Þetta kannski:

http://youtu.be/_Q-6H4xOUrs

[Brynjar Björnsson (IP-tala skráð) 19.10.2011 kl. 14:57]

Æ mig auman, Ómar Bjarki, þarna fórstu alveg með það.

Godwins-lögmálið: "As an online discussion grows longer, the probability of a comparison involving Nazis or Hitler approaches 1."

Allar rökræður á þessu bloggi eru núna opinberlega dæmd dauð og ógild - slík eru lög internetsins.

[Vilhjálmur Stefánsson, 19.10.2011 kl. 15:00]

Væri ekki rétt að Forsetinn segði þessum ræflum sem sitja á þingi upp og boðaði til nýrra þingkosninga.Eða hefur hann ekki vald til þess???

[Guðni Karl Harðarson, 19.10.2011 kl. 15:09]

Brynjar, sem sagt eftir þessu lögmálum sem þú nefnir falla allar röksemdir þínar fyrir þessu dauðar?

Athugasemd þín er því dauð............

[Stefán (IP-tala skráð) 19.10.2011 kl. 15:54]

Ef forsetinn stæði með þjóðinni en ekki sjálfum sér, þá hefði hann ekki skrifað undir fjárlög síðustu ára og hvað þau lög um hvernig reikna ætti til baka lán einstaklinga.

Þá er ríkisstjórninni kennt um.

Ólafi er þakkað fyrir þegar hann skrifar ekki undir lög en ríkisstjórnin skömmuð þegar hann skrifar undir lög.

[Einar (IP-tala skráð) 19.10.2011 kl. 17:38]

Guðni Karl Harðarson: hvað er það sem stenst ekki? Hvaða fullyrðingar er ég að gefa frá mér sem þú telur ekki réttar? Ég er að spyrja þá sem eru að skrifa athugasemdir á þessa færslu hvaða hugmyndir þeir hafa um breytingar á stjórnskipun. Ég þekki Attac, og ef það er tilaga einhvers hér að taka þátt í að móta hugmyndir útfrá Attac finnst mér það ekki ósniðugt.

Hér er verið að hvetja til vantrausts á núverandi ríkistjórn, og mér finnst þá eðlilegt að spyrja hvað fólk vilji í staðin sé það svona ósátt.

 Þessi umræða finnst mér ekki snúast um þennann þingmann, heldur að ef einhver þingmaður gagngrínir forsetan eða forsetisembætið að þeir eiga hættu að að missa sæti sitt á þinginu. Mér finnst það út í hött. En það væri eðlilegra ef að við værum með persónukjör í þingkostningum, að hægt væri að sleppa að kjósa þingmann sem fólk er ósátt við.

[Þorsteinn J Þorsteinsson, 19.10.2011 kl. 18:57]

Forsetin er natturulega ekki fullkomin og hannverdur aldrei sa sem eg hefdi kosid,en hvort sem tingmønnum likar vel eda illa vid tann sem er i teirri stødu,TA BER TEIM SKILDA SEM KJØRNIR FULLTRUAR TJODARINNAR AD BERA VIRDINGU FYRIR EMBÆTTINU,og ef ad svona afar hæpnir snillingar eins og Bjørn Valur ekki geta skilid tad og haft tad mikid sidferdi ad teir virdi EMBÆTTID ta eiga teir ekki heima a AltingiP.Bara adur en saungurin byrjar ta vil eg taka fram ad eg er ekki floksbundin og hef i gegnum tidina kosid hina og tessa flokka.

[Guðrún María Óskarsdóttir., 19.10.2011 kl. 22:39]

Þakka innleggin og umræður, og minni á að ósmekkleg innlegg dæma sig sjálf.

Það er gott að vita að fleirum en mér er misboðið þegar þingmaður kýs að vanvirða forseta landsins.

kv.Guðrún María.

[Guðni Karl Harðarson, 19.10.2011 kl. 22:48]

>Hér er verið að hvetja til vantrausts á núverandi ríkistjórn, og mér finnst þá eðlilegt að spyrja hvað fólk vilji í staðin sé það svona ósátt.

Einar það eru komnar fullt af tillögum frá fólki um breytingar. Óþarfi fyrir þig að vera að spyrja um sem þú eflaust þegar hefur fengið nasasjónir af.

Guðrún María, þegar að þessi tiltekni þingmaður hafði ósæmandi orð um forsetann um daginn  þá skrifaði ég harla greinilega grein um að hann hefði verið að endurtaka leikinn. 

Vanvirðing sumra á þinginu á forsetann er alveg með ólíkindum  og þeim til skammar sem það viðhafa.

Nú er hann búinn að þrítaka og fjórtaka allt saman. Ekki hefði mér grunað að þessi maður gæti látið í ljósi slíka vanvirðingu á æðsta embættismann þjóðarinnar og er það til vansa öllum þeim sem það gerir. 

[Guðrún María Óskarsdóttir., 19.10.2011 kl. 23:59]

Sæll Guðni.

Það má segja það að einkennilegt sé þegar svo er komið að almenningur í landinu þarf að standa vörð um virðingu Alþingis, gagnvart ósæmilegu orðfari þingmanna í garð forseta Íslands.

Ég þakka þér góð innlegg Guðni og það er þörf að halda vöku sinni.

kv.Guðrún María.

[Brynjar Björnsson (IP-tala skráð) 20.10.2011 kl. 02:00]

Guðni, nei, eins og tilvísunin sagði: "As an online discussion grows longer, the probability of a comparison *involving Nazis or Hitler* approaches 1."

Þ.e.a.s... net-rökræður þar sem vitnað er í Nasistana til að styrkja einhvern málstað - sem gerist líklegra eftir því sem lengra á dregur - dæmast sjálfvirkt dauðar. Þetta er lögmál út af hversu algengt þetta fyrirbæri er á internetinu (og segir margt um internet-rifrildi yfirhöfuð). Skoðaðu aðeins myndbandið sem Ómar notaði til að sýna fram á "framtíðina" hér á landi... þar virkjast Godwinslögmálið.

Að auki skaut ég þessu inn að mestu til gamans því ég bjóst reyndar ekki við að sjá slíkt hér.

[Guðni Karl Harðarson, 20.10.2011 kl. 11:26]

Ég vissi vel að þetta var sett inn til gamans og það var líka tilvitnun mín þannig séð í gamni sem svar við gamni

[Guðmundur Ásgeirsson, 24.10.2011 kl. 03:43]

Ómar Bjarki til hvers ætti maður eiginlega að reykja sýru? Lýsergíðsameindin er nefninlega afar óstöðug og brotnar auðveldlega niður í óvirk efni. Hár hiti og oxun myndu líklega flýta mikið fyrir því ferli. Auk þess er það vont fyrir heilsuna að anda að sér slíkum reyk og ég yrði hissa ef hann bragðast vel.