Hvað kostar starf skilanefnda og hvað kemur mikið til baka ?

Ef það er svo að menn sjá það fyrir að fá lítið út úr dómsmálarekstri, til hvers í ósköpunum er þá valin sú leið ?

Ljóst er það hið sama lengir störf skilanefnda við frágang, þar sem viðkomandi eru eðli máls samkvæmt á launum þann tíma.

Hver er kostnaður við störf skilanefndanna og hve langan tíma áætla núverandi stjórnarherrar að það taki að ljúka þeim ?

kv.Guðrún María.

Eiga ekki von á miklum heimtum

Athugasemdir

[Jón Magnússon, 4.8.2011 kl. 10:09]

Þetta skilanefndaform var rangt. Í stað skilanefnda átti að setja stjórn föllnu bankanna (bankastjórn) sem heyrði undir lög um fjármálafyrirtæki og hefði fengið laun ákveðin af væntanlega viðskiptaráðuneyti og/eða fjármálaeftirliti.  Slík stjórn hefði síðan ráðið fólk til að vinna nauðsynleg verk. Störf slíkrar stjórnar hefðu verið gagnsærri og einfaldari en störf skilanefndanna. Þá hefðu stjórnarmenn ekki sjálfir verið að reka einstök dómsmál eins og raunin er á nú. Þetta er allt saman bölvað spillingarsullumbull því miður Guðrún. Þess vegna  heldur það áfram og það ber engin ábyrgð. Skilanefnd ákveður að fara í mál. Einhver skilanefndarmaður rekur það og fær ofurlaun fyrir og þegar það tapast þá ber engin ábyrgð á röngum ákvörðunum.  Þetta er því miður þetta Nýja Ísland hans Steingríms og hennar Jóhönnu.

Svo lætur þetta fólk eins og það sé ekki hægt að breyta þessu.

[Ásthildur Cesil Þórðardóttir, 4.8.2011 kl. 20:00]

Góðar spurningar Gmaría og væri gaman að fá svör við þeim báðum reyndar.

[Guðrún María Óskarsdóttir., 5.8.2011 kl. 00:16]

Ég er þér innilega sammála Jón varðandi skilanefndirnar, það var allt of mikið vald fært frá stjórnvöldum í raun í þessu efni, sem aftur getur boðið upp á það að enginn veit hvað fram fer, fyrr en eftir dúk og disk.

Já Cesil, það væri ágætt að fá svör við þeim.

kv.Guðrún María.