Ísland til framtíðar.

Við erum rík þjóð Íslendingar hvað varðar gæði móður náttúru, fiskimiðin kring um landið, orkan í iðrum jarðar og landgæði til landbúnaðar.

Við eigum vel menntað fólk til starfa í flestum geirum mannlífsins, þar sem hugvitið þarf að virkja og nýta til frekari framfrara.

Við munum yfirstíga þá erfiðleika sem nú er við að fást í voru efnahagslífi og hefja vort land upp úr hjólförum stöðnunnar þótt lærdóm þurfi að draga fram í þvi sambandi að " best er meðalhófið ".

Við munum í framtíðinni verða þess umkomin að snúa byggðaþróun í landinu til betri vegar, þar sem landbúnaðarframleiðsla verður aukin og nýting ræktaðs lands í kjölfar eftirspurnar eftir íslenskum afurðum, færist til betri vegar.

Við Íslendingar gefumst aldrei upp þótt móti blási, heldur setjum undir okkur höfuðið og göngum gegnum storminn.

Það höfum við gert gegnum aldir og munum gera áfram.

Til hamingju með daginn góðir landar, og blessuð sé minning Jóns Sigurðssonar.

kv.Guðrún María.

Athugasemdir

[Óskar Helgi Helgason (IP-tala skráð) 17.6.2011 kl. 01:54]

Heil og sæl; Guðrún María, æfinlega !

Ég held; að þú getir sparað þér heilla kveðjurnar, Íslendingum til handa.

Lýðveldis tilraunin (1944 - 2008) er dauð.

Vart vitum við enn; hversu margir hafi flutt af landinu, einungis fyrir sakir hörmunganna, Haustið 2008 - og eru enn að fara, eða búa sig undir það.

Ótölulegar skattahækkanir; í ofanálag þeirra, sem fyrir voru, eru í burðarliðnum.

Og; spyrja má því !

Til hamingju með hvað; fornvinkona góð ?

Reyndu ekki; að skrökva að sjálfri þér - né neinum öðrum, að hér takist að rétta hlutina við, á ný. Sjálfur; Bermúda Þríhyrningurinn (gúlpurinn mikli), yrði fyrr fylltur upp, en að samfélags ómyndinni okkar, yrði bjargað !!!

Með beztu kveðjum; öngvu, að síður /

Óskar Helgi Helgason 

[Guðrún María Óskarsdóttir., 17.6.2011 kl. 02:02]

Sæll Óskar.

Kjörtímabil þessarar ríkisstjórnar styttist.

kv.Guðrún Maria.

[Óskar Helgi Helgason (IP-tala skráð) 17.6.2011 kl. 02:17]

Heil á ný; Guðrún María !

Gildir einu.

Norður- Ameríku Indíánar; eða þá Mongólskt fólk, kynni betur, með gæði lands og sjávar að fara, en núverandi Íslendingar.

Því miður; nöpur staðreynd, en sönn !

Með; ekki lakari kveðjum, en þeim fyrri /

Óskar Helgi Helgason  

[Guðrún María Óskarsdóttir., 17.6.2011 kl. 02:32]

Já Óskar, get nú alveg tekið undir það að ýmsir hefðu farið betur með jarðar gæði en þeir ef hafa farið með stjórn mála.

Ég veit það hins vegar einnig að ef við viðrum ekki bjartsýni og von og trú á hið góða öðru hvoru þá er illa komið.

kær kveðja.

Guðrún María.

[Óskar Helgi Helgason (IP-tala skráð) 17.6.2011 kl. 02:46]

Heil enn; Guðrún María !

Gleymdu bjartsýninni; hvað varðar, núverandi ábúendur Íslands.

Hvar; í veröldinni, hefðir þú séð mann, eins og Halldór J. Kristjánsson, fyrrum Landsbanka stjóra, rölta út úr ''Hæsta'' rétti, með um eða þá yfir 100 Milljónir króna, eins og ekkert hefði, í skorist ?

Nefndu land; Guðrún mín : Ekvador / Ghana, eða þá Laos ?

Ekkert þessarra; fremur en annarra - Heimskautanna í millum; þér. að segja.

Og; umfram allt, slepptu voninni og trúnni, jafnframt !

Með; þeim sömu kveðjum - sem áður /

Óskar Helgi Helgason 

[Kristján P. Gudmundsson, 17.6.2011 kl. 07:55]

Guðrún María, þakka þér fyrir að halda í vonina og trúna ! Gleðilega Þjóðhátíð.

Með góðri kveðju, KPG.

[Guðrún María Óskarsdóttir., 18.6.2011 kl. 23:35]

Takk fyrir það Kristján.

góð kveðja.

Guðrún María.