Eftirlit með læknum og skipulag heilbrigðiskerfisins.

Árið 1997, kom það í ljós eftir úttekt Ríkisendurskoðunar að sjúklingar voru ótryggðir eftir meðferð á einkastofum lækna úti í bæ, sem þó voru hluti af heilbrigðiskerfinu.

Með ólíkindum má telja að þetta atriði skuli ekki hafa komið fram fyrr en þessi úttekt kom til sögu, og það skal viðurkennt að ég spyr mig hvort Landlæknir hafi ekki örugglega gagnagrunn frá læknum í einkapraxís úti í bæ nú í dag ?

Hinar miklu deilur á sínum tíma um tivísanakerfi eða ekki tilvísanakerfi er hlutur sem fróðlegt er að skoða í þessu sambandi því mikil andstaða sérfræðilækna við slíkt kerfi, hrakti hugmyndir um upptöku þess til baka, því miður, sökum þess að slíkt var hvoru tveggja sjálfsagt og eðlilegt að mínu viti.

Dæmi þau sem Kastljósið hefur sýnt okkur um lyfjaaustur til handa einum sjúklingi af morfínskyldum lyfjum að hluta til ofar mannlegri skynsemi, hvað þá siðareglum læknastéttarinnar.

Það segir mér enginn að nú árið 2011, geti kerfi heilbrigðismála ekki haft gagnagrunn til staðar sem tryggir það að slíkar lyfjaávísanir til handa einum einstaklingi geti ekki átt sér stað.

kv.Guðrún María.